請教各位

好煩2019

樓主，我都有欠日本同Caxxxxxpxx，頒令前比佢地煩死，不停打晒電話比咨詢人，屋企人，公司講晒粗口叫還錢，全世界都知，佢地好神通廣大，我唔同住嘅屋企人地址都搵到，就連我前夫屋企人電話我都唔知，但佢地都搵到。亦有send WhatsApp 比我屋企人顯示佢啲朋友名&電話。總之頒令前煩到嘔。

好煩2019

記住 ! 記住 ! 點煩你都唔好還錢，還得一間，其他知道就繼續追你還就大鑊啦。而且入左紙還比任何人都犯法㗎。捱到頒令後就好好多啦。

好煩2019

樓主，呢度每個人都經歷過你而家要行嘅路。當初我都好驚，經常係谷問野，如果你有爬文都應該知道大約會發生咩事，條路會點行。總之有唔明或有疑問就係度問。好多師兄師姐都樂意解答。我覺得由入紙到頒令期間係最難捱，要面對屋企人，朋友，公司，真係想搵窿損無地自容。收數不停滋擾，但係佢地都要做野交功課，體諒吓，鬼叫自己欠人錢。頒令後就會舒服好多，就算每月要上繳都好過未入學時生活費都冇，飯都冇得食，每個月啲錢用晒嚟還債都唔夠。加油呀 !

好煩2019

Anmi2019 發表於 24-3-2019 18:09
俾屋企人鬧就要預咗喇，我初時驚到電話挍靜音，唔識嘅來電唔聽，門鐘都關埋，仲同管理處講唔俾任何人上門搵 ...

我最初都好驚，係門口貼左個鏡頭裝假狗，每日返屋企都提心吊膽望吓門口有冇野，呀媽屋企抽起左條電話線，驚收數打去嚇親佢。好彩只係電話騷擾冇上門。
去差館備案都2次。

好煩2019

SISI0322 發表於 24-3-2019 18:27
又無左d字，哩個月我覺得好難捱呀

係呀，最難捱係呢幾時個星期，頒令後就舒服好多啦。我同樓上師兄師姐都捱過左啦。所以好明白你感受。堅持加油呀 !

好煩2019

SISI0322 發表於 24-3-2019 18:44
好想搵窿捐埋成個月，好難捱，係咪我問題？打完禁回覆會無晒/無左一半既字 ...

好明白呢個幾月係好難捱。撐住呀，最初係會打密啲，之後就隔幾日先打嚟，打嚟追就話冇錢還唔到，佢講咩都唔好理，話上門果啲都係大你，明知你冇得還，佢地要搭車嘥時間上門，蝕本生意佢地唔會做，只係做吓野交功課。
千祈唔好心軟比佢地氹還住一期或者小小先，咁樣係犯法㗎。同埋還得一間，其他知道你就大鑊啦。一定要撐住呀 !!!

好煩2019

SISI0322 發表於 24-3-2019 19:25
係架？我仲係度計縮數，黎緊紅日多，感覺上少d被追，雖然我有咁多3線數

係㗎 ! 我2月1号宣誓，跟住星期六，日，跟住就過年，果個星期好清淨， 初七開始嚟料啦，不停話搵我地拜年。星期六佢地半日有時上午會打一次嚟，紅日就放假。

好煩2019

SISI0322 發表於 24-3-2019 19:59
咁你幾號上庭？正式令？

3月5号上庭頒令，已經交文件，見主任。
暫時初期程序已經完成，等緊生活費，上繳幾多。

好煩2019

SISI0322 發表於 25-3-2019 12:56
已經打晒比咨詢人.....被人鬧都預左，係覺得對佢地唔住....無面見佢地

樓主我好明白你感受，因為我都係咁。
比人鬧都無辦法，鬼叫自己攪成咁，連累人感覺係唔好受。
我2月1号入紙比屋企人鬧到而家，都冇計，唯有乖乖地唔好再行差踏錯，慢慢修補返啲關係啦。

好煩2019

SISI0322 發表於 25-3-2019 15:15
點解我打親一段未，都會cut到得咁小

試吓重新登入

好煩2019

你本人聽佢會講邊間

好煩2019

SISI0322 發表於 25-3-2019 17:57
今日先第一日，好難受好難頂

係呀，會心情底落唔好受，捱到頒令就冇事啦。加油呀 !

好煩2019

ting530hk 發表於 25-3-2019 20:20
佢係一收到你case no.果日就即刻打？

我好彩啲，2月1号宣誓跟住係星期六，日，過年，初7先開始打嚟，煩小一星期。

好煩2019

SISI0322 發表於 26-3-2019 12:52
哩種感覺真係好難頂

最初真係好難頂，攪到情緒底落，打左大約2星期就開始話之佢，因為要講都講晒，已經全世界知道冇咩再驚。
又咁啱我呀媽呢段時間入左醫院一個月，攪到人都顛。

好煩2019

我都係比人氹數冚數，又唔想比屋企人知，越滾越大。係呢個谷，個個都是同路人，大家互相鼓勵乖乖地捱4年，重新開始。

好煩2019

SISI0322 發表於 3-4-2019 00:02
我係自己覺得唔可以再咁落去，只會越黎越誇張，同埋都真係令自己好大壓力，好辛苦，所以選擇同屋企人，男 ...

我入紙時都比屋企人鬧到死，滋擾到公司，朋友全部人知，當時真係無地自容想搵窿捐，鬼叫自己蠢攪到咁，唯有而家慢慢修復關係。
23/4 好快到，撐住呀，上庭頒令後就會輕鬆好多，到時又進入另一個程序。
果間野再打嚟就話冇錢得啦，我都係咁同佢地講，佢地講咩當佢唱歌，人地打份工都要做野交功課。總之佢地冇升級上門攪事就唔駛理佢，有就即刻報警。