今日平靜哂

ray0503

我當年都係揾律師搞，佢地拎到份破產令應該會叫我上去拎，律師就應該會大概同你講之後要點做，我記得申請個陣律師有教之後同主任傾生活費。個陣我就係政府主任跟，順利見完佢後無耐我揾到工就問佢拎信開出糧戶口。之後我每年準時交年報，真係有幾多收入﹑支出都寫清楚，交年交齊。除左即日來回工幹之外，基本上我出境都會通知佢，反正都只係 fax 俾佢，佢唔太理都無所謂，我就做好我嘅責任。所以個主任對我都唔錯，批生活費都唔係咁手緊，我好平安咁渡過左4年。我係2013年畢業，但上個月因某啲原因先去拎解破信，都係一齊順利，下星期就拎得啦！所以我覺得無論係政府主任或外判，只要你做返自己責任，忍受4年好快就會重新開始，明天會更好！