分享申破至今（長文）

Sassbearbear

講講我個背景先，total爭廿幾萬卡數+一條循環貸款！今年一月開始無業，一直由男友幫手找卡數，直到六月，男友半失業狀態，得散工返，勉強可以找到數，不過張張都過晒期同還min pay，而我都有搵過幾份工，但得一份有見工機會，兩個都諸事不順，直插谷底，到八月嘅時候，兩個連生活開支都有困難，工又搵唔到，我淨係諗到申破先可以解決到，減輕生活開支同負擔。兩個商量後就決定行依一步。
之後搵左間事務處幫我攪，去到幫填晒表，再約時間上去破處宣誓交錢。
當日，係宣誓等得耐（有新手上班），整個流程都好快，去到破處交錢>宣誓>過高院交錢交呈請>上去排期！（因為有導遊帶住，自己行少左，有少少步驟唔係太清楚）申請完總算放下心頭大石。
大約五星期就頒領，頒領前一兩星期會收到破處嘅信，提及頒領後五日內預約時間，去邊間初次會面及交佢要求嘅文件，仲有講開戶搵邊個主任！
申破到頒領交文件，都需要六個星期左右！
真心講，如要申破而自己有時間，係可以自己攪掂晒，因為我失業又無抵押品，所以填表都無乜特別野要填。而破處網頁都有講流程。當然嫌麻煩就搵專業人士啦。
申破至頒領期間，可以準備定戶口及信用卡嘅月結單、稅單（無的話可以去稅局攞，即時有）、Mpf結算書、僱員合約、水電煤單、租單⋯  都有列明有咩帶咩去交文件，提一提有報過稅而唔洗交稅，都可能要返近三年報稅表！
入學後一個月，生活上無乜特別唔同，甚至唔記得自己入左學，淨係網上買嘢無左信用卡唔方便姐。
依家開始要好好學理財、唔好亂買嘢，要做個精明知慳識儉嘅人！大家唔好因爲入左學而唔開心，四年好快過，大家都要一直開心生活！

Chung811

同勉！

victor24

無人想破產,但都是無辨法之中的辨法,4年好快過,努力.

Jim69

大家一起努力，我都等緊頒令，有曬心理準備外判。

PoorGuy2018

大家要一齊努力渡過入學生涯

Sassbearbear

大家都要努力丫！！

Lamkakayee

努力

zzact

大家一齊加油

Sassbearbear

時間好快過，大家要好好學識理財戒亂用錢壞習慣！

kayl1970

努力