真係多謝呢討論區

好煩2019

lhcheung03 發表於 7-5-2019 11:30
等緊

你自己攪去邊度攞申請表 ？
我有朋友都想自己攪。

好煩2019

lhcheung03 發表於 7-5-2019 11:22
自己。。21 先上 好怕月尾出唔到糧。。。我想問有無人依家係永 0....我發現我永o account 咩都有。。有無 ...

最遲21号頒令就會凍結戶口，亦可能會早過頒令凍結，你戶口有其他理財服務唔可以再用，你要叫主任比信你重新開一個新saving 戶口。
另外可唔可以叫你公司今期出票。遲些補返新戶口出糧，因為凍結左要主任攞解凍信後又要等幾日先攞到錢。

好煩2019

lhcheung03 發表於 7-5-2019 12:00
官方網站有

唔該晒

好煩2019

Stanyan1229 發表於 7-5-2019 14:37
Min pay每月30K , 我當時都係搵30k . 所以我根本冇生活費，未不停借，不停左冚右冚！ ...

你借到咁多先話你勁。通常係月薪廿幾倍。

好煩2019

你地真係好勁，失敬失敬

好煩2019

flo 發表於 7-5-2019 03:38
自己住，女又大了，應該自己搵自己洗點都夠呀，為嘜搞到破

收工有時間回應返flo妹妹先

說來話長 。。。千字文慎入
實不相瞞，我係第二次破產，第一次是廿幾年前，當時老公生意失敗，兩個人一齊申请。當年只欠銀行，咭數，好順利平靜冇咩追數，所以唔覺破產有幾大壓力。
後來幾年後佢有第三者所以我要離婚 (當時有諗過自殺，遺書都寫埋，但諗起2個女同呀媽所以冇咁做)。
我帶住2個女仲讀緊書，前夫冇比贍養費，又要交租食飯，讀書又多開支，人工又唔多，所以一直都有問朋友借錢渡日，但唔敢比佢地知，後來朋友借得多都唔好意思再問。銀行，1線借唔到就去借2線，數冚數，維持好幾年，直至佢地讀完書後慢慢還清晒數。

直到前幾年因為投資失利又開始借2線，自己又大駛，所以越滾越大，(有時我又覺得係病態，唔借唔安樂)。當時自己係還到，但一齊幾年嘅男朋友開始唔夠工開，跟住失埋業，唯有我頂埋生活費，唔夠駛又續借，本來諗住佢搵到工就可以一齊還冇問題，(貧賤夫妻百事哀) 當時嗌交多左，最後分手收場。唯有自己撐左年幾兩年， 越冚越大，終於冇能力還。

雖然而家我2個女大個左，但我一直都冇問佢地攞家用，佢地都有自己家庭，自己生活，我唔想比壓力佢地，所以我借錢唔敢比佢地知，直到今次申請唔講唔得。
有時都覺得自己好失敗㗎，幾十歲人攪到咁，唔死都冇用。而家只希望慢慢修復同屋企人嘅關係。
但自己做錯就要自己承担返後果。我會努力做返個人。
多謝收看千字文，唔好怪老人家長氣，講咁多廢話。

好煩2019

flo 發表於 8-5-2019 00:04
收咁夜呀

係呀，食埋飯，返屋企先坐定定覆你

好煩2019

Stanyan1229 發表於 8-5-2019 00:11
好煩師姐，你好硬正

食得鹹魚抵得渴
自己嘅事自己受，唔想連累任何人

好煩2019

PoorGuy2018 發表於 8-5-2019 00:15
我諗入學人士中女士都佔唔少，但只係因為女士大多難於啟齒同人呻，至較少上論壇或找人傾 ...

係呀，我上庭當日都有唔小女士㗎。
呢個討論區真係好好，全部都係過來人，可以比我地係度呻，係度抒發，大家都有共鳴
又可以知道好多唔同嘅問題，點樣去處理，唔駛盲中中唔知點做。
真係要多謝版主創立破產討論區 Thank you

好煩2019

flo 發表於 8-5-2019 00:15
你為左兩個女，第日會有回報，你唔同佢地講錢依世人都係好母女關係，如果當年佢兩個接受你有男朋友，而男 ...

而家好男人買小見小，各位妹妹你地仲後生，將來識男朋友要小心，要保障自己，唔好咁傻，只有付出。"親生仔不如近身錢"

好煩2019

Zoo123Zoo 發表於 8-5-2019 01:07
我自己住，係律師幫我填既，佢大概計哂就二萬八千幾，佢預佢減d應該都有2萬5左右 ...

你自己住都計到咁多生活費 ?
等你好消息

好煩2019

欠一百萬 發表於 8-5-2019 00:59
偶像呀

欠一百萬師兄，唔好玩我啦

好煩2019

Fanfan12345678 發表於 8-5-2019 12:19
回想冚數日子不好過，又要扣25%又要被人寸，現在申破，等上庭，總算似個人！身边人開始和我有說話頃番， ...

我地未破前真係好大壓力，又要搵錢找數，有時飯都冇得食，又唔敢比屋企人知，又唔想累到身邊人，朋友，忍得好辛苦真係想死
自從頒令後生活完全唔同晒，雖然某程度生活有限制，但已經好好多。
而家你同男朋友有返計傾， 恭喜你呀，要好好珍惜呀 !  大家一齊努力

好煩2019

Baba 發表於 8-5-2019 13:47
我都想入學，但好多野末計得掂

有問題可以係度問，好多師兄/姐會盡量解答你。

好煩2019

Fanfan12345678 發表於 8-5-2019 14:23
今天又被追啦，本來早上心情很好！現在聽得多這些电話心情也負面很多！我今日全家又被拉進群！惨………… ...

撐住呀，好快頒令。

好煩2019

Baba 發表於 8-5-2019 15:34
我本身争40個多d，因為小朋友末夠16歲，所以要有人睇住，加上2公婆有工作，所以有工人，工人仲有年半约， ...

你太太同請工人情況問吓律師意見先。
銀行戶口通常頒令前會凍結，(視乎你有冇欠該銀行) 每人情況唔同，有啲入紙後即時凍結，我本人頒令前兩日先凍結。如果凍結左問主任攞解凍信，4-5個工作天可以開返，但理財戶口不可以再用，要開個新齋儲蓄戶口，(開新戶口&解凍信是分開的，要同主任講清楚攞咩信)。
盡快取消所有過數戶口，因為銀行&財仔未到過數日會嘗試係你戶口扣錢。刪除所有網上平台，預防財仔搵到你啲朋友或親戚。
做足一切安全措施先。

好煩2019

最好入紙前攞晒啲錢出嚟。

好煩2019

fanfan 撐住呀，我地幫你集氣。電話照聽冇得避，廢是佢地搵唔到你騷擾你屋企人，總之拖住話冇，而家比係大家都犯法，更何況真係冇。

好煩2019

hornet 發表於 8-5-2019 17:54
普通6c入學，同搵顧問有咩分別？我幾間收數了，大部分都係2，3線，家又散了 ...

顧問會好啲咩 ？
咪信呀，想你幫襯咪咁講囉。
唔通顧問識晒所有財仔有計傾，所以會好啲 ？
其實你一入紙，財仔一定追，每人追嘅情況唔同，有啲電話都冇，睇彩數。

好煩2019

hornet 發表於 8-5-2019 18:05
剛一間3線打黎收數，我借佢18000，現在要我還37000

咁你試吓問家人，朋友借錢快啲入學啦