|
|
我都係睇左呢度, 最後成功自行申請IDRP的. 之前已去左葉XX, 但佢地根本唔係幫你, 了解後知道同你自己做係一樣既. 參考左GRINGOIRE 師兄既做法, 逐步跟住做.
我自己首先去環聯申請個信用報告睇下究竟欠幾多間銀行, 其實大約都知知地, 但真係欠太多, 睇報告後再對番自己D 月結單, 整番個欠款表出黎. 我總共欠5X萬. 每月MIN PAY約2萬. 我扣除所有必須開支後, 每月可供還款餘額大約係6千幾, 其實好憫架, 係好慳先得.
跟住就打去欠最多果間銀行問點申請IDRP, 負責既人都好好, 佢俾左個表叫我填晒D欠款同開支收入等, 我自己再跟GRINGOIRE 個範本寫封信, 準備好月結單糧單等就俾晒銀行, 佢就幫我攪.
交晒文件, 大約個幾兩個星期銀行就提出初步建議, 每月還7千, 大約還8年, 銀行負責人話佢跟住會通知我所有欠款銀行我現正申請IDRP, 並問佢地拎最UPDATE 既欠款資料, 並睇下其他行同唔同意.. 意料之外的是其他銀行即時停止了追數行動, 我好多張卡已被CUT, 落左收數度, 停止追數真的令我成個人都開心晒.
大約一個月, 銀行正式通知我申請已成功, 我就上去佢地度簽文件. 成個申請程序係好好, 銀行好客氣, 冇當我死債仔咁睇低.
|
|
[複製鏈接]
狗仔卡
發表於 4-6-2015 02:51:50
顯身卡