求救

xxyyzz

利申：女 2x歲

事緣就係本人喺四月份搵左某債務重組公司幫忙處理債務，佢聲稱嘅方法就係會先幫我向法庭遞交破產呈請，令財務公司或銀行即時停止追款，如果之後上庭就同個官講話取消呈請，我本人就冇上過庭，咁手續費方面大概頭一年就唔使比銀行嘅，只係需要比返呢間債務重組公司，期間就會幫我同銀行/財務公司傾返我嘅還款計劃。一年後就開始還款……

一開始我都唔覺得有問題，因為當時情況比較急，冇認真做好資料蒐集，問過好多間公司，啲人都同我講其實不如我去破產。但因為年紀比較細亦知道其實破產有好多壞處所以唔想破，知道自己衰左之後自己都想還錢，就上網搵咗個間公司。

好啦，咁真係同佢哋簽咗約啦，六月到開始還第一期手續費，咁我嘅手續費就比較高嘅，大概頭三期要$9500之後$9000，合約上嘅手續費係total $96,000，但其實心水清嘅你地只要撳吓計數機，其實如果我真係交足12期都唔止$96,000，我只係交咗第一期，就發覺唔對路，手續費實在太昂貴，加上自己再上網搵吓大律師行或者會計師行嘅債務舒緩嘅時候，就發覺原來根本債務舒緩係唔需要經法庭，手續費亦唔貴，嗰一刻我就覺得中左伏。

咁啱我八月嘅時候就同舊公司合約結束，即係話冇嘢做，我嗰張疑似臨時破產文件呢亦都係八月尾結束咗，但該債務重組公司並冇通知到我，到左十月就有相關銀行打嚟追我啦⋯⋯ 之後我真係有打去破產管理署問，負責人士就表示我既case已經係八月尾已經close file......

咁八月開始我就冇比到手續費，其實當中都係我唔想比嘅，該公司嘅其中一個負責人 / 會計就同我講話不如叫我去攞強積金啦(有錄音留底)，叫我拎完強積金就還錢。於是就叫左應該係佢地同一集團既公司另一職員聯絡，叫我去宣誓攞強積金用黎還款，咁當時呢我有去到宣誓嘅，但後尾知道宣假誓係犯法所以冇幾耐我就向強積金公司就取消左提取啦，最後係冇拎到任何強積金出嚟

件事都未完，咁我幾個月冇比嗰間債務中心嘅手續費呢，佢哋其中一個負責人 / 會計就keep住叫我找數，直到上個月同我講話：如果我聽日之前仲收唔到你嘅入數紙我哋就會叫收數㗎喇，咁你就要額外再支付到43%嘅手續費……

我冇理到，但佢哋另外一位當時幫我拎強積金嘅嗰位同事就好chur啦，因為我冇同佢講到我冇攞到強積金，所以就日日不停WhatsApp我就話你張支票點啊？我一路都拖住佢，因為我唔夠膽俾佢地知道個事實，去到尋日(15/12)都同我講話，如果你再唔去攞支票啦，咁我哋公司都會call收數咁到時麻煩㗎喇。。。 曾經接過一啲電話，來電者就問：某某小姐呀你搞掂曬啲野你還晒錢拿？我當時比較驚，就話我還晒啦咁樣，點知對方就話哦你光天化日下講大話，你知唔知點解我知？跟住我嚇到即刻cut線。

到咗而家，我都唔知件事可以點解決，報警冇用，因為佢哋實際冇做到啲咩，而我的確有同佢哋簽約，佢哋最尾可能會告返我違反合約。

PS1 ：我喺度報料就係想比人哋知道千祈唔好再中招，如果發生左呢啲事，真係要諮詢大律師行或者會計師樓，唔好自己再去搵呢啲咁嘅公司。另外欠債係要還，真係衰咗都唔緊要，但係最緊要係迷途知返知道自己錯咗，諗辦法去補救。

PS2 ：冇可能喺呢度咁光明正大講係邊一間公司，因為驚有生命危險，但上網搵應該唔難搵

PS3 ：最重要嘅係搞到我自己提心吊膽，因為我自己本身嘅工作係比較專業性嘅行業啦，搞到我唔夠膽去見嗰啲工，怕就算翻翻下佢哋搵收數公司去搞新公司，咁新公司就會同我解約，令到我冇工返(

最後，希望真係可以快啲順利解決到件事唔使再驚落去。

xxyyzz

另外題外話：其實都想問吓大家意見，我本身呢就有簽約咗第二間律師樓，請佢哋幫我搞iva但係好老實講幾個月

xxyyzz

xxyyzz 發表於 18-12-2022 07:57
另外題外話：其實都想問吓大家意見，我本身呢就有簽約咗第二間律師樓，請佢哋幫我搞iva但係好老實講幾個月 ...

