誤信他人 欠下一身債

yuyuyuyuyu0016

我係上年係日本返黎香港冇耐
認識左一個男子 曾經見面 不斷叫我借錢 話會還
由TU A 兩個月跌到 TU I
半年內不停問我借錢
直到最近先發現佢係騙子 總共呃左90萬
前日對方完全消失

依家欠以下債:
1. XWALLET $123000
2. 恆生 $280000
3. 渣打 $190000
4. 渣打信用卡$61000
5. 恆生信用卡 $24000
人工為$18000 , 現每月還款$13000 信用卡不斷找minpay.  大約5期
今個月仍欠恆生分期未還, 信用卡已被cut call loan 落過收數 但恆生肯收返

幾個月以黎銀行長期0蚊
屋企唔算有錢但已經不斷幫我
本來打算賣身還債...
又曾經自殺被人救返...

打算下星期二申請破產


想問
1. 係唔係入紙後今個月恆生數就唔會再追?  因為以前落過收數 依家都爭左一個月未還....
2. 我本身工作包交通費 同父母同住 生活費應該點寫..?
3. 我對破產好不安 其實破產後生活會點樣過... ?
4. 我係日本信用卡仲未還 申請破產會唔會扣埋呢條數?

想重新做人

唔好比其他人嚇親，你父母年過70計埋供養，生活費應該唔洗上繳太多，一定會好過你依家月月清但其他啲債都無咩點還過

987tcm987

首先我估你應該係女 應該係比男人呃啦講直啲 你穩18000

987tcm987

其實破產對你最好 輕鬆好多 有咩影響 都會比現在好好多

andyray28

1.痕生渣x唔使驚，一入紙破產有臨號就唔會追，X錢包就等佢Wtsapp你時發個臨號俾佢，之後就唔洗理。
2.公司包交通只係For返工，咁你放假都會出外嘅可能得返幾百蚊，而父母方面如果佢哋有做嘢，你可能只係得返啲家庭膳食雜費，供應嗰方面可能唔會批。
3.破產前我每個月左還右還，左冚右冚，每日都係返工連續兩年都冇乜點瞓過安穩覺。俾人誘騙咗去破產之後，終於可以回復返正常嘅日子咯，唯一唔同嘅係乜都用現金，八達通微信支付寶，不能用FPS。
4.你欠嘅全部申報，即使係日本嘅都申報，咁破產先保障到你

除左X錢包煩啲之外，渣x痕生都係一線，只係你要預左會開債權人大會，會跟雙黃或李周，呢啲都係後話。
欠債唔可怕，只要勇於接受，生活終有一天能再見前路，加油！

yuyuyuyuyu0016

andyray28 發表於 11-6-2026 10:44
1.痕生渣x唔使驚，一入紙破產有臨號就唔會追，X錢包就等佢Wtsapp你時發個臨號俾佢，之後就唔洗理。
2.公司 ...

唔該晒.. 比人呃完之後好痛苦..
本身唔借錢又唔會遲還卡數...
依家個騙子就拎住我90萬去玩... 自己就生活唔到..
所以想一死了之..

我父母過70歲 無做野
其實唔係好知生活費點寫好
租金 膳食? 咁日常生活品點填...?
問過律師我好大機會生活費係多過還款..

生活費係一定要每一樣紀錄低?

mirror0822

識錯男朋友，肯定貪靚仔無本心，破產根本舒服到暈，妳要知呢兩年破產個案過萬宗破紀錄，外判主任根本忙到阿媽都唔認得，好多都求其過骨，生活完全無咩特別。

yuyuyuyuyu0016

mirror0822 發表於 11-6-2026 14:13
識錯男朋友，肯定貪靚仔無本心，破產根本舒服到暈，妳要知呢兩年破產個案過萬宗破紀錄，外判主任根本忙到阿 ...

對方只係識得講野... 冇樣.... 我好易哄就借左錢比佢...
後悔到癲.................
得返破產呢條路... 但又驚破產對人生有好大影響

nakamura

yuyuyuyuyu0016 發表於 11-6-2026 17:09
對方只係識得講野... 冇樣.... 我好易哄就借左錢比佢...
後悔到癲.................
得返破產呢條路... ...

你見佢一路冇還過錢比你，都仲唔識醒水，仲繼續一路借比佢？

nakamura

yuyuyuyuyu0016 發表於 11-6-2026 14:12
唔該晒.. 比人呃完之後好痛苦..
本身唔借錢又唔會遲還卡數...
依家個騙子就拎住我90萬去玩... 自己就生 ...

你知對方幾多底細？

yuyuyuyuyu0016

我都唔知點解 一直信佢 佢成日話係我害到佢咁 我又信咗佢 佢嘅背景我都唔知有幾多成係真 或者全部都係假。係人地同我講 我先發現係詐騙案 但已經泥足深坎

nakamura

yuyuyuyuyu0016 發表於 11-6-2026 21:16
我都唔知點解 一直信佢 佢成日話係我害到佢咁 我又信咗佢 佢嘅背景我都唔知有幾多成係真 或者全部都係假。 ...

