入學好辛苦

貓女

Stanyan1229 發表於 14-9-2022 20:47
其實你做得會計，抗壓能力應該好高。我上一份工，差唔多晚晚OT 到11點，我都大壓力，但自問我抗壓能力ok .  ...

係啦....

Carman1216

想講嘅大致同其他師兄師姐一樣，，我想補充一句，，，從來冇人睇唔起你，但如果連我自己都睇唔起自己，講幾多，諗通幾多都冇用，，，爬文都知有幾多同學直情財仔打電話去公司，拉屋企人入群，，嗰啲同學仔情況重悪劣，咪一樣咁樣捱緊，，我哋呢度幾個女人仔都係咁捱過咗，你男仔無理由唔得㗎，，，加油啦，，，

小小則

Stanyan1229 發表於 14-9-2022 20:47
其實你做得會計，抗壓能力應該好高。我上一份工，差唔多晚晚OT 到11點，我都大壓力，但自問我抗壓能力ok .  ...

師姐, 其實我好脆弱, 唔太經得起考驗。我係執著, 反而唔會好計較

工作上既野, 有時難或多, 只要花得多時間, 都搞得掂, 做緊嗰刻固然好辛苦, 做完嗰刻都會鬆晒同有成功感, 做多幾次就會熟, 相對其他事輕鬆好多, 所以工作上, 我仲算頂得住, 加上有野學, 會抵銷某D辛苦

我以前一直唔點睇重利, 係呢1-2年先開始..........利 VS 名, 我更介意名聲, 如果入學8年還債換取無公眾入學紀錄, 我會好果斷揀入學8 年。(我諗名利都好難分得開)

師姐, 我係太負面 (其實由細到大都係), 我未真正跌過, 由細到大算循規蹈矩, 無咩遇到太大突發野, 所以今次.........早幾日中秋節假, 每分每秒對我都係煎熬, 因為我未接受到現實, 依家我都辛苦架, 只係慢慢接到受我無第2條路, 無得望返轉頭

好彩有你地拯救我既生命, 原來用生命影響生命就係呢D, 我明白啦.....

我覺得黎緊4年未必學到咩新技能, 又未必轉到行(悲觀心態表露無遺), 但可以睇化人生, 我覺得第日生活都會輕鬆D (平衡返)。

做文員仔咪做文員仔囉, 反正日子都係咁過

yello

但願我是平凡的人

小小則

貓女 發表於 14-9-2022 21:17
係啦....

姐師, 其實我有美國夢既夢想, 不過都夢碎左...

咁咪發香港夢囉.....(無得揀, 就要學識接受)...唉...

小小則

Carman1216 發表於 14-9-2022 21:22
想講嘅大致同其他師兄師姐一樣，，我想補充一句，，，從來冇人睇唔起你，但如果連我自己都睇唔起自己，講幾 ...

師姐, 我會堅持, 努力, 多謝你一直入黎呢個post

我都想補充一句, 女人表面睇落柔弱, 但其實內心比起男人堅強得多, 男人只係假裝堅強

可能我自卑, 我朋友無人知我既事, 只係同幾個傾得埋, 年長D 既舊同事講, 佢地都係叫我睇開D (我D 執念又出返黎, 針唔拮到肉唔知痛)

師姐, 你話因為入學先知邊個係真正朋友...........有人笑你咩?

貓女

小小則 發表於 14-9-2022 22:00
姐師, 其實我有美國夢既夢想, 不過都夢碎左...

咁咪發香港夢囉.....(無得揀, 就要學識接受)...唉... ...

咪再唉聲嘆氣啦～

你30歲咋……講極都係咁……唔好迫我講粗口……

嗚…版主唔好ban我

Carman1216

小小則 發表於 14-9-2022 22:11
師姐, 我會堅持, 努力, 多謝你一直入黎呢個post

我都想補充一句, 女人表面睇落柔弱, 但其實內心比起男人 ...

基本上，成件事得我一個10幾年朋友知，因為我曾經問佢借過幾千蚊，當然好快還左，佢知道之後，只係講左句，好平常嘅事，唔使咁介意～其他身邊嘅同事同朋友都唔知，因為事實上，我嘅生活方式反而因為入咗學而正常反，可以有多餘錢買少少自己鐘意嘅嘢，又可以同朋友食飯～

點解會話有事發生就知邊d係真正朋友，就係因為咁，唔係叫你走去大聲講俾佢哋知破產，而係，就算你冇入學，當你落難，最須要人支持（精神定金錢）嘅時候，你就知邊個係真心

Carman1216

貓女 發表於 14-9-2022 22:17
咪再唉聲嘆氣啦～

你30歲咋……講極都係咁……唔好迫我講粗口……

唔好講粗口呀，，，喵下佢算啦貓女，，，嘻

貓女

Carman1216 發表於 14-9-2022 22:24
唔好講粗口呀，，，喵下佢算啦貓女，，，嘻

我走先

貓女

30歲人...明明仲好年輕..大把機會去唔同方面發展去學習...甚至轉行
但偏偏令到自己好似七老八十老人家同怨婦咁.......

