好煩，又有人追數，應唔應該同屋企人講

小果子

今日又有人帶黎屋企追數
阿媽聽電話，以為我唔係屋企所以就冇叫我聽

我係財仔d數係之前幫朋友借的
但其實係兩個月前我都搵唔到佢
我自己又失業咗成個月
我唔敢同屋企人講我幫人借錢，依家仲要冇得還
因為我本身同屋企人相處得唔好
但申請破產又要用屋企地址
一寄信黎就一定知，而且我住村
成條村d信係放係村口度
一寄黎成條村都知，搞到屋企人仲冇面
一定日嘈夜嘈

而且已經交咗申請郵政信箱張表
但又唔知幾時至分到
好辛苦，驚捱唔落去
又驚收數公司上門

大家教下我可以點做

老柴

你究竟申請老破未 ?

小果子

我仲未申請呀
我想搵到郵箱先呀

老柴

無錢還，又怕收數佬追數，唯一可以做只有老破。

如果怕收信，可以搬出來自住，如果無錢搬出來，可以報男(女)寓所地址，如果男(女)友唔方便，或者根本未有男(女)友，便搵個信得過既朋友來收信囉，大把方法解決，有乜咁煩先。

小果子

我d fd都係同屋企人住
唔寄得去佢哋度

gpo4074

如果想盡快有一個收信地址,可試以下的服務

http://virtualoffices.zh.regus.hk/products/default.htm

http://www.google.com.hk/search? ... HK&aq=f&oq=

老柴

我睇過你另外個post，知你現況，你而家根本無能力可以獨自面對。

你唯一可依靠的只有朋友，或家人。

如果由我選擇，我會搵朋友幫助，d信寄佢屋企，並且親自向朋友家人講清楚或交待你既背景，呢d根本唔係問題，因為收數佬一定唔會到佢嗰度。

當你搵到野做，就搬出自住囉。

小果子

我朋友d 屋企人好嚴架
連遲少少返屋企都會俾人鬧
我邊可以寄去佢哋到

broke

原帖由 小果子 於 2009-7-25 20:19 發表
我朋友d 屋企人好嚴架
連遲少少返屋企都會俾人鬧
我邊可以寄去佢哋到

你可以咁諗，你比人追數都係成村人都知..
如果講比屋企人聽，你個時傻幫男友借錢
我諗總比你比人追到上門好....紙係包唔住火
如果真係無能力還錢既話，咁唯有破產，我自已都係
租郵箱啦，其實如果係朋友屋企都無咩問題，只要你朋友朝朝走去攞信
清楚郵差既派信時間就無問題啦，我自已破產連我屋企人都唔知，其實得個
2封信會寄黎其他就係一D什麼破產填表個D信，叫你朋友日日去攞信啦!!

小果子

我俾咗表申請信箱呀
但仲未有回音

gpo4074

1. 就算比你搵到一個新收信地址,及比你搞埋郵件轉遞服務,你都吾係百分百安全.因為收數佬會去你各個曾經報住過的地址搵你出來.

2. 如果你借果D係一線財仔,咁無咁煩.但如果係二三線財仔,咁你有排煩!

3. 此外,點解你咁蠢幫人借財仔?仲要搞到你個FRIEND失蹤埋,咁即係話你欠呢條數肯定有番咁上下多.

4. 如果你係男,而你個FRIEND係女,咁為女死而斷送一生的前程都可稱之為情聖,仲拍得住我識得的"情聖".

5. 但如果你係女,而你個FRIEND係男,你會吾會中左騙局?

6. 如果你吾係同性戀,而借錢比同性朋友,咁你一係好有義氣,一係勁蠢!

小果子

原帖由 gpo4074 於 2009-7-26 00:46 發表
1. 就算比你搵到一個新收信地址,及比你搞埋郵件轉遞服務,你都吾係百分百安全.因為收數佬會去你各個曾經報住過的地址搵你出來.

2. 如果你借果D係一線財仔,咁無咁煩.但如果係二三線財仔,咁你有排煩!

3. 此外,點解你 ...

唔係搞咗破產d收數唔會搵架咩?
二三線財仔係邊d?
我就係借錢俾同性朋友囉
咁佢話要入院做手術個d(俾人搞大咗)
唔同我真係咁衰唔理佢咩

[ 本帖最後由 gpo4074 於 2009-7-26 19:49 編輯 ]

gpo4074

返深圳落仔,市價約8000元.

