殺手劏人實錄

boro211

睇到你個case我都想分享下我個"殺手劏人實錄"

上個月第一次去外判傾生活費，最初未轉外判前主任批左還款大約係我人工5% (當時仲未要求加供養parents)

未上去之前已經約定左一日，但因為我返新工唔方便請假，所以打去問有無得電話傾。外判話唔得，咁惟有請假去啦，點知果日上到去佢竟然話因為我上次打去問可唔可以改時間，佢cancel左我，叫我再約過...

第二次上到去，加埋供養parents同上網費竟然要我還人工約28%，我自己租屋住，佢只係批租金既6成俾我，仲要包埋水電。個外判仲叫我搬返屋企，又話自己拉上補下。我話個數連基本生活都唔夠，極力爭取下最後還人工約20%，佢話無得再少。

之後第日打俾主任求助(好彩之前個主任好人)，佢叫我寫封信fax去話唔可以還咁多...但外判一直都唔覆我...之前已經話叫我唔好打電話俾佢...佢唔得閒聽...又要我去俾錢拎個credit report

過左幾日，就收到封信要我聽日去傾...宜家都唔知點算

因為我剛搵到份新工，加左50%人工，但要長註大陸，我都唔知點傾好...基本上佢都係無視我既生活需要...佢想我還幾多就幾多...唉

boro211

首先一點點拆：
1. 外判冇權迫你搬屋，所以你交幾多租就要批你幾多。
2. 如果你已出信俾外判要求再評估，一定要打電話確認佢收到，佢唔得閒唔代表唔使聽電話。
3. 佢一日唔搵你傾，你就一日唔還錢，但要留起，另每個 月同破產主任備案一次。
4. 如果長駐大陸，請問是否報大陸稅？如果係，即你香港僱主唔會報香港稅，你直情同佢講香港搵唔到嘢做，要搬返大陸，跟住還條毛俾佢。當然細節要小心處理。
macauranger 發表於 2010-9-20 09:09

多謝你的回覆

1. 雖然外判冇權迫我搬屋，但好似宜家咁佢連批租都批唔足叫我拉上補下已經夠死

2. 我已經打左去外判幾次話fax左俾佢地，但佢地都係無覆我，只係寄左信黎(一次平郵，一次掛號同一封信驚死我收唔到)叫我聽日上去再傾

3. 上次俾外判封信要求多D生活費已經fax埋俾主任，聽日見完都會打返俾主任交帶一聲

4. 新工係報大陸稅，所以我都唔知可唔可以開多個大陸戶口for出糧，因為一星期都可以返香港一次，所以都要繼續租香港間屋...

你意思細節要小心處理即係點﹖請問有無人都係大陸做野，報大陸稅同人民幣出糧架﹖有咩需要注意﹖

因為個外判真係苛刻得好緊要，我都唔知爭唔爭取到多D生活費(好似個人雜費咁佢批得我$500咋，但已包屋企日用品、化妝品、衣服ETC，我份新工因為好多時要見人，所以要著suit又要化妝，冬天我都唔知點算)

坦白講，宜家連朋友約食飯都唔敢去，衰D講句如果有朋友俾紅色炸彈，都真係足夠炸死我...雖然我知破左一定要慳住使，我亦都好願意去還錢，但呢個外判真係令我覺得自己唔係人...之前主任已經話外判批要還既錢係會有出入，但我真係無諗過係原來既5倍，佢地真係可以完全IGNORE我既基本生活費為左要我還多D錢...

queenielamok

55# boro211


佢黐線架？... 租金只批得6成... 仲要包埋水電？... 佢係咪食錯藥呀？... 有單有據... 呢d 應該係實報實銷... 無得扣喎... 除非你住緊豪宅啫... 否則佢要你搬返去的話... 你叫佢食c啦...

我個外判都係... 乜都叫我拉上補下... 乜都話得咁多... 乜都話無得再加...

我仲未寫好我份要求延長還款期的申請表... 但我預都係呢一兩日fax 去... 不過fax 完一定要電話打返去俾佢... 打到搵到佢為止... 煩都係咁話... 鬼知佢有無收到呀？... 雖則佢乜form 都有唔同fax no... 唔知係咪代表每個fax no. 有唔同人follow... 但我case 始終係佢跟... 我地一定要確保佢知道我fax 左俾佢... 不過話時話... 個pk 真係好難搵... 我上次有少少野問佢... 由上午打到下午4點幾... 打左唔知幾多次... 接電話果個次次都話佢開緊會... 我心諗... 我唔信佢真係咁忙囉... 佢10成係正在糟則緊我地呢d破產人士啫...

queenielamok

因為個外判真係苛刻得好緊要，我都唔知爭唔爭取到多D生活費(好似個人雜費咁佢批得我$500咋，但已包屋企日用品、化妝品、衣服ETC，我份新工因為好多時要見人，所以要著suit又要化妝，冬天我都唔知點算)
boro211 發表於 2010-9-20 09:59

我都係... 個人雜費都係得$500... 佢話係公價... 無得加... 後尾幾經辛苦先加多$500... 係for medical...