心痛死家人....

kt1018

放開d啦，比d時間自己去接受現實，一定得既，我已入學1年半，當初都係成個人亂哂，要自殺，最後有抑鬱症，而家都好返9成，我都無同朋友及家人講，初時顶唔住就揾社工講电話抒發吓d情緒，而家睇返轉頭每月唔洗揾$交min pay,仲有餘$買下野，的確比以前好得多。

amberfung1983

Carman1216 發表於 14-9-2022 00:10
我都係咁樣，真係唔知d錢用左去邊，到而家畢咗業2年，，有返自己社交圈子，起碼唔使驚朋友約食飯貴，放假 ...

呢句真！同埋朋友幾好都好，最支持自己嘅，永遠都係屋企人。

小小則

Carman1216 發表於 14-9-2022 22:22
基本上，成件事得我一個10幾年朋友知，因為我曾經問佢借過幾千蚊，當然好快還左，佢知道之後，只係講左句 ...

師姐，所謂好朋友其實都唔係咁好

我仲未出事之前，問一個同學借幾千蚊，佢都係耍手寧頭。我仲要同佢講，當日就還，但都唔肯

有事就識搵我⋯⋯返工唔識做又問我

朋友，多數係傾下普通野，一齊玩，攝下時間咁⋯⋯就算講心事又點，針唔拮到肉唔知痛

依家發現原來工作先係最令我感受到價值⋯⋯

小小則

貓女 發表於 14-9-2022 22:54
30歲人...明明仲好年輕..大把機會去唔同方面發展去學習...甚至轉行
但偏偏令到自己好似七老八十老人家同怨 ...

師姐，我依然瞓唔好，食唔落架，只係改變唔到既野，輪唔到你唔接受

係，我屋企人好心痛。即使我無提，我知佢地係好痛好痛，佢地無諗過我搞到今日地步

過得一日就一日⋯⋯唔諗得咁多將來⋯⋯

小小則

kt1018 發表於 15-9-2022 00:16
放開d啦，比d時間自己去接受現實，一定得既，我已入學1年半，當初都係成個人亂哂，要自殺，最後有抑鬱症， ...

師兄，其實我以前都覺得自己有焦慮症，我無睇過醫生，只係我認為自己一向睇事情太悲觀⋯好肉世界都係灰

我都有唔少自殺念頭，但做起上黎又邊會敢⋯⋯

多謝你入黎，多謝鼓勵

Carman1216

小小則 發表於 15-9-2022 08:04
師姐，所謂好朋友其實都唔係咁好

我仲未出事之前，問一個同學借幾千蚊，佢都係耍手寧頭。我仲要同佢講， ...

可能真係唔同年代嘅分別，
80後同90後個心態同抗壓真係爭好遠，

睇到你寫問朋友借錢，人哋唔想嗰陣，感覺好似你喺度埋怨佢哋，我唔知呢個朋友同你幾耐交情，但好白咁講，借係人情，唔借係道理，呢個係無論咩年紀嘅人都會發生，
人哋唔借俾你，唔代表佢冇當你朋友，
你哋做frd，事無不談嗰陣嘅經歷唔係假，

放過自己，唔好再鑽牛角尖啦

intime

小小則 發表於 13-9-2022 18:26
師兄，我明白，呢樣就係所謂隔籬飯香

師兄寧願辛苦都唔願破，我諗都係覺得破左其實一樣好痛苦，寧願還

Ching無謂鑽牛角尖，你自己都話想做DRP都做唔到，咁你都無得揀，得破呢個選擇，重諗咁多做咩。小弟個case係好彩地做到DRP，咁咪唔破，努力咁捱。


主要係人要向前望，比着咁多位，都唔會想發生啲咁嘅事。姑勿論係咩原因，行到呢步，就要接受，唔係唔想破，就可以唔洗破。既然得一條路，諗咁多都無用。就算唔正面，都唔好負面心態，如果唔係盞令自己辛苦。學識放下，慢慢咁好好生活吧。

小小則

Carman1216 發表於 15-9-2022 10:28
可能真係唔同年代嘅分別，
80後同90後個心態同抗壓真係爭好遠，

師姐，朋友只係做到一齊玩，傾下心事，已經夠，反正朋友只能夠做到呢d

佢係我同學，借幾千唔制。我問其他少聯絡朋友，一問就借。只係比較之下，覺得有失望。

當然做人嗰方面，我仲不斷學緊

小小則

intime 發表於 15-9-2022 11:38
Ching無謂鑽牛角尖，你自己都話想做DRP都做唔到，咁你都無得揀，得破呢個選擇，重諗咁多做咩。小弟個case ...

時光無得倒流，錯左就係錯左，只有接受...

只係我呢d性格好悲觀，其實以前無事無幹我都愁緊未來，依家出咗事就更難接受，更擔憂

我需要既係係改變思維⋯⋯⋯我已經睇唔少書，但居然唔記得晒，俾你地提完，先記得返⋯⋯