如果係香港搵黑市醫生,都係咁上吓價錢.

如果係香港搵合法醫生,大約二三萬左右.

如果事主能夠證明到佢自己身心受創,而經社工評核過,便可以轉介去廣華醫院墮胎,只需800元左右.

從以上的價目表,你頂盡都係借左二三萬左右比你個女性朋友.

而為左咁少數目就去老破,值吾值?

講真,雖然依家個市吾係好好,但你都可以搵d part-time吊住鹽水先,慢慢還呢條數,最多都係利息多左好多.

得罪講句,我後生都見過吾少女仔因各種經濟困難而出來賣身賺錢.你呢d case算得係乜.

其實你知吾知申請破產的後遺症係乜?

老柴

我開頭都估你係女仔，中咗 ?

你住村，屋企有頭有面，所以怕人知道你老破，係唔係 ?

你屋企係唔係有能力但唔會幫你，所以你打死都唔同屋企人相量， 是不是典型重男輕女 ?

[ 本帖最後由 老柴 於 2009-7-26 01:44 編輯 ]

admin

1. 樓主爭人幾多？自已佔幾多？

2. 問邊間借。

3. 無還幾耐？

4. 有無做野？幾多錢一個月？9-5?

小果子

原帖由 gpo4074 於 2009-7-26 01:30 發表
返深圳落仔,市價約8000元.

如果係香港搵黑市醫生,都係咁上吓價錢.

如果係香港搵合法醫生,大約二三萬左右.

如果事主能夠證明到佢自己身心受創,而經社工評核過,便可以轉介去廣華醫院墮胎,只需800元左右.

從以上的 ...

係生仔唔係落

[ 本帖最後由 gpo4074 於 2009-7-26 19:50 編輯 ]

小果子

原帖由 admin 於 2009-7-26 03:02 發表
1. 樓主爭人幾多？自已佔幾多？

2. 問邊間借。

3. 無還幾耐？

4. 有無做野？幾多錢一個月？9-5?

1, 幫佢係邦x借咗6萬，我自己信用卡只係差幾千啫

2, 係呢個月冇還

3, 無野做

admin

原帖由 小果子 於 2009-7-26 11:51 發表


1, 幫佢係邦x借咗6萬，我自己信用卡只係差幾千啫

2, 係呢個月冇還

3, 無野做

1. 無野做，又無收入可以借到錢。呢個世界係未有D問題？

2. 爭個 6 萬，話去破產，我個人覺得真係！

3. 你幾大個人？

4. 爭個 6 萬，你不如去搵工做啦。

5. 我真係唔知你私情況，不過，如果無其他別問題，我只會講句：與其係度話咁又咁，一係你搵村的兄弟去搵你個所謂 "friend " 出來還錢，一係去搵工。

我個人撼感覺係"Amazing！"

bb_q_888

原帖由 小果子 於 2009-7-26 11:51 發表




1, 幫佢係邦x借咗6萬，我自己信用卡只係差幾千啫

2, 係呢個月冇還

3, 無野做

我覺得有時做人自私d好,特別自己都攪唔掂.

你朋友無錢學咩人生仔,你無錢亦無責任幫佢,

你朋友生仔要6萬....夠唔夠養佢地一世?

我覺得佢一開始就想走佬,因為佢根本無錢還.  (可能唔只問你一個借)


你想破產唔洗還債,但岩岩借錢就想破產會比財仔告.

同時你要搵一萬至一萬三做破產費,你又有冇錢比?

gpo4074

借6皮野比人生仔,講出來都無人信啦.

就算係斬雞頭、燒黃紙的結義金蘭姊妹都吾駛幫得咁切底,但罪講句如果事主的屋企人有事,會吾會同樣借6皮野返來?

加上事主的朋友係香港生活.目前香港有吾少的社會服務機構,可以幫呢類懷孕婦女,例如未婚媽媽的宿舍服務.

而且大住個肚去申請綜援,大約有3-4千元.當個BB出左世後,大約接近一萬,仲可以申請特快入住公屋.

所以根本無必要去借6皮幾野比D所謂朋友,求其借一萬幾千比佢應急及做生活費就算.當日後見到個大肚婆有困難時才再出手幫忙佢都未遲.

所以呢一單失蹤大肚婆的故事,直頭係驚世大騙局.

如果事主有個大肚婆的資料,建議去報警.