登記地址問題及刊報後情況

Fari

想問大家如果申破時，係咪住宅地址填邊度加戶口statement上地址一致，就寄邊度？

就算好多年前稅單地址唔同都無問題？（多年無工作無收稅單）

另外如果住宅同通訊地址不同的話，通常破處會寄邊度？

刊報係咪都用申請書上住宅地址？（如果通訊地址不同）

咁刊報係發生喺幾時，刊報前後有咩情況會發生？除咗收到信係咪會有咩宣傳單張一大堆？？仲有咩要留意小心咖？啲單張只入信箱唔會攝門口咖可？會收幾耐呢啲單張呢？

luckyman2025

一定係填住宅的。你有責任通知稅局改左地址，唔好到時搵藉口收唔到稅單，到時搞到一鑊粥。通訊地址行先，政府機構係咁做法。刊報係住宅地址，residing at xxx ..頒令前一星期會係網上睇到有邊個準備入學，頒令後都係同一到睇到已頒令。宣傳預左百幾二百封左右，間間都搶住搵食，成皮既報表服務。全部人會知你住邊，佢地會抄低，多數寄信，個別上門推銷，無人就擺門口。收數詐騙之類既可能趁機會搵你。 頒令前一個月，頒令後3個月，每年交報表前都會收到一堆。

Fari

我唔係正式搬晒去另外地址，所以唔會收唔到稅單。

啲單張係寄嚟定直接派多？我會做郵件轉遞，但擺門口嘅怕被家人同鄰居/看更知，因我唔係成日去新地址，知唔知會攝門入啲定出啲易睇到內容還是卷埋一住攝？

每年交報表前幾耐開始有？係指週年日前為止都仲有？定臨週年日前幾多日就會無？
報表好難/好麻煩填嗎？大家係自己認真填定大慨填定俾錢搵人填咖？

Reborn818

破署信件會寄去你嘅通信地址，之前稅務局乜乜物物舊地址佢哋唔會去理你。
唔使聽嗰條出咗名亂噏廿四嘅，不受歡迎人物T先生廢噏，我入學到而家，根本連半封乜嘢傳單都從來冇收過，其實我覺得收傳單嗰啲，應該係入學嗰陣時經律師樓入邊有鬼賣咗啲資料出去，條友講嘢永遠誇張一百倍就算收到都唔會有幾多封啦。
每年一次嘅年報簡單到嘔，只係基本嘅加減乘除，有讀過書識字就會識報，唔使浪費啲無謂錢俾人報。

Fari

Reborn818 發表於 29-10-2025 21:35
破署信件會寄去你嘅通信地址，之前稅務局乜乜物物舊地址佢哋唔會去理你。
唔使聽嗰條出咗名亂噏廿四嘅，不 ...

非常感激，安心好多了

Fari

Reborn818 發表於 29-10-2025 21:35
破署信件會寄去你嘅通信地址，之前稅務局乜乜物物舊地址佢哋唔會去理你。
唔使聽嗰條出咗名亂噏廿四嘅，不 ...

唔好意思仲係有啲擔心，我申請咗郵箱喇，通訊地址寫郵箱，因為郵件轉遞有阻滯唔知申唔申請到，想知正常係咪真係無單張亦無信會寄去住宅地址？

律師樓係極少數不良嗰啲先咁？定中介先會咁因貪錢？因律師樓已經收咗好多律師費.

Reborn818

Fari 發表於 13-11-2025 01:28
唔好意思仲係有啲擔心，我申請咗郵箱喇，通訊地址寫郵箱，因為郵件轉遞有阻滯唔知申唔申請到，想知正常係 ...

呢樣真係好難肯定答到你噃，呢度同學仔反映收到傳單，基本上都係經過某大型律師樓申請入學的。而我自己舉手入學，基本上到而家都冇收過半封傳單。
點會關律師樓事？肯定入邊啲害群之馬買咗人哋資料出去啦。
近日我手機合約差唔多到期，打嚟問我續約事宜，我話我想睇吓轉唔轉台，遲啲先覆你哋，跟住冇幾耐已經有幾個唔同嘅台打嚟問我有冇興趣轉台，咁你覺得係發生緊咩事？唔通我個台貪錢買我啲資料出去？
其實如果你真係擔心嘅話，到時你記得同律師樓講明，知道有啲咁嘅問題存在，叫佢哋小心啲處理，如果唔係你話俾你哋會你會去律師公會投訴。

Reborn818

同埋你話律師樓收咗好多律師費，其實正常一間律師樓收你萬幾蚊，佢哋只係執你幾千蚊唔會有幾多錢賺，俾破產署同法庭都俾咗$9000啦。
如果飛擒大咬開價太高，嗰啲根本就係搵你笨更加唔使幫襯的

Fari

Reborn818 發表於 13-11-2025 10:31
同埋你話律師樓收咗好多律師費，其實正常一間律師樓收你萬幾蚊，佢哋只係執你幾千蚊唔會有幾多錢賺，俾破產 ...

咁如果無單張，係咪就唔會有咩寄去住宅地址？都只會通訊地址有野收呀？
小型律師行就無事？

Fari

Reborn818 發表於 13-11-2025 10:31
同埋你話律師樓收咗好多律師費，其實正常一間律師樓收你萬幾蚊，佢哋只係執你幾千蚊唔會有幾多錢賺，俾破產 ...

咁如果無單張，係咪就唔會有咩寄去住宅地址？都只會通訊地址有野收呀？
小型律師行就無事？

Fari

Reborn818 發表於 13-11-2025 10:31
同埋你話律師樓收咗好多律師費，其實正常一間律師樓收你萬幾蚊，佢哋只係執你幾千蚊唔會有幾多錢賺，俾破產 ...

咁如果無單張，係咪就唔會有咩寄去住宅地址？都只會通訊地址有野收呀？
小型律師行就無事？

Reborn818

Fari 發表於 13-11-2025 12:28
咁如果無單張，係咪就唔會有咩寄去住宅地址？都只會通訊地址有野收呀？
小型律師行就無事？
...

呢樣我諗無人會答到你播，你經律師樓搞成個過程經過咁多人嘅手，又唔知佢自己本身系統保密做成點。
最安全咪自己去搞囉，其實又唔係深奧野，都講咗好多次，入學到而家我乜嘢傳單半張都無收過