入學好辛苦

Stanyan1229

小小則 發表於 9-9-2022 20:44
公務員，銀行就查⋯⋯

我做會計既，大公司都可能會查⋯⋯以後就少左上升機會⋯⋯男人嘛⋯⋯好睇重事業

唔好諗升職住，你真係要學識放低。呢4年唔係想像中咁難過。大公司做會計一定credit check , 你要揀啲細公司interview . 破產的確有代價，你要去接受…一年至兩年時間啦，你會放低啲架啦！你以家只係過唔到自己。加油啦！我哋明白你感受…

Carman1216

amberfung1983 發表於 13-9-2022 23:48
而家諗起以前係咁亂買嘢，都唔記得啲錢使左去邊。喺入學時限住用錢，每次都要計過度過，精打細算後，反而 ...

我都係咁樣，真係唔知d錢用左去邊，到而家畢咗業2年，，有返自己社交圈子，起碼唔使驚朋友約食飯貴，放假都摺埋喺屋企，，，過去4年我會當係俾自己一個重生嘅機會，同埋真係老土啲講，真係知邊個係真心朋友㗎

小小則

Stanyan1229 發表於 14-9-2022 00:05
唔好諗升職住，你真係要學識放低。呢4年唔係想像中咁難過。大公司做會計一定credit check , 你要揀啲細公 ...

師姐⋯⋯我唔識點做⋯⋯話就話要堅強，我依家做唔到⋯⋯

如果依家一下子就跳到60歲⋯我心情會好過d

我工作既年期，如果去到65歲，我仲有30幾年⋯⋯⋯

師姐，我google 左好多文章，入學之後，其實有無牌已經唔太重要，因為搵工已經少咗好多機會⋯⋯

師姐，呢d大家都明白⋯⋯我只係搵野黎講⋯⋯我亦知道你地已經唔識點覆我⋯⋯

只係破聯變得對我好重要⋯⋯上黎同你地講幾句⋯⋯有返d寄托咁⋯⋯有時我太多廢話，請見諒⋯⋯

John2628

小小則 發表於 14-9-2022 07:44
師姐⋯⋯我唔識點做⋯⋯話就話要堅強，我依家做唔到⋯⋯

如果依家一下子就跳到60歲⋯我心情會好過d

你唔識係學低放下，如果你再係咁真係會有機會屈出病⋯⋯你抗壓能力比較低，其實做會計行業對壓力管理好重要，你係接受唔到失敗既人⋯⋯我都唔想詛咒你有病，只不過你要經過大病會明白生命重要過一切！因為我經歷過家人有大病過世的痛苦

小小則

John2628 發表於 14-9-2022 09:02
你唔識係學低放下，如果你再係咁真係會有機會屈出病⋯⋯你抗壓能力比較低，其實做會計行業對壓力管理好重 ...

師兄，我個心係有負荷唔住，隻手係有d麻痺既感覺⋯⋯

你講既你家人既事，我以前都經歷過，我當時都係好痛好痛，依家亦唔見得對我心態有強壯左

師兄，無錯阿，我抗壓能力低，我已經經過社會鍛鍊都係咁廢⋯⋯

我好想成長，我好想成長到你地咁強大⋯⋯

Carman1216

唔好成日諗以前幾好幾成功，要望嘅就望將來，冇人會知將來會係點，但現實世界大把例子你睇，，，

小小則

Carman1216 發表於 14-9-2022 10:09
唔好成日諗以前幾好幾成功，要望嘅就望將來，冇人會知將來會係點，但現實世界大把例子你睇，，， ...

從呢件事，你地都睇我出我幾幼稚，但都肯入黎支持我，包容我，我好感激，我祝福你地今個入黎留言既師兄師姐。

大家都係過來人，但成個forum 得我表現得咁垃圾，我追左好多post，多數見人問入學流程。邊有人似我咁廢⋯⋯但係，我需要你地⋯⋯⋯社會唔會俾機會我，係得你地明白的⋯⋯唔會奚落我⋯⋯

貓女

小小則 發表於 14-9-2022 10:14
從呢件事，你地都睇我出我幾幼稚，但都肯入黎支持我，包容我，我好感激，我祝福你地今個入黎留言既師兄師 ...

唉～其實樓主而家真係最需要既社工同心理醫生……
你再咁落去好容易會痴線……世界大把人破產後重新振作甚至比之前更成功……邊個話一定要一世做死一行既姐……
你日日迫自己入死角，日日放負對你自己同身邊人都會有嚴重影響……

貓女

樓主30歲人啦～成熟一點吧
無人會一世係你身邊日日去安慰你，說話講多了都會講完既一日……你自己唔起身，一直沉淪無人會幫到你的……

我話比你聽尼個世界從來係唔會笑曾經失敗既人，只會笑一直沉淪唔肯振作既人……你唔應該諗如果自己65歲就好過d, 你係應該諗慶幸自己仲係30歲大把時間去洗底去發奮比曾經睇唔係自己既人睇……唔好講地球另一半，講近近地杜汶澤佢都係破產過，人地而家係超大老闆啦～而家根本無人care 佢過去，只會叫杜老闆

貓女

好聽既說話尼幾日個個不停講叫樓主振作...我相信樓主家人都一樣...

