申請破產

Baba

maksiusang 發表於 9-5-2019 03:43
樓主你肯上繳二三千,噉外判就乜嘢數都會批准你。如果你諗住一毫子都唔上缴，噉你啲數就會睇得好緊 ...

想問小小，是否每個入學都係外判處理？上缴2,3000,其實，我情況多數要上缴

Baba

欠一百萬 發表於 9-5-2019 01:47
個人雜費，家庭雜費 不除2

供養小朋友係一個數, 包埋膳食,

其實個人雜費，家庭雜費，係每個月申請到幾多左右，同埋係包d乜，因為，我本身只負責屋租，水電煤，所以好多屋企野太太负責的

Baba

供養父母呢，如果不是一齊住係咪一樣可以申請供養父母呢

欠一百萬

Baba 發表於 9-5-2019 13:11
其實個人雜費，家庭雜費，係每個月申請到幾多左右，同埋係包d乜，因為，我本身只負責屋租，水電煤，所以 ...

個人雜費一個數，家庭雜費又係一個數, 包哂所有野. 唔係每個月申請.

個人即係除左你食飯搭車其他的使費, 例如買衫, 剪髮, 買廁紙, 買零食, 排街症.

家庭咪就係屋企的雜用開支囉.

你要明白, 太太有工作, 之前提過那些會除2, 並不是根據你家庭以往誰負責來定. 除非你太太收入好低, 你唔服佢個批准, 去上訴由法官定.

不同住的父母都可以供養.

你申破時有一張開支表要填入數字, 你去破署網下載來看看. 你可以咩都填入去, 但係到時佢地也有標準來審核你的支出. 外判反而會逐樣細明列出來你睇. 主任係一個大數, 自己執生.

Jim69

Baba 發表於 9-5-2019 10:49
想問小小，是否每個入學都係外判處理？上缴2,3000,其實，我情況多數要上缴 ...

開大會時會話你知邊間指定外判，通常有高收入都會，上繳多少看跟你的外判如何批，我要上繳5位數。

Baba

Jim69 發表於 9-5-2019 18:35
開大會時會話你知邊間指定外判，通常有高收入都會，上繳多少看跟你的外判如何批，我要上繳5位數。 ...

高收入就會外判，其實我都唔係高收入，不過而家起碼有個慨念先，知道將來條路点行，等自己有预備

coey1314

Jim69 發表於 9-5-2019 18:35
開大會時會話你知邊間指定外判，通常有高收入都會，上繳多少看跟你的外判如何批，我要上繳5位數。 ...

師兄你搵好多？要上繳5位數咁多⋯⋯⋯

Jim69

coey1314 發表於 9-5-2019 21:12
師兄你搵好多？要上繳5位數咁多⋯⋯⋯

比上不足 比下有餘咁，無牙力外判又緊，始終自己欠人錢，還到都要盡還，總不能虛渡4年唔做嘢，何況日子巳比以前好，捱過左就會好。

Baba

Jim69 發表於 9-5-2019 22:00
比上不足 比下有餘咁，無牙力外判又緊，始終自己欠人錢，還到都要盡還，總不能虛渡4年唔做嘢，何況日子巳 ...

師兄，你情況同我相似嗎，你可以分享下你点安排嗎？

Jim69

Baba 發表於 9-5-2019 22:29
師兄，你情況同我相似嗎，你可以分享下你点安排嗎？

有的相似，點安排意思係每月洗費如何安排？

Baba

Jim69 發表於 9-5-2019 22:44
有的相似，點安排意思係每月洗費如何安排？

係，外判大约点安排生活費比你，你每月上缴多少，我都想参考下

Jim69

Baba 發表於 9-5-2019 22:55
係，外判大约点安排生活費比你，你每月上缴多少，我都想参考下

唔同外判職員都有手鬆手緊，跟本無準則，我個係一個總數咁，招數係先減你好多，之後加少少比你，實數不講請見諒，少少資料參考下：我係私人樓，屋租，水電媒除2 ，工人姐姐薪金除2 ，小朋友每人$2000，稅實報實銷，老強，電話費跟單，饍食交通家庭個人雜項1個數，父母批得幾百因要除兄弟姊妹，最後上繳5位數。
真是搞唔掂，早的破，馬C落地行大人改變生活，現在學緊的師奶嘢，慳得一蚊得一蚊，無嘢搞唔掂，努力。

Baba

Jim69 發表於 9-5-2019 23:26
唔同外判職員都有手鬆手緊，跟本無準則，我個係一個總數咁，招數係先減你好多，之後加少少比你，實數不講 ...

師兄，我母親一個人住，70多歲，我本身有個兄弟，每人每月比3000老人家，如果批得幾百，老人家怎夠用，你批幾百，因為多兄弟姐妹?

Jim69

Baba 發表於 9-5-2019 23:30
師兄，我母親一個人住，70多歲，我本身有個兄弟，每人每月比3000老人家，如果批得幾百，老人家怎夠用，你 ...

我爬文曾見供養父母批$3000，如果父母有乜金物金又要扣減， 你2 兄弟除2，我不是兄弟姊妹多，係本身就批得少，唯有自己慳的盡力比。師弟，唔好諗咁多，就算別人點批點批，到自己又係另一回事，外判心裡有條數。

Baba

Jim69 發表於 9-5-2019 23:39
我爬文曾見供養父母批$3000，如果父母有乜金物金又要扣減， 你2 兄弟除2，我不是兄弟姊妹多，係本身就批 ...

如果佢哋可以咁樣對待供養父母，明顯外判真係心中有條數，好似有d唔人道

Baba

批幾百，老人家水電煤都末夠交，唉

Jim69

Baba 發表於 9-5-2019 23:51
批幾百，老人家水電煤都末夠交，唉

只是我依個case, 有好多人主任跟，亦有人外判但上繳好少，每人的經歷都唔同，不用諗太多。

Baba

而家仲有一樣烦，本身而家得番一個 恒x普通嗰啲儲蓄戶口出糧用，本身又係欠佢錢，如果入學凍結左呢個户口，到時可以点做，出糧d錢仲用0唔用得？

欠一百萬

Baba 發表於 10-5-2019 00:32
而家仲有一樣烦，本身而家得番一個 恒x普通嗰啲儲蓄戶口出糧用，本身又係欠佢錢，如果入學凍結左呢個户口， ...

少擔心, 現在開始有幾多拎哂出來. 日後凍左, 等頒令問主任取信解凍. 就算出左糧入去, 解凍後都係你的.

Baba

欠一百萬 發表於 10-5-2019 00:36
少擔心, 現在開始有幾多拎哂出來. 日後凍左, 等頒令問主任取信解凍. 就算出左糧入去, 解凍後都係你的. ...

如果我本身欠佢錢，我有解凍信，佢是否無權唔開番比我？一般，幾時會開始凍结户口？