成日都有會員 send pm 問我，老老實實，就算你係美小女，我都唔會答架啦。一來，我雖然出左名係男神，高富帥強！無錯，強！

強係邊，呵呵，問下D女士就知啦！簡直停唔到！

重有，其實我地會員個個都有親身經驗，我點會夠咁多會員勁呢？

而且，呢個係論壇，唔係 gmail，如果我玩 pm，我不如開個 email server 啦！所以呢度一直都唔讚成用 pm。

如果個個都用 pm，咁一來，多D人，比的意見會好D，二來，你真係認為答你個個唔會係神？不過係棍！通常懶神秘個D，就係想搵錢，同著數。會員可以諗下，呢D經驗，點解唔可以論壇上答，而要你 pm 佢，又 whatsapp 佢呢？

好多新會員，以為我好好淫…哎打錯字，好人。

其實…

我係一個冷血的人。基本上我唔多改變我的原則，就算你話有幾急，又快死，又危難…我都係唔理你，你問律師，我都係會 ban 你，你比律師名，我都會 ban 你。所以你 pm 問我，我都係唔會答你。

甚至有會員會 email 我，乜原來 pm 唔答， email 我會答？

算罷啦。我就係咁衰！