但樓主你唔好咁自私想下你身邊人,佢地見到你日日夜夜好似比老公拋棄既怨婦咁, 佢地有幾難受??

貓女

小小則 發表於 14-9-2022 10:14
從呢件事，你地都睇我出我幾幼稚，但都肯入黎支持我，包容我，我好感激，我祝福你地今個入黎留言既師兄師 ...

唔係社會唔比機會你....只係你自己唔比機會你自己...

一條路行唔到. 你識唔識轉彎行第二條??  大佬你30歲姐仲有大把時間行路....

小小則

貓女 發表於 14-9-2022 14:08
唔係社會唔比機會你....只係你自己唔比機會你自己...

一條路行唔到. 你識唔識轉彎行第二條??  大佬你30 ...

貓女師姐，我依家返緊工，恕唔能夠詳盡回覆

俾你鬧完，我覺得更鼓舞到我。

我要振作，我唔能夠衰俾人睇，我要做一個男人

貓女

小小則 發表於 14-9-2022 14:16
貓女師姐，我依家返緊工，恕唔能夠詳盡回覆

俾你鬧完，我覺得更鼓舞到我。

唔好詳盡回覆..PLS...



補充內容 (14-9-2022 18:07):
你係真係諗通就真係非常好....趺底一家要識起身, 人一定要自強才有活路..
不要迫死自己, 加油

John2628

貓女 發表於 14-9-2022 14:08
唔係社會唔比機會你....只係你自己唔比機會你自己...

一條路行唔到. 你識唔識轉彎行第二條??  大佬你30 ...

好岩⋯⋯ 好在樓主未組織家庭，唔係佢仲大壓力都可能爆煲⋯⋯

貓女

John2628 發表於 14-9-2022 17:19
好岩⋯⋯ 好在樓主未組織家庭，唔係佢仲大壓力都可能爆煲⋯⋯

唔好話組織家庭，人唔識自救真係死路一條...下下沉醉係鋪天蓋地自我既悲哀中...
有金執都見唔到啦...

可以破產就係比人重新既一個機會...好好用尼4年去學另一樣技能,
說不定尼個新技能就係將來出人頭地既門路------條條大路通羅馬..何必要整死自己?

正面想如果破又破唔到日日比人追債, 日日提心跳膽, 錢又唔夠還就真係萬劫不復啦

小小則

貓女 發表於 14-9-2022 17:32
唔好話組織家庭，人唔識自救真係死路一條...下下沉醉係鋪天蓋地自我既悲哀中...
有金執都見唔到啦...

師姐，我會調整自己心態

我一直只係諗事業，成就，亦都忽略左健康

你問我之前返工係咪開心？又唔係⋯⋯亦伴隨住好多競爭心態，男人嘛⋯⋯天性黎⋯⋯

我為左自己，家人，我會堅強，我希望再多d時間就會睇化

小小則

John2628 發表於 14-9-2022 17:19
好岩⋯⋯ 好在樓主未組織家庭，唔係佢仲大壓力都可能爆煲⋯⋯

我返工都試過急到個心有d負荷唔住架...

呢件事，希望可以將我既思想解放，唔使下下咁執著

貓女

小小則 發表於 14-9-2022 18:11
師姐，我會調整自己心態

我一直只係諗事業，成就，亦都忽略左健康

健康好重要的, 無健康就咩都無意思..

好少人返工會開心..人生就係為生活為食飯...

唔係男人之間先有競爭心態, 係人根本都會有..
但試問尼個世界有幾多個真係天生人生勝利組??...

4年真係唔係太難過的,, 唔好令身邊人擔心, 唔好令睇唔係自己既人可以笑到最後...
你有既係學歷絕對比好多人起返身更容易...唔好放棄自己加油

小小則

貓女 發表於 14-9-2022 18:27
健康好重要的, 無健康就咩都無意思..

好少人返工會開心..人生就係為生活為食飯...

我本身返工已經返到好壓抑, 每日都唔知做緊咩, 無咩意思。同樣為左生活, 無得唔返工。

呢2日返工, 當然唔輕鬆, 但多左幾分珍惜 (我諗呢件事對我將來既返工既心態都有幫助)。

無論點, 都有好多人睇唔起自己, 所以我一直都要想嬴。依家跌低左, 點都會經歷一段低潮期, 但無計啦, 只能衝啦, 衝之前最緊要都同人商量啦 (我以前自把自為, 男人嘛, 鐘意話事)。最後唔掂, 認命囉, 反正多數人都係炮灰架啦

4年, 希望我適應得到。我以前唔係月光族, 無咩購物慾。頂多一去到超市, 會鐘意買D野返屋企, 依家我都停晒手....

食得瞓得就好, 同屋企人相處既時光最幸福。(依家體會深)

唯一就係, 幾唔想留喺香港, 又迫又唔舒服又壓力大 (走到先再諗)

多譏師姐教我人生道理, 我以前係聽唔明 (因為唔願聽)。

Stanyan1229

其實你做得會計，抗壓能力應該好高。我上一份工，差唔多晚晚OT 到11點，我都大壓力，但自問我抗壓能力ok . 我哋咁苦口婆心同你傾，係因為唔想你亂諗，你太負面啦⋯⋯可能你太看重名利、但人生一定有高低起跌，當你4年後諗起，你會感恩呢4年令你學識好多野！