就嚟畢業上繳問題！急急急

Ckck88520

唔知有冇師兄經歷過或者有呢方面經驗
  我嘅情況係咁的：
23年1月舉手、跟主任、當年因為某啲原因爭300,000左右就破產、順利嘅話，27年1月就應該係畢業、不過呢四年時間一蚊都冇上繳過、當時批左12000生活費、一直都無理會，返工返下抖下，同年23年老竇過咗身、24年媽媽出入icu幾次，患咗罕有病、但唔需要啲特別貴嘅藥物去治療，死過翻生，直到二五年轉咗工搵25000$一個月、但需要銀行出糧，當時有同破產主任講咁嘅情況，拎咗開戶信、佢都亦叫我同新申報開支同收入、同希望佢重新批生活費、同主任申請不用上繳，因為之前嘅生活費我根本冇理會過、亦都冇上繳，當時報嗰啲年表，佢都冇理過，唔知係佢懶定係想四年後一次過計、、重新填嗰份收入支出，我都填到啱啱好、都成功開到銀行keep住出糧到目前、但我想問、咁究竟佢有冇批我新嘅生活費呢，一路都冇書面或者電郵回覆過、所以我一路都懶理，直到二五年我結婚、今年四月小朋友出世，我都有同佢講呢個問題，佢都係一貫作風，叫我重新填過收入同支出、但填完又唔話我知生活費批幾多、其實我每個月開始都係剛剛好、仲有半年就畢業我好驚到時候佢叫我一次過上繳，真係無能為力、好多師兄都話會到時候一次過同你計，冇就加監，咁到底其實會點樣？

HS1975

基本上會同你計算翻，由於你家庭經濟問題，應該唔會上繳太多，同埋應該叫你分期上繳。此乃最好結果

Ckck88520

HS1975 發表於 5-6-2026 01:01
基本上會同你計算翻，由於你家庭經濟問題，應該唔會上繳太多，同埋應該叫你分期上繳。此乃最好結果 ...

咁係咪要分期找哂數先會比不反對通知書

HS1975

Ckck88520 發表於 5-6-2026 04:17
咁係咪要分期找哂數先會比不反對通知書

其實有哩種情況，你可直接問主任要點處理，佢地一直都知道你嘅情況，你大可同佢傾翻點樣先可以挪不反囉，都過左四年啦，仲有咩唔會講唔敢講呢？該係點咪點囉！無嘢嘅

mirror0822

唔再借錢申請信用咭，有銀行戶口，無不反對通知書都無所謂

202511a

mirror0822 發表於 11-6-2026 14:22
唔再借錢申請信用咭，有銀行戶口，無不反對通知書都無所謂

如果過了4年，佢又冇搵你。佢重有冇權突然凍你戶口？

mirror0822

夠4年法例上已解破佢凍你都無謂，多數唔會凍。

cmc903

Ckck88520 發表於 5-6-2026 04:17
咁係咪要分期找哂數先會比不反對通知書

係。包括你嗰四年幾年報表。

cmc903

mirror0822 發表於 12-6-2026 00:16
夠4年法例上已解破佢凍你都無謂，多數唔會凍。

你合作有按時繳交咪係囉，但係如果你冇交過仲要爭佢四年報表嘅話咁就唔好意思。