有限公司，被銀行申破

Yvn

各位師兄師姐，我係公司唯一董事，欠9成貸款，被銀行申破，請問呈請當曰係咪一定要本人或者律師出席？

jackywong

你沒有還錢多久他們才把你申破？

Yvn

差唔多一年

Lm2039

你有無問過律師你可否申請重組債務

Yvn

無問過，我請唔起律師，公司呢年已經無生意，無錢還，日日怕被人追數，心理壓力好大，與其係咁，已經接受銀行申破。

Yvn

呈請當日我無出現，又無代表律師，打去破產處，佢地話債權人申請延期，至於原因就唔知道。所以先想問下各位呈請當日係咪一定要出現

Bsm

Yvn 發表於 11-12-2025 23:13
無問過，我請唔起律師，公司呢年已經無生意，無錢還，日日怕被人追數，心理壓力好大，與其係咁，已經接受銀 ...

你公司有其他銀行貸款？正常政府個擔保貸款唔會由銀行申請你破產喎。

Yvn

佢搵代表律師申請

cocacola

拿拿林出席，才可完成程序！佢地係申請你個人破產定么司清盤先？如果係有限公司，你申請公司清盤唔洗上身喎！如果個人破產就要4年！

Yvn

申請我個人破產，因為9成擔保要個人擔保。我問過一間律師樓，話我盤數做到23年，要做埋24-25，25-26年，計埋清盤差唔多10萬，我真係俾唔到條數清盤。

Yvn

同埋我收到破產署封信時，打電話去問過，佢話可以唔使出席都得，呢啲處理得好快。所以聆訊當日我無出席，第二日打去破產署，佢話對方申請左延期，至於乜嘢理由就唔知。

Royc

心理壓力大於一切！同路人，我都好想知你點處理⋯⋯

cocacola

我都係比人申請個人破產先，之後再比人申請埋公司清盤，因為唔係我申請，所以1毫子都唔洗比對方比晒，人地申請你破產，洗乜揾律師攪蚵！直接等破管寄信比你，我同樣無出席，出席係因為你想反對佢申請你破產，如果還唔到就直接比佢申請你破，仲好唔洗你比錢，佢延期係想逼你唔想破而有機會還款，因為佢知道申請你破就唔洗還款，所以你唔洗理佢，照,等佢申請！至於公司，如果同樣比人申請清盤，同樣是由對方比錢的，如果你公司尼2,3年都係負數無盈餘，唔诜揾律師攪架，等收到清盤信時填番資料比佢，我果時乜都填0,乜都無比佢，問我有無年結之類，我話公司一直負數無做，同埋會計都走埋，文件無keep, 佢就照收貨同我清左盤，唔知係咪我好才並佢唔想做，連見都唔洗見，可能我公司得果3年資歷淺，所以我個人破同公司清盤1個仙都無比過，而家已經入學年半了，期待順順利利到4年畢業啦！

cocacola

建議你唔洗揾會計做，照填最後果年0收入便可，佢問你你就照講無錢揾人做，如果佢要你交之前做左嘅數先交比佢，如果你公司巴無盈餘，佢好快同你攪掂，先

cocacola

做左個人清盤後，唔可以再做公司董事，應該好快有人申請你公司清盤，老虎都等人幫你攪，咁自己就唔洗比錢，安心入學吧！

Terea

Yvn 發表於 12-12-2025 12:25
申請我個人破產，因為9成擔保要個人擔保。我問過一間律師樓，話我盤數做到23年，要做埋24-25，25-26年，計 ...

俾乜鬼，坐定定得人搞好過啦，慳唔少

Yvn

多謝你分享經驗俾我????????希望我好似你順利入學。真係捱得好辛苦，因為冇收入，卡數今個月開始還唔到，希望頂到快啲完結、入學

Terea

Yvn 發表於 13-12-2025 10:19
多謝你分享經驗俾我????????希望我好似你順利入學。真係捱得好辛苦，因為冇收入，卡數今個月開始還唔到，希 ...

一心入學就唔好找喇，邊有咁快上門，都係炸下你電話嘅姐

Nomorehope

Yvn 發表於 13-12-2025 10:19
多謝你分享經驗俾我????????希望我好似你順利入學。真係捱得好辛苦，因為冇收入，卡數今個月開始還唔到，希 ...

加油，我係頂唔順，自己舉手，公司hold左響道先，呢道好多同路人。大家努力。

Nomorehope

Royc 發表於 12-12-2025 19:52
心理壓力大於一切！同路人，我都好想知你點處理⋯⋯

我同你同期入gp，你依家點呀？