頒令前收到破署信，點樣分辨暫時主任跟/直接外判

admin

原文：
http://www.hkiva.org/forum.php?m ... p;extra=&page=1

多謝 Anmi2019 提供

admin

發覺近期好多同學仔頒令後交文件(初步訊問表同收支申報表)去律師樓/會計師樓，都以為自己喺外判咗，之後搵錯人拎解凍信。

以我所理解，破署封信大致下面咁樣分辨，如有錯漏，希望其他師兄姐提點，幫幫將來收到信嘅同學仔^^

1. 暫時主任跟
~ 封信會叫你頒令後5天內聯絡XXX安排會面交文件(得1封信)，其實XXX只係代主任收信，上去放低文件，講兩句就走得(因之後主任會再聯絡你，再之後可能要開債權人大會轉外判)。頒令後當日可約主任拎解凍信(記得帶工作証明文件)。

2. 直接外判
~ 第1封信(約頒令前2個星期收到)，會話委任兩名私營機構從業員為暫行受託人，受託人資料稍後會再寄到。
~ 第2封信(約頒令後幾日收到)，有哂外判資料，約交文件當日帶工作証明文件，可即場拎解凍信(封信都有寫明)



補充內容 (2-6-2019 13:45):
仲有頁成篇英文信叫Letter of Appointment，經破署出俾外判，內容都係話破署已交外判管理你嘅破產案。
另外判信有提及外遊幾多日...

補充內容 (17-8-2019 21:44):
開大會:
1. 暫時主任跟~要睇債權人決定，頒令後3個月內會通知。到時就知邊間要開，見下嚟梗4年跟你果位外判。
2. 直接外判~都外判咗，唔駛開。

補充內容 (25-10-2019 01:12):
直接外判: 收完破署第2封信後，過幾日會收到直接外判公司信，信內會講明會面時需要帶咩証明文件。

-----------------------------------------

最容易分別到邊個跟就係 ~ 開戶口 ~ 搵破署主任開 = 暫時主任跟，相反就係直接外咗判。 批生活費 ~ 1. 暫時主任跟~交文件俾代收後，主任會再聯絡傾。2.直接外判~交文件當日即場傾埋。

admin

你字裡的外判, 係呢到大家都只會稱佢做收文件或我地去交文件, 唔會在這裡叫佢做外判. 因為佢地個角色真係收文件同埋總結一下每一個案.

這裡大家講的外判就係批出生活費, 每年同學要交年報比佢, 個D先會叫外判.

所以, 避免混淆, 大家都共識3樣野/3個稱呼:

1)主任
2)去交文件的公司
3)外判

多謝 欠一百萬 提供