想問下... 你係邊個外判？... 唔知係咪我果間呢？

queenielamok

59# queenielamok
乜嘢公價？我睇翻紀錄我雜費都批一千啦，膳食費就真係公價，唔會多過三千一個人，但我都屈倒三千五。
macauranger 發表於 2010-9-20 10:15

膳食我3000都叫接受到.. 但雜費呢筆... 我都覺得唔會有咩公價呢回事... 佢一口話係公價... 無得加... 無論我講乜理由佢都好似跳線咁話係公價無得加... 叫我自己拉上補下... 佢呢D 態度完全係令我唔知點再講落去...

boro211

58# queenielamok


我租同水電都有單俾外判睇，但佢都係唔理，又係叫我拉上補下囉。

佢話我自己住租太貴，叫我搬返屋企/搬平D，問題係如果我宜家搬去第度，又要上期/按金/佣/搬屋費，我邊有錢喎，況且宜家出面D租都貴左好多，佢叫我問業主拎返按金咪有錢搬，你估人地傻既咩，一日未清間屋都唔會俾返按金我啦。

我打左好多次都係話個外判會覆返我，但都係無覆...佢話佢一日要處理"我地呢D case"好忙，根本唔會有時間覆我喎

你有得加$500都好，我上次都問佢如果病睇醫生咁點...佢又係話拉上補下囉，攪到我上個月發燒都唔敢睇醫生(因為未過probation無得claim，請半日假已經要扣人工)

所以你話"大不了返去辭工唔做"呢句我好身同感受，我搵份新工都係希望有發展，宜家人工加左=還多D俾佢地，但個外判既意思係叫我唔好無啦啦轉工。唔通破產就等於唔使理自己前途﹖如果我真係唔想還錢，我大可以搵份剛好COVER生活費既工...

boro211

57# boro211
如果妳交大陸稅，請問係香港公司請妳抑或大陸公司請妳？如果係後者，妳直情同外判講妳決定辭工，唔做嘢！如果妳係香港個紀錄係冇工作，咁還乜嘢錢？如果佢問妳點生活，乾脆同佢講有人養，至於邊個養妳 ...
macauranger 發表於 2010-9-20 10:08

係大陸公司請我，咁我又無諗過話自己無做野，我都只係想佢批我合理基本生活費唧...

想問下生活費(好似我咁除左養PARENTS自己一個)係點批出黎﹖最初佢要我還人工約28%，我喊住同佢講我根本生活唔到，佢就減到約20%，好似海鮮價咁，又話如果我人工加左(呢個係我宜家個CASE)會加多D生活費俾我，但我覺得佢唔會囉...

boro211

膳食我3000都叫接受到.. 但雜費呢筆... 我都覺得唔會有咩公價呢回事... 佢一口話係公價... 無得加... 無論我講乜理由佢都好似跳線咁話係公價無得加... 叫我自己拉上補下... 佢呢D 態度完全係令我唔知點再講落去.. ...
queenielamok 發表於 2010-9-20 10:22

我個外判都係咁...我講咩佢都唔理自己講...真係好有可能係同一個...

queenielamok

我個外判都係咁...我講咩佢都唔理自己講...真係好有可能係同一個...
boro211 發表於 2010-9-20 10:44

你係咪去中環 / 王+石？

mochida_elt

64# boro211


企硬!!

一日未有一個合理基本既生活費都唔好簽野!!

唔好俾佢覺得你軟弱，唔好俾佢厄到(乙水)到!!

水電費有咩可能包埋~哼!!

queenielamok

58# queenielamok


所以你話"大不了返去辭工唔做"呢句我好身同感受，我搵份新工都係希望有發展，宜家人工加左=還多D俾佢地，但個外判既意思係叫我唔好無啦啦轉工。唔通破產就等於唔使理自己前途﹖如果我真係唔想還錢，我大可以搵份剛好COVER生活費既工...
boro211 發表於 2010-9-20 10:36

係！我都係咁諗... 唔係我唔想還... 但還都要確保我有足夠/合理生活費呀... 我阿媽都同我講... 話如果佢地咁夾硬來.. 我就辭工... 再搵份剛好cover生活費既工... 然後還條毛俾佢... 一拍兩散！

你千祈唔好信佢話你加左人工.. 佢地會批多d 生活費俾你... 無可能的！... 到時佢就會反問返你... 你憑咩要加生活費？... 所以如果佢批得咁唔合理... 真係千祈唔好接受... 盞辛苦你自己咋！

boro211

63# boro211
冷靜Ｄ，外判打橫嚟，就係想妳亂。佢講妳就要信就要屈服，跟住果三年幾點過？如果妳而家的租間屋係市值，並係妳破產前能力可以負擔範圍內，點解唔得？仲有，有單有據嘅嘢，唔到佢話cut就cut。要企硬！ ...
macauranger 發表於 2010-9-20 10:48

多謝你支持

可能第一次見外判無諗過佢會離譜得咁緊要，果刻真係亂哂，又唔知可以唔簽份野再傾...

