希望大家比啲意見

好煩2019

萬念俱灰 發表於 17-5-2019 18:11
嘩。咁好彩我百冇姐。保險都冇。我打左比佢幾次。可能佢覺得我煩。應承左我星期四一定搞掂哂連埋宣誓。佢 ...

呀妹，預祝你下星期四順順利利。 唔駛搵人攞信去嘥多幾千蚊，既然屋企人知道晒 打嚟都唔驚，到時唔聽電話，聽都係同佢講冇錢還，捱到頒令就輕鬆晒啦。

好煩2019

hornet 發表於 18-5-2019 00:14
希望可以啦

死係一種超不負責任嘅行為，你死左你父母，你太太同2個女會點呢 ? 有勇氣去死，點解冇勇氣去面對， 冇野係解決唔到㗎，而家仲有十令日就捱到頒令，點都要撐埋落去呀
太太方面比啲時間佢冷靜吓，因為而家仲有收數搵你，可能咁樣佢心情未平復，等過埋頒令，收數停左再搵佢解釋傾吓，未必冇灣轉。加油呀 ! 大家都支持你㗎 !

好煩2019

各位早晨 !  準備入學，或等緊頒令嘅同學仔，撐住呀，雖然呢段時間好難捱，唔駛灰心，好快雨過天晴，見到曙光。大家加油 !

好煩2019

萬念俱灰 發表於 18-5-2019 10:45
希望快啲到星期4搞完有no就可以fax過去。不過我知就算fax完都會可能收到電話。又或者會追得勁啲。又係一 ...

就算係硬仗都唔駛怕，大家都會陪住你走，而且屋企人已經知道晒，仲有咩好驚，既然行得呢步就要豁出去，遲啲你會覺得聽呢啲電話已經聽到麻木晒，佢有佢講，當佢唱歌，聽完收線。心情會比之前輕鬆好多。

好煩2019

呀妹，點解間香嘟冇追過你 ? 呢間幾線財，亦冇見過有師兄提過呢間野喎。

好煩2019

萬念妹，你個帖好勁呀，過左1000個留言啦。勁過 jacky 師兄個帖

好煩2019

要有心理準備fax後，2，3線最初會追得好勁，慢慢會減少。佢地會軟硬兼施，凶完你又氹你小小都入住先，總之企硬一亳子都唔好入，係犯法㗎。入得一間其他就會追你入仲大鑊。

好煩2019

2，3線有牌唔大機會，黑財就有機會上門。我4間都係2，3線冇上門，只係電話轟炸。

好煩2019

fax 左号碼後你就受到破署保護，最多只係電話轟炸，做唔到啲咩，佢地都驚釘牌，如果釘牌好難再攞，因為追數有佣分，所以佢地嚇你還得幾多得幾多，如有恐嚇成份去差館備案先，再有升級行動再報警，差佬先列入刑事開file做野。我都有備案2次，最初聽電話都好驚，佢地攪到全世界都知道後，已經冇野再驚，等頒令中段時間已經聽到麻木，話之佢講咩，聽完話冇就收線。心情同壓力已經放鬆好多。

好煩2019

大家加油呀，頂多一頭半個月就見到青天啦。 唔駛咁唔開心，放鬆啲。已經決定左入學就豁出去啦，諗返之前每個月份糧用晒嚟還債，可能都唔夠，仲要左度右度去邊度搵錢，食都冇得食果種苦況，根本冇將來你就唔驚嗎 ?  而家係一個重生機會係眼前，只係捱多一陣就見曙光係值得㗎。

好煩2019

hornet 發表於 18-5-2019 22:12
我好掛住佢地

師弟，聽日星期日應該冇咩電話滋擾，約太太帶埋兩個女出嚟見吓面，佢地應該都好掛住你㗎。

好煩2019

PoorGuy2018 發表於 18-5-2019 23:56
其實被追數到中後期，都不知不覺會由好驚變到開始麻木，唔係話d電話呀信呀上門呀果d唔得人驚，只係多到密 ...

到果個階段個人已經麻木晒，追又追左咁耐，都係講果句 "冇錢點還"，所以佢打唔打嚟都冇所謂啦。我果時仲好變態，聽電話問佢好多次係邊間打嚟，最好你就攪大啲，我再報警差佬做野。但佢地唔肯講邊間，只係講邊區。(我有電話錄音)

好煩2019

Stanyan1229 發表於 19-5-2019 00:07
我今日終於同佢講左，佢足住我隻手講，唔單止呢4年，以後都大家一齊慳。我真係爆喊左出黎。 ...

恭喜你，有個咁好嘅男朋友，一齊努力行出美滿嘅人生。加油呀 !

好煩2019

萬念俱灰 發表於 19-5-2019 01:23
嘩。入學之後我一定會去食左放題先。唔好話食呀。連衫褲鞋呀化妝品呀都唔捨得買呀。冇得買野真係好慘架。 ...

好明白你感受。我未破時，等收工去面包舖特價十蚊一代有3個賣淨果啲面包。2個晚餐，1個第二日早餐。有時煮白飯煎隻荷包蛋帶埋飯。最慘我住得遠一日來回成50蚊車錢，返工搭車冇錢就死啦，所以食都唔敢食。

好煩2019

萬念俱灰 發表於 21-5-2019 23:51
唉。我呀媽以家xyz緊我。話我累自己好啦。仲累埋家人。話我幾十歲人以家真係折墮。仲話我累到呀哥要幫我比 ...

呀妹，忍耐吓，而家屋企人鬧咩都要硬食，希望你順順利利盡快入學。

好煩2019

萬念俱灰 發表於 22-5-2019 00:35
其實我唔係嬲。我呀媽真係講得好岩。只係有時電視一播借錢廣告就會挑起佢條根。無奈借錢廣告真係播得好密。 ...

明白你感受，我頒令兩個幾月，到而家我屋企人一講到錢又有說話聽，真係想搵窿損，所以我都唔敢提，但有時生活上難免講到錢嘅問題。