本身已經搵左第二間律師樓幫我搞iva。但係奈何已經冇工返幾個月，自己其實都唔係好夠膽返工，但當時嗰份臨時破產文件？完咗之後，10月開始渣打已經打嚟，恒生其實應該都準備call loan, 我爭嘅大部份都係一線 銀行同埋邦x，月入只有萬幾蚊同老人家住，差大概500,000到，其實係唔係應該直接破產？因為都差落朋友錢。。。。

其實真係好大壓力，勁驚舊個間聲稱幫我搞drp既公司同幫我拎mpf個間公司會搞我屋企，但而家暫時佢哋乜都冇做過，我又做唔到咩。。。。。。

Harmonychow

銀行數唔洗怕，實有辦法解決，諗下點解決債務中心條數先，始終都有簽約。

xxyyzz

Harmonychow 發表於 18-12-2022 12:44
銀行數唔洗怕，實有辦法解決，諗下點解決債務中心條數先，始終都有簽約。 ...

未有工返呀。。。另外呢幾日見到我原本搵個間既其中負責人好似俾人起緊底。。。。唉 我係有工都唔敢返

xxyyzz

其實加上上面我有睇過話曾經我又去宣誓話要攞強積金，雖然最後冇攞，但係嗰邊唔知會唔會keep住追，但好似同嗰間債務舒緩公司應該係同一Company

xxyyzz

加上上面我有講過啦，羽毛應該係同一Company嘅人叫過我去攞強積金，而當時我真係有去宣誓紙，不過到最後我係冇攞到出嚟，但係佢哋就不停追我支票

Harmonychow

xxyyzz 發表於 18-12-2022 20:27
其實加上上面我有睇過話曾經我又去宣誓話要攞強積金，雖然最後冇攞，但係嗰邊唔知會唔會keep住追，但好似同 ...

追就一定追，你有同佢簽約？如有，問佢取消要賠幾多。

xxyyzz

Harmonychow 發表於 19-12-2022 15:19
追就一定追，你有同佢簽約？如有，問佢取消要賠幾多。

有簽，但係我屋企人就建議直頭唔覆佢。有錢都唔想比佢哋，而家都唔知點。。。未有工作乜都做唔到

Harmonychow

xxyyzz 發表於 19-12-2022 21:12
有簽，但係我屋企人就建議直頭唔覆佢。有錢都唔想比佢哋，而家都唔知點。。。未有工作乜都做唔到 ...

如果過萬緊係唔比啦，如果要破產寫埋e條數落去。

xxyyzz

Harmonychow 發表於 20-12-2022 11:03
如果過萬緊係唔比啦，如果要破產寫埋e條數落去。

過萬呀，佢話收我萬一蚊，已經係最平啦喎冇錢賺。就係唔想破產，結果到最後而家搞到咁麻煩...其實即係嗰間債務舒緩中心同嗰間幫我提取強積金個間野，應該都係同一個集團。但係佢又冇講得好白叫我發假誓，純粹話我呢冇錢俾我哋手續費啊咪攞強積金找數

Harmonychow

xxyyzz 發表於 20-12-2022 15:20
過萬呀，佢話收我萬一蚊，已經係最平啦喎冇錢賺。就係唔想破產，結果到最後而家搞到咁麻煩...其實即係嗰間 ...

小心佢地食埋你份強積金，小心小心。

lumimi

其實破產都唔係壞事, 你應該停止比錢果間債務重組公司, 成十萬, 跟本就騙你, 亦都唔好拎強積金

xxyyzz

Harmonychow 發表於 20-12-2022 16:38
小心佢地食埋你份強積金，小心小心。

冇呀，最後我冇攞到岀黎

xxyyzz

lumimi 發表於 20-12-2022 21:33
其實破產都唔係壞事, 你應該停止比錢果間債務重組公司, 成十萬, 跟本就騙你, 亦都唔好拎強積金 ...

冇啦，幾個月冇俾啦，亦都冇攞強積金出嚟，但係始終同佢哋簽咗約，屋企又係兩個老人家怕上門追。。。。自己又唔夠膽返工，驚佢搞新工

lumimi

xxyyzz 發表於 21-12-2022 09:23
冇啦，幾個月冇俾啦，亦都冇攞強積金出嚟，但係始終同佢哋簽咗約，屋企又係兩個老人家怕上門追。。。。自 ...

始終都要面對, 唔可以一世都唔搵工, 毀約最多係去破產, 同他們講再搔擾就去報警, 教唆他人犯罪

xxyyzz

lumimi 發表於 21-12-2022 16:49
始終都要面對, 唔可以一世都唔搵工, 毀約最多係去破產, 同他們講再搔擾就去報警, 教唆他人犯罪 ...

搵緊工啦，怕返返下俾佢地搵到搞住我姐......搵左律師想搞IVA，唔知得唔得，破產係最後一步......

xxyyzz

**最新update: 今日有收數公司打黎又send whatsapp咁，話債務中心pass左個case俾佢，話我爭14萬1，至少要還一半先俾分期，

xxyyzz

xxyyzz 發表於 28-12-2022 22:28
**最新update: 今日有收數公司打黎又send whatsapp咁，話債務中心pass左個case俾佢，話我爭14萬1，至少要還 ...

如果有能力還，就可以平少少收120,000，如果唔係就上門，又話新年流流唔好啦，知道曬我同邊個住，話廢時嚇親人。。。

xxyyzz

好大壓力，諗緊好唔好轉做破產。。。