破產 FAQ 16 - 辭左職才申請破產?

admin

Question:
請問第一次去那裡見破產處的人填寫表格要點呢?
我現在剛剛有份工返了一個月,有d擔心公司會知到?是否一定要給破產處的人知?
重要我想知第一次去破產處他們會否問過去的財政問題?
我係咪唔做份工會好d呢?
我見破產處d人要點做呢?


Answer:

1. 如果你經律師搞,佢地會教你點填份表,最重要係你要有齊近3-6個月的所有銀行存摺記錄及所有statement.

2. 破產管理處緊係會問你將d錢用晒那些地方,你可以如實告知.

3. 當你入左紙申請破產後,你的儲蓄戶口便會即時凍結,咁你就要要求公司用現金出糧比你,或叫幫你搞破產的律師出封信比你去未曾欠過債的銀行去開一個儲蓄戶口比你出糧用,但到時你要諗下點解釋無端端要改出糧戶口.如果你公司沒有規定用指定的銀行用來轉賬出糧比你,咁會易d過骨.但有d公司比較煩,因為要用指定的銀行才可以出糧過數.

4. 但當你日後轉新工時,而新公司要你係另一間銀行開戶口時,便會有一定麻煩.

5. 如果你無欠財務公司錢,一般大銀行吾會係你申請破產期間內搵收數公司騷擾你.換言之即係你依家返工個老細會知道你有財政困難,及可能會有收數公司上去你公司搞你,例如用電話、fax機及追數信.

6. 但不排除個別銀行會把你條數搵收數公司去收.

7. 所以如果你欠財務公司的錢,會係你申請破產期間有一定的麻煩及不便.

8. 至於你依家份工仲做吾做好,真係好難答你.尤其是你的老細不接受有財政困難的人係佢公司做,正所謂家賊難防!但你不坊開心見誠同你個老細講你的現況,大不了辭工吾做!