見完劉X雄

nmnt215

純分享!

今日見完, 全程約45分鐘.
個位小姐都幾好人好客氣, 對文件, 即場計埋生活費, 拎左份野入去同同事傾左一陣俾個價我, 問我還唔還到. 我然後還左幾舊水價. 佢再入去同同事傾, 轉頭出黎就話OK. 由下個月出糧後開始還錢. 出糧日後起7日內過數俾佢地個戶口. 有數紙/數單/網上紀錄都OK, 可以email/fax去.

然後仲提我要交年報, 之後每年交一次, 填好俾翻佢地, 唔駛俾其他單, 只需交表便可. 除非有特別要求先後補啦.

最後問我係咪開新戶口出糧, 我即場叫開"恆仔", 佢話會叫同事出信, 但要5個工作天先俾到我. 希望下星期順利開到戶口就完成.

希望大家都努力!

欠一百萬

要5個工作天, 有點耐囉.

努力過4年吧

ivanho619

我都系跟佢！佢哋幾好㗎唔使太擔心

nmnt215

我估佢地都幾忙, 見個小姐對野計數都好快手, 不過唔知點解要5日先開到信俾我開新戶口.
我都問佢消費卷要唔要上繳, 佢話唔駛, 因為政府俾你地用既, 人人有份, 如果扣起就唔係幫助振興經濟喎.

Anmi2019

跟劉生真好

pong01

我都係依間，我上過去一次，真係幾好，有問必答，消費卷唔洗上繳，填番落報表就可以

nmnt215

我感覺佢地都幾忙, 做野都好爽快, 唯獨係唔知點解要5日先俾開戶信我, 去恆仔開戶, 哈哈! 不過佢批生活費算鬆手, 比我心目中個數多.

不過真心, 佢地服務態度好nice, 有問必答亦唔會不耐煩. 佢仲話, 有D咩野文件要補充既, email/fax去得啦, 交左之後唔駛特別打黎double check, 收唔到佢話會有人追.

我心諗, 收唔到一陣話我遲交咪入左我數........超驚!

destiny

之前劉生果邊叫我喺解凍/開戶表上寫急用.第二日就打電話來可以上去攞啦

ivanho619

nmnt215 發表於 2-12-2021 12:59
我感覺佢地都幾忙, 做野都好爽快, 唯獨係唔知點解要5日先俾開戶信我, 去恆仔開戶, 哈哈! 不過佢批生活費算 ...

咁呢樣你又放心！收唔到佢真係會打俾你如果你唔聽佢仲會留言俾你 因為我試過

giovannisuen

劉生係跟得幾好，4年都無煩過我