新人，仍在考慮是否申破

kasu

筆數係19歲嗰陣做傳X公司(香薰)借落⋯本來一直嗰陣都有還，到後來做唔掂，返出嚟打工，就開始冇還。記憶中嗰陣應該仲差幾萬蚊。
又要交家用又唔係搵得多，真係冇能力還⋯
然後一直採取避嘅方式，改電話，搬屋⋯
最近⋯新地址收到信封面冇名嘅追數信⋯
應該係「邦人」，記憶中係欠佢幾萬蚊冇還哂⋯
依家可能滾到好大，加上過年前公司裁員，依家失業⋯
到底，破產係咪唯一可行嘅出路？定有得傾還債？
雖然我失業，但如果有得傾攤長還，屋企人係可以支持我。
所以我仲諗緊應該點做？可否給我意見？
感謝

Anmi2019

無寫俾邊個又知一定係俾你？可能係上手屋主留低嘅蘇州屎呢

Anmi2019

佢有無留聯絡電話，有可以試下用133(佢個電話號碼前按133先打出去)問吓佢封信俾邊個(因新搬嚟)，咩事(探下佢口風依家欠幾多)。
如果唔係俾你，就可以放心啦。
如果真係俾你，而你又有能力還，咪同佢傾下囉。
但如果無能力還，變相俾佢知你住邊(之後可能會被騷擾)， 所以通話時一定要小心講說話，唔好俾佢知/估到，當時人係你。

kasu

Anmi2019 發表於 6-3-2020 22:50
佢有無留聯絡電話，有可以試下用133(佢個電話號碼前按133先打出去)問吓佢封信俾邊個(因新搬嚟)，咩事(探下 ...

信封面冇名，衰手多開咗封信，入面係寫咗我名，仲大大隻字「財務問題 速聯XX 電話號碼」咁樣

Anmi2019

kasu 發表於 7-3-2020 20:21
信封面冇名，衰手多開咗封信，入面係寫咗我名，仲大大隻字「財務問題 速聯XX 電話號碼」咁樣 ...

唉…咁就煩喇，要還要破都要知實數，煱住要聯絡佢。
你最近有無借過其他財仔，如果電訊公司賣料，無理由只知你新地址，而唔電話聯絡你先喎。
你自己住定點，如果要破/唔還，仲搬唔搬到？搬後記得暫時用其他人名開個新電話/上網。

kasu

Anmi2019 發表於 9-3-2020 07:53
唉…咁就煩喇，要還要破都要知實數，煱住要聯絡佢。
你最近有無借過其他財仔，如果電訊公司賣料，無理由 ...

同男朋友住。冇借錢/冇用信用卡⋯但尼度個上網同收費電視都用咗我名⋯

kasu

Anmi2019 發表於 9-3-2020 07:53
唉…咁就煩喇，要還要破都要知實數，煱住要聯絡佢。
你最近有無借過其他財仔，如果電訊公司賣料，無理由 ...

冇借錢/冇申請卡啊。
同男友住啊⋯應該唔會搬（公屋）⋯

我上網睇過 話可以去check TU，睇吓實數幾多，再同佢傾。其實，有得傾嘅機會係幾大呢？加上我依家冇工作，所以都好頭痕⋯⋯

Anmi2019

kasu 發表於 10-3-2020 05:25
冇借錢/冇申請卡啊。
同男友住啊⋯應該唔會搬（公屋）⋯

Check TU要俾錢，好似2百幾3百。但咁多年前嘅數，仲有無記錄喺度呀？你打電話問咗環聯先，再決定check唔check啦。
如果你有錢還，佢哋實有得傾架。

kasu

Anmi2019 發表於 9-3-2020 07:53
唉…咁就煩喇，要還要破都要知實數，煱住要聯絡佢。
你最近有無借過其他財仔，如果電訊公司賣料，無理由 ...

我去咗Check喇，想請教你，係咪「信用額度」係我當初借嘅數？而結餘就係佢滾大咗嘅數？
睇返當初唔係好多，「小眾」係3.5萬，滾到4.4萬。「幫人」係5萬，滾到18萬⋯
如果傾一次過還原本嗰舊 唔知得唔得呢？
可唔可以比啲意見我。謝謝

Anmi2019

kasu 發表於 20-5-2020 00:26
我去咗Check喇，想請教你，係咪「信用額度」係我當初借嘅數？而結餘就係佢滾大咗嘅數？
睇返當初唔係好 ...

我無查過TU，所以唔知佢d字句，結餘應該講梗依家個欠款數。
照咁睇應該係幫人搵人追你，只還原本果舊我諗無可能，黑財都要計息啦。
如果屋企人係幫你，諗住一次過還哂/分期還噃，都要同佢傾先知還幾多，盡可能停咗息先。

kasu

Anmi2019 發表於 20-5-2020 03:23
我無查過TU，所以唔知佢d字句，結餘應該講梗依家個欠款數。
照咁睇應該係幫人搵人追你，只還原本果舊我諗 ...

有人教我 揸住舊錢直接去返2間門市度還，話係得咁多，佢肯收就叫佢停追數，唔收就同佢講我申破⋯
佢話一間還7，一間還5。

Anmi2019

kasu 發表於 20-5-2020 18:41
有人教我 揸住舊錢直接去返2間門市度還，話係得咁多，佢肯收就叫佢停追數，唔收就同佢講我申破⋯
佢話一 ...

但「小眾」係3.5萬，滾到4.4萬。「幫人」係5萬，滾到18萬，如1間還5，1間還7，比例好似唔係好啱喎。不過試咗先，等你好消息^^

kasu

Anmi2019 發表於 20-5-2020 20:57
但「小眾」係3.5萬，滾到4.4萬。「幫人」係5萬，滾到18萬，如1間還5，1間還7，比例好似唔係好啱喎。不過 ...

點為之一個啱嘅比例？我唔識，亦唔係有好多錢係手⋯

Anmi2019

kasu 發表於 21-5-2020 00:59
點為之一個啱嘅比例？我唔識，亦唔係有好多錢係手⋯

1間還5，1間還7，唔駛有12咩？
TU睇到大欠4.4萬，就照還4.4萬，餘下7.6還哂俾邦。
建議先去還邦，如果佢唔接受還7.6萬=要申破，咁大可以唔駛還，俾噃哂d錢屋企人，一心搞入學。

diehardla

情況同樓主有d 似，我10年了。 最近攪入學去拎TU ,發現幫X 3萬變成12萬。 仲年年update TU