|
今次特登開個Post想比返D經驗未入到紙既同學
因為疫情關係小弟都係里段時間宣左誓而未能入紙既同學,而銀行同財仔都有欠佢地數,係里段時間見好多同學都問究竟通唔通知債主申請緊老破好呢?小弟都15/16左好耐終於決定打去通知債主,結果又係點呢?
銀行數
職員好有禮貌咁話幫你做返個紀錄,某些銀行需要你提交初步証明文件(律師樓/破署收據(冇No.都得)或者律師樓文件只要証明到你係搞緊老破)佢地大多數都要你Fax過去比銀行,咁冇Fax點算呢?可以問佢地要個交文件既E-mail之後去Google下載軟件(全能掃描王)咁用手機影左相就可以做到電腦效果咁靚靚仔仔再E-mail返比銀行
,記得問返佢地要個聯絡電話有乜可以通知返因為可能唔同部門
財仔數(一線)
財仔數其實好唔想打去,因為都估到冇乜好結果,結果就係No.No.No.,你一日冇No.佢地就照追態度唔洗講一定惡劣嫁啦,而小弟欠一線已經係咁二三四五六線既更加唔洗講啦,可以慳返啖氣
所以有欠緊銀行數既同學可以試下主動通知銀行一聲,好過一直拖搞到最後拖到交左比收數又多樣野煩就唔好啦,而財仔數拖到就拖,拖唔到就佛系應對啦
小小經驗有錯勿怪,祝大家順順利利 |
|