銀行還款

cc1424

我自己是破產人士, 想幫細佬問下應該點做...細佬幾件前欠左XX幾萬銀卡數, 連每月還min pay都應付不到, 下一步便想到破產, 但當時跟銀行傾左分2年還, 每月固定還一個數, 但耐唔中都會脫期, 後來走左番大6做野, 去左幾年, 香港電話取消左及搬左, 以佢記憶應該尚欠剩餘2-3期未還款, 而家佢想番來香港安定下來, 但手上都唔係有太多錢, 想搵XX傾番個還款, 但又怕這幾年積累下來會好大條數, 想左好耐都唔敢打比銀行, 所以希望在這問問各位是否可以跟銀行講數, 只還尚欠的餘款, 利息不計呢??可否要求還款後耍保證剔除在環聯的紀錄 ?? 謝謝各位...


XX = 銀行名字從略

smallcat

你細佬不如同銀行傾下先, 斷估係無用, 幾萬銀卡數就要破產, 破唔破你細佬決定, 但幾萬銀真係唔算好多, 值唔值得破見人見智!

smallcat

銀行還銀行, 環聯還環聯,  銀行點保證幫你做翻靚個record? 你細佬無還可能已經在環聯有不良記錄...

依家要解決唔係環聯, 係你細佬想還定唔還, 唔想還就破, 想還就同銀行傾, 解決左好過左閃右避, 面對問題先係解決方法

cc1424

細佬唔係好多錢在手, 佢係想還的, 但如果銀行開個價又大而又無得傾既話, 佢又唔知點算了..

301

一句講曬 : 你細佬根本逃避現實, 逃避責任; 唔肯面對.
昔日就銀行大晒,
現今有得傾既,
叫你細佬主動聯絡揾番銀行啦.

*TU(環聯)已經有負面紀錄唔可以自己剔除.
**如此這般再逃避可發展成刑責,明未 !

bb_q_888

cc1424 发表于 3-4-2013 12:25
細佬唔係好多錢在手, 佢係想還的, 但如果銀行開個價又大而又無得傾既話, 佢又唔知點算了.. ...

如果想係香港發展,點都要同債權人傾,只要你一申請電訊.銀行服務,就有可能有追數上門.

唔係好多錢在手.....銀行查到佢有錢,銀行都可能局佢破產迫佢還錢. (有人講過)
雖然唔知佢欠幾多,但傾唔傾在你.

利息不計....我覺得無可能,收順D可能有機會.
而且你細佬走過佬,銀行多數唔信佢,更可能要一筆過還債.  (我估計)
假若如此....家人朋友又可否幫忙他?

OCO1582

幾萬卡數，還剩幾幾期。
用複利息計，幾年後都應該無幾萬蚊咁多吧
有能力的話，我覺得應該清佐條數。