不如你報埋東張啦，可以提醒唔好再有其他人受騙

andyray28

yuyuyuyuyu0016 發表於 11-6-2026 14:12
唔該晒.. 比人呃完之後好痛苦..
本身唔借錢又唔會遲還卡數...
依家個騙子就拎住我90萬去玩... 自己就生 ...

即使係呃又好，詐騙亦好，都已經過去，錢追唔返就唔好再諗。屋企人有幫你，你更加要努力面對。破產唔難，難在自己諗唔開跳唔出困局。

生活費方面，你照常寫自己嘅日常必須，例如一日三餐，日常必用生活品，加上父母已70可寫一些家庭膳食雜費，加加減減已經萬中，如果你係直接外判或者主任可能只須上繳1-2000，但開大會估計就3000起。

但即使係4000，都會舒服過依家一出糧就還哂出去。破產剛才講過不便就係支付方面最好只用現金，交費就用八達通可以記錄支出，外遊超24/48嘅話要報，報埋洗費由邊個出。呢啲都係後話……

mirror0822

yuyuyuyuyu0016 發表於 11-6-2026 17:09
對方只係識得講野... 冇樣.... 我好易哄就借左錢比佢...
後悔到癲.................
得返破產呢條路... ...

呢樣係可以搵佢出黎傾，沒理由自己食晒，一定可以。

JOJONES314

mirror0822 發表於 12-6-2026 00:10
呢樣係可以搵佢出黎傾，沒理由自己食晒，一定可以。

通常呢D都消失左啦,已讀不回打比佢唔聽都基本
有時當局者迷都係事後諗返先呻笨
如果期間有還過小小錢,再加深信佢之後會再還

yuyuyuyuyu0016

andyray28 發表於 11-6-2026 22:32
即使係呃又好，詐騙亦好，都已經過去，錢追唔返就唔好再諗。屋企人有幫你，你更加要努力面對。破產唔難， ...

係 我只係不斷反復 點解會信佢
愈踩愈深
好想返返去冇識佢嘅一日 唔會白白送咗90萬比人玩
我知過去係返唔到轉頭 但呢一刻我真係好難抽離出去
好似一訓醒就見到佢嘲笑我咁
明明返黎香港所有野向好嘅一方面發展 但依家搞成咁
破產係最後出路 但破產都有好多心理關口要面對
上繳嘅錢係少過依家 但失去嘅野都好多....
唔敢想像之後4年會過成點
唔敢想像破產呢個身份跟我一世會係點
愈諗愈痛苦 行到上天台先發現想死都唔係咁易....

301

既然屋企已幫盡，

申破係唯一生路，


1,銀行數見有入紙後號碼唔會再追，
2,頒令後才傾，一定夠你交通費，
3,破產後與一般人沒大差異，
4,申報時任何欠債已呈報就不用再担心。

祝你一切順利。

nakamura

yuyuyuyuyu0016 發表於 12-6-2026 08:13
係 我只係不斷反復 點解會信佢
愈踩愈深
好想返返去冇識佢嘅一日 唔會白白送咗90萬比人玩

我就唔明點解佢次次同你借錢，又從來冇還1過比你，都話比就比？佢有冇咩比你抵押？你又知佢幾多底細？既然佢依家害到你爆煲要破產，倒不想將佢D黑材料公開，一拍兩散啦，唔好比佢消遙快活！

yuyuyuyuyu0016

nakamura 發表於 12-6-2026 09:47
我就唔明點解佢次次同你借錢，又從來冇還1過比你，都話比就比？佢有冇咩比你抵押？你又知佢幾多底細？既 ...

我呢單複雜過東張   總之係詐騙案 我借錢比佢 佢話會幫我賺個啲 我話我冇錢比晒佢 又話係我搞到咁 又係咁話我害到佢飯都食唔到 電話費都交唔到 我真係信係我搞成咁 但同時我懷疑佢係詐騙 成日質疑佢 佢又鬧返我轉頭 半年黎比佢玩足咁耐 錢佢拎走晒 我嘅錢冇晒 連我屋企人嘅錢都唔放過 我唔信佢 佢就完全消失

nakamura

yuyuyuyuyu0016 發表於 12-6-2026 11:06
我呢單複雜過東張   總之係詐騙案 我借錢比佢 佢話會幫我賺個啲 我話我冇錢比晒佢 又話係我搞到咁 又係咁 ...

你係咁借比佢，話幫你賺錢，但點解唔係用你自己個名開戶口？有冇叫佢簽借據，記低佢重要資料？例如身份證/住址/工作證明，你依家比佢害成你咁，真係建議你報東張，公開晒佢所有黑材料出來，以免有更多人受騙！

nakamura

yuyuyuyuyu0016 發表於 12-6-2026 08:13
係 我只係不斷反復 點解會信佢
愈踩愈深
好想返返去冇識佢嘅一日 唔會白白送咗90萬比人玩

如果你跟果兩間殺手外判，揾18000起碼預要上繳四五千