有冇人是不經律師,自己向銀行直接申請過idrp的?

gringoire

有冇人是不經律師,自己向銀行直接申請過idrp的?
如有,可以借呢度一起分享一下經驗嗎?
(我在iva區域發話題,是因為找不到idrp區, 希望在這30權限才能進入的區域, 可以盡情d分享,同時能有所保障,起碼保障性比任何人都可瀏覽到的區域高)

gringoire

我而家做緊...但有D麻煩!

mochida_elt

2# gringoire


咩麻煩?

gringoire

同我預計有出入....銀行的文件曾提及: 只要有75%的債權人投票通過我的idrp方案,就可成事(我之前亦post過該份文件)。但當我把有關方案及資料等文件交給銀行後, 銀行職員同我話, 你每月的min pay是約2萬, 若做idrp後也是還2萬, 那麼為何我們銀行要幫你做? 我答話,若做idrp,5-6年可還完, 但我若只還min pay,則一世都還唔完。 他答我話, 站在銀行的角度,唔係咁睇.....有未兄弟有做過,可以提點下?

mochida_elt

4# gringoire


咁站在銀行的角度係點睇?

gringoire

銀行話: 既然我還得起(MIN PAY), 佢地點解要幫我 !

mochida_elt

6# gringoire


咁你可以同佢講，好啦，咁落去我都還唔到ga喇，我去破產啦~再見

gringoire

我曾經都有諗過咁樣同佢講, 但係因為我真係唔破得產, (否則,我之前都唔會計劃去做iva,就係因為iva太貴,所以我先放棄)!

gringoire

因為如果佢唔批我,只要佢一間投反對票, 就算其他投晒贊成,我都唔夠75%贊成, 我實輸晒!

gringoire

7# mochida_elt

mochida_elt兄: 我想問下,破產人的配偶入息,會否亦會被強迫要拿出來還款?

還是, 法律會保護其配偶的財產及私隱?

mochida_elt

10# gringoire


我唔明你話還到死都未還完係咩logic...

我諗，銀行拋出既問題係好合理既，你亦都應該對呢個問題o係心中有個答案，咁你先可以同佢bargain

除非你借落既係大耳仔數啦，唔係就點都唔會還唔完既(假設你不續借)。你話卡數貴既，咪還晒personal loan先囉，甩晒d loan再集中火力找卡數，冇話還唔完既。欠缺既可能係一個決心或者一個良好既習慣o者。

當然，我唔係話做idrp唔好，咁既然佢而家拋出呢個問題，你一定要答得佢好好睇睇，佢先會幫你搞啦。因為idrp同iva唔同，iva代名人個個月收你錢，手續費又收你一筆，比較有肉食。

你不如做多手準備，鋪定另一條後路，起碼同佢傾起上黎既時候，都唔會完全處於被動。

至於破產，o係香港只屬個人民事責任，對你家人(所有)冇影響。(當然佢地有可能會被通知)

另，以我所知，破聯呢度搞得成drp/ iva既前人少之又少。

gringoire

11# mochida_elt

多謝mochida_elt兄的提點! 我消化下再諗下點同銀行傾! thanks!

gringoire

11# mochida_elt


若只還min pay,則一世都還唔完: 意思係, 如果還min pay, 每月節衣縮食還的2萬元中, 約有15000是利息,只有5000元是還本金, 欠99萬,即差不多要還我到退休至還得完!

mochida_elt

13# gringoire


點解呢? 你o個99萬全部都係卡數?!?!

gringoire

14# mochida_elt

一半係,一半唔係。

gringoire

15# gringoire

現有轉機, 短期內會有消息。

mochida_elt

16# gringoire


好呀，搞掂左返黎匯報下~唔該!!

gringoire

OK, 冇問題!
程序完左,再向大家匯報!

gringoire

有冇人是不經律師,自己向銀行直接申請過idrp的?
如有,可以借呢度一起分享一下經驗嗎?
(我在iva區域發話題,是因為找不到idrp區, 希望在這30權限才能進入的區域, 可以盡情d分享,同時能有所保障,起碼保障性比任何人都 ...
gringoire 發表於 2011-6-2 23:19

多謝admin加分!

bb_q_888

15# gringoire

現有轉機, 短期內會有消息。
gringoire 發表於 2011-6-10 22:50

祝你成功.