新人, 唔知應唔應該破同點樣破

dingsio

簡單講,
之前同朋友合夥搞公司(合夥無限公司), 投入一大筆錢, 但近來生意慘淡, 朋友仲同我講話佢為入貨出咗好多錢, 宜家公司欠佢好多錢 (近200萬), 一人一半都近100個. 要我同銀行用公司名義借但要我簽紙答應自己還哂, 我覺得好有問題但又苦無証據 (因公司大部分嘢佢揸手, 入貨又全部用現金, 有冇落格佢自己先知, 但我都幾肯定佢有). 佢仲要我之後私人問銀行借錢還俾佢.... 我覺得佢呃我錢
其實我冇乜街數, 只有卡數幾萬同之前問親友借錢嚟開公司的錢(約250-300萬), 我宜家就諗好唔好我申請破產等宜家同佢聯名間公司即時冇得做兼可以從中變賣啲貨嚟還俾屋企人. 但我想問
1. 我要搵咩人幫我做? 律師? 可以順便諮詢埋件事睇吓可唔可以告佢, 其實我知冇乜機會, 但真係為啖氣.
2. 如果我申請破產, 債權人係我屋企人(父母, 妹, 老婆), 因之前做呢個生意都問佢哋借咗錢, 咁其實受唔受理?
3. 如果我呢個合夥人都話係我債權人, 咁又得唔得?
4. 如果我真係申請破產, 係咪公司會即時停業同變賣公司資產俾我債權人?

唔好意思, 人急就亂咁問, 如果犯咗版規請告知, 多多包涵.

Gloria2838

債務及理財輔導服務  服務宗旨 債務及理財輔導服務是協助個人或家庭以正面及負責任的方法來面對債務危機，提供一站式的輔導服務，及教導市民學習謹慎理財以避免陷入債網。  服務目標 提升欠債人士解決問題及負責任的態度處理債務危機。         提供跨專業協助，讓欠債人士的債務危機得到適當的處理。 教育市民處理債務及理財的方法。  服務對象 受債務困擾人士及其家屬 社區人士 專業人士  服務內容 債務及理財輔導專線 債務及理財輔導專線由註冊社工接聽，為遇上債務困擾的人士或其家屬提供有關債務重組、破產、資產變賣等債務處理手法的資訊，並就著不同個案作債務危機評估，提供合適的債務解決方案。如有需要，社工會為致電人士轉介至跨專業會見計劃。除此以外，亦會就著二三線財務公司、高利貸等欠債問題提供專業意見。遇上因債務問題而受情緒困擾的人士，社工會提供電話情緒支援和個案輔導服務，以協助當事人或其家屬過渡債務危機及抒緩負面情緒。如有其他需要，亦會轉介至其他合適服務跟進。   專線電話：3161 2929 服務時間：星期一至五(公眾假期除外)，中午十二時至晚上十一時    跨專業會見計劃 由律師、會計師、社工組成跨專業團隊為債務人提供個別的債務分析及建議，以及情緒輔導。

Gloria2838

打電話去問下3161 2929

Gloria2838

我諗你朋友真係呃你錢，冇理由要你一個咩晒，

dingsio

Gloria2838 發表於 13-7-2020 16:04
我諗你朋友真係呃你錢，冇理由要你一個咩晒，

多謝回覆, 我試下打過去先