法庭傳票一問

Fallenangel

各位好

我朋友佢大慨破左產2年，由於佢呢兩年沒有交年表，收到法院既傳票，因為朋友做事和信用比較令人擔心所以問問和位過來人，佢既傳票是由警署寄去佢媽咪屋企叫佢去警署攞，但佢冇去到，但上網搜到要10月13日要上庭。之後佢聯繫返佢間外判，叫佢send 返呢兩年報表疑佢地，佢同我地講外判話交返就唔需要上庭。其實究竟係唔係真？但佢10月13號個日真係冇上庭。咁佢冇上庭會有咩責任問題？會唔會罰更多既錢？ 影唔影響到出境？謝謝各位解答。

luckyman2025

等俾差佬拉啦，應該唔係咁簡單。傳票由法庭俾，同由差佬俾，性質完全唔同，懷疑你朋友有刑事野驚動到差佬，可能係詐騙之類，否則一般破產處同法庭俾既都係直接寄去地址。以我估計，差佬應該係想引佢現身再拉佢起訴。藐視法庭可以判監，輕則罰錢，錢一定會愈多，司法人員都要出人工，不過最後都係法官決定，擺明罰錢對破產人士無阻嚇性。欠交政府罰款又出埋傳票，繼續無視，差佬行街查佢身份證已經可以拉(應該法庭通緝緊），全部口岸過關有哂警示會通知執法人員拘捕 。小市民唔好軟對抗政府，無好下場架。

補充內容 (28-10-2025 19:22):
咁宜家報表交左未？你又無交代。如果你朋友繼續執迷不悟，就由佢啦…裝睡既人叫不醒。如果交左，都係要去警署拎文件，唔會要成隊差佬去刮佢掛

Fallenangel

多謝上面既朋友解釋，我剛剛問左我朋友，佢完全無理過，今日我同佢媽咪食飯先講起呢一件直，主要係佢媽咪擔心佢會裙唔知咩事會連累屋企，不過我地都奇怪點解張傳票係寄去佢媽咪屋企，（佢當初結婚已經在公屋除左名）。

Reborn818

如果唔理法庭請傳票，已經派咗去佢阿媽度而佢冇蒲頭，又唔再補返年報，最大鑊咪出通緝令，佢連境都出唔到囉。
傳票發去佢阿媽度有乜咁出奇？明顯之前已經發過傳票，佢喺破處報告地址，但係佢冇理會囉，而家法庭肯定要佢收到，咪去佢阿媽度。
佢阿媽就唔使驚嘅，基本上唔會連累佢，但有個仔咁嘅款，真只能祝佢好運。

Fallenangel

多謝上面既朋友解釋，我呢個朋友係女仔，先26歲搞成咁我地都冇佢辦法，佢真係比人拉左其實我地都唔意外，主要佢單親仲有一個4歲既小朋友同佢一齊生活。所以我地先比較擔心。再次感謝大家既解答。