公務員破產

rosssslee0806

現職公務員 5年文職，欠過百萬。啱申請iva 要供8年。發現已經供2期發覺供唔掂。破產4年可以解破。
之後想申請破產。因為最近呢三年股票 賭波都輸錢，有紀錄。
公務員已經過試用期，轉左正公務員。會否比人告。或者會冇得撈。公務員唔打算升職。轉職。

Chai

我講講我情況俾你參考，希望幫到你

Chai

18年公務員，上年12月破產，破產前三個月冇借錢，全部銀行數同埋網上銀行數，大約200，冇賭外圍冇晚同事借過錢，冇俾人告，仲有得撈

波仔記

想問吓公務員破產係咪破產主任處理定係都有機會外判呢?

2025a2025a

債權人話事,佢想破產人去指定外判就會開債權人大會。

波仔記

Chai 發表於 15-9-2026 19:48
18年公務員，上年12月破產，破產前三個月冇借錢，全部銀行數同埋網上銀行數，大約200，冇賭外圍冇晚同事借 ...

師兄/姐，想問吓每月上繳金額分配給債權人的安排，只給最大債權人?定係按比例分配給所有債權人 呢？謝謝！

Skywalker2025

想問,破產要通知老細,最後點,同要上繳多少？

Skywalker2025

也想問下,如果破產,以往政府的自願性供款,是否要拿出來還？但,條款是65歲才能拿出？

Chai

波仔記 發表於 21-9-2026 09:35
師兄/姐，想問吓每月上繳金額分配給債權人的安排，只給最大債權人?定係按比例分配給所有債權人 呢？謝謝 ...

我破產後，外判左俾律師樓跟，每月上繳幾多，會約你上去坐底傾，之後每月入錢俾佢就得，無同我講會點分配，總知還夠四年就得

Chai

Skywalker2025 發表於 27-9-2026 00:03
想問,破產要通知老細,最後點,同要上繳多少？

破產前就要通知老細，即係上律師樓前就要通知老細(財困其實就要通知，睇你點理解)，唔好進行中先通知，會charge 你，通知老細之後，部門會三個月搵你簽一次cr，我就保得住份工，升職就唔好諗，我原本已經升咗，升唔升下個級都無所謂，如果想升職就唔好諗破產呢條路

我上繳人工12%左右，但係我離咗婚要畀贍養費，唔清楚你份糧有幾多錢，你屋企咩狀況，每個人還幾錢都唔同

Chai

Skywalker2025 發表於 27-9-2026 00:29
也想問下,如果破產,以往政府的自願性供款,是否要拿出來還？但,條款是65歲才能拿出？ ...

無人同我講mpf點處理，所以我冇自己主動問咁戇鳩，我亦都冇簽過任何有關於mpf點處理嘅文件，老實講就算佢要攞黎還，都冇辦法，我就選擇不了了之

Skywalker2025

想問師兄,是否離婚後,先破產？

Skywalker2025

因為我月入6.7萬,太太也非常高薪,如果唔離婚,怕生活費得兩萬唔夠(因為太太有工作,所以支出要除2),租樓都成問題,同時,現有新居屋,也要沒收。

202511a

Skywalker2025 發表於 15-10-2026 16:58
因為我月入6.7萬,太太也非常高薪,如果唔離婚,怕生活費得兩萬唔夠(因為太太有工作,所以支出要除2),租樓都成 ...

師兄欠幾多破？有冇小朋友

Skywalker2025

欠近300萬,人工6.7萬,太太一樣,有兩個小朋友,同埋父母,不過父母分開住有攞生果金。唔知生活費如果唔離婚係咪得好少,咁就要上繳成四,五萬都

Skywalker2025

想申請iva但係都好多麻煩嘢,其中有一條數係k現金,業主貸款,佢知道咗一定會收樓,我又唔想

winmo

師兄，見你同太太都甘高收入，有可能吾洗破喎，你有無獅子銀行數，如有嘅話，佢地有個部門係幫你做lva，將所有數歸一幫你做個超低息還款表，每月獅子扣數

Skywalker2025

無獅子,

Skywalker2025

最大係,中信XX,106萬....但佢無DRP

gg4321

Skywalker2025 發表於 15-10-2026 19:41
最大係,中信XX,106萬....但佢無DRP

小新都有idrp ，有冇佢條數，我同你差唔多情況