先講3,發了信到1X間銀行及財務機構問數。邦X覆得最快,幾乎係今日收到聽日就覆你咁樣,但一收到佢回信係真係嚇到腳下一軟唔係講笑,38%息。由欠2萬幾變左 total 要還廿萬。然後陸續收到其他回信,銀行算係比較均真,就算隔左咁多年,計埋晒啲息都算係合理。特別想提一提獅子銀行封回信禮貌到我覺得感動,"please convey our thanks to your client for his homorable intension to repay the outstanding debts." 雖然感動但也感慨,事隔多年,終於算係面對返當年既「走數」。學我朋友話齋,執緊「上一代既屎」。雖然難聽,但我又慶幸自己有能力可以選擇點樣處理詳情唔陸續講,到最後收齊晒回覆,加埋外判既管理費,差不多要還兩球。