申請IVA還是選擇破產?

cutie_y

大家好, 想請教下各位既意見!
小妹欠債大約$30萬(安x、恆x、xiti同埋學生資助), 每個月單係還款都已經係份人工既2/3, 餘下既錢根本唔夠俾屋企都埋自己用, 其中學生資助已經過左2期冇還, 而且我呢2個月剛好失業, 要到9月先可以再返工, 所以諗住做iva...
點知上去顧問公司問, 佢地幫我計過每個月要還$6000, 連埋手續費足足還5年, 期間仲要繼續還安x、恆x同埋俾一部分既手續費(好明顯呢2個月我根本冇錢還), 仲要cut 曬所有信用卡(即使我只係得番一張用黎做autopay)...
而且我計過做左iva之後, 就算比起宜家, 我既生活費都唔會多出好多....
加上我今日係度見到有個post話申請iva同破產一樣會令到個record好差, 還完iva之後一樣申請唔到信用卡...


申請iva仲可能會唔成功, 反而會浪費左d手續費
最重要既係, 我想遲d轉一份人工比宜家低1/3既工作(因為前途問題), 到時根本還唔到iva,
照咁睇, 其實與其申請iva, 係咪應該申請破產反而係更好既方法呢?

不過, 我係安x既合約度見到有一項係話我承諾係還款期間唔可以自行申請破產, 但係如果我申請左破產咁會唔會有法律責任??

admin

1. 破產同IVA係會影響你一生的。你重後生，你考慮下有無其他辦法。

2. 學貨重可以 jump 。可以再拖長。同埋學貨你唔還，你的擔保人都要還即係條數點都要還。

3. 老實講，我個人真係唔覺得 IVA 同破產爭好遠。除非你做某D工作。不過其他會員可能有其他意見。

4. 安9 既合約元可以唔理。根本唔成立。你不如叫佢寫保証我發達。

最後，你真係要諗清楚先啦。

cutie_y

我都唔想做iva/破產, 不過我呢2個月根本冇錢還, 而且我父母都冇做野, 就算俾我借到錢還 結果都係數疊數, 走到最後既結果都係一樣...

咁我想問如果我搵律師申請破產, 學貨既錢係要一次過還定係可以分期還, 呢d律師會幫我同學貨傾, 定係我要自己黎...
咁還學貨既錢係咪要自己諗, 唔可以計落生活費?

唉, 既然IVA 同破產後果差唔遠, 係咪應該選擇破產??

301

既然你心中已有選擇,

請改往破產區爬文啦.

[ 本帖最後由 301 於 2009-8-4 22:02 編輯 ]

bb_q_888

你破產...學貨既錢要擔保人代還,無得走數.

cutie_y

我剛剛問左d顧問, 佢話點還錢既問題, 學貨會同擔保人傾...
我睇完大家既意見, 本來都諗住做破產, 但係我又唔想麻煩到擔保人,
所以我真係唔知選擇破產定IVA好....

bb_q_888

你同擔保人傾左先,你唔掂佢遲早都知.

一係你地一次過找數(學貨),之後再申請破產.

一係破產後學貨會同佢傾(都可能有分期還)

你破產後學貨唔會信你,唔會同你傾.

gringoire

大家好, 想請教下各位既意見!
小妹欠債大約$30萬(安x、恆x、xiti同埋學生資助), 每個月單係還款都已經係份人工既2/3, 餘下既錢根本唔夠俾屋企都埋自己用, 其中學生資助已經過左2期冇還, 而且我呢2個月剛好失業, 要到 ...
cutie_y 發表於 2009-8-4 20:42

你結果有冇做iva ?