宜家租間屋比起出面市值已經算平，亦係我破產前能力可以負擔範圍內...上次上去之前我都睇過FORUM話自己租屋住係無問題，但上到去俾佢話我無地自容...係咁話你D破產人士點點點...洗大左破產唔好仲以為可以過"車"華生活etc...呢樣我好清楚，亦好願意負責任盡量去還錢...樣樣野我都已經好慳...好似上網contract一完即轉去最平既ISP...我都唔知個外判想我點...我諗佢真係想我還哂成份糧先開心

boro211

你係咪去中環 / 王+石？
queenielamok 發表於 2010-9-20 10:49

咁唔係同一外判喇，我灣仔...

queenielamok

64# boro211


企硬!!

一日未有一個合理基本既生活費都唔好簽野!!

唔好俾佢覺得你軟弱，唔好俾佢厄到(乙水)到!!

水電費有咩可能包埋~哼!!
mochida_elt 發表於 2010-9-20 10:55

無錯！水電費係絕對無可能包埋！... 你根本係夾硬來！... 你千祈唔好俾佢覺得你無左份工唔得... 你大佢... 你唔撈你無收入... 無錢還... 佢都要向你d 債權人交待的... 所以你一定要企硬！...

我都係... 上次佢大我... 話如果我唔按佢要求分12期還前期d 供款... 佢就要我來緊呢期糧上去出糧... 佢會hold 我account... 佢都好兇咁鬧返佢... 話如果佢hold 我account... 我會即刻返去辭職... 佢都當堂窒一窒... 雖然我唔知佢到時會唔會真係hold 我account.. 但我唔會因為咁就妥協... 大不了一拍兩散... 我無錢... 佢都唔會好過！

boro211

71# boro211
我教妳辭職並唔係教妳逃避妳應有嘅責任，如果妳嘅新工作同香港係完全冇關嘅，妳係有權利咁做！
macauranger 發表於 2010-9-20 11:03

但大陸公司請，交大陸稅，香港CHECK唔到﹖

mochida_elt

71# boro211


好明顯佢係為左打擊你...千萬唔好驚，唔好亂，唔係就中佢計

你根本冇需要為左慳俾佢而專登轉個平既isp

一切據理力爭，太過份就唔好簽，到最後都搞唔掂就去搵破署主任。

加油啊~!!

boro211

無錯！水電費係絕對無可能包埋！... 你根本係夾硬來！... 你千祈唔好俾佢覺得你無左份工唔得... 你大佢... 你唔撈你無收入... 無錢還... 佢都要向你d 債權人交待的... 所以你一定要企硬！...

我都係... 上次佢大 ...
queenielamok 發表於 2010-9-20 11:06

佢都要我分10期還之前D錢...我宜家都已經唔夠錢生活，都唔知可以邊度拉上補下再還呢10期...

queenielamok

71# boro211


可能我上次上去前已經睇過呢度... 知道我間殺手唔係人咁品... 所以一早做定心理準備... 如果一定要企硬同佢fight... 我知我地係破產人士... 係之前洗大左... so what？... 唔通因為咁就要受佢氣咩？... 佢都係打工咋... 無我地... 佢可能失業無野撈添... 佢憑咩話到你無地自容呀？...

想問下... 咁你接受唔到佢份生活費... 但你係咪已經簽左？

boro211

71# boro211


好明顯佢係為左打擊你...千萬唔好驚，唔好亂，唔係就中佢計

你根本冇需要為左慳俾佢而專登轉個平既isp

一切據理力爭，太過份就唔好簽，到最後都搞唔掂就去搵破署主任。

加油啊~!! ...
mochida_elt 發表於 2010-9-20 11:08

多謝你呀，聽日我會努力爭取合理生活費

其實上次見完外判返到屋企愈諗愈覺得太無理，第日已經搵左主任喇...主任都好好話幫我跟進，不過就未知係點...

queenielamok

佢都要我分10期還之前D錢...我宜家都已經唔夠錢生活，都唔知可以邊度拉上補下再還呢10期...
boro211 發表於 2010-9-20 11:09

我都係... 所以我打死都唔會簽... 簽左就無彎轉！