覺得自己真係好蠢

karais

乜都唔識搵左間3個字律師事務所做iva，後尾自己覺得太大壓力打去明愛傾先知原來係伏，9月頭簽到俾左錢到宜家都冇消息
想取消知一定拎唔返錢仲唔知會唔會要我俾全費…
完全唔知點做，欠錢要還我知，但我最過唔到係俾人呃…

gavinedo

邊間？有無一兩隻字透露？切勿開全名

Hellomomo

Xx宇？

karais

Hellomomo 發表於 1-10-2024 04:03
Xx宇？

yes…

日久見人心

可唔可以講解少少點伏法?

Hellomomo

karais 發表於 1-10-2024 05:42
yes…

我都有查詢，但係嗰個人喺電話度不停係咁鬧，最後佢話返到屋企所以收線

karais

日久見人心 發表於 2-10-2024 11:44
可唔可以講解少少點伏法?

月頭上左去話聽話可以月尾幫我做宣誓
第二個禮拜開始要收第一期錢先做野，過咗數後之後問乜都話同你講咗，叫你wts 自己睇之類，問佢其實第一期入面係包乜或者要返張收據，同埋我話初步嗰個還款方案有冇得再傾傾（話明初步還款方案咁點解唔可以再傾），唔係話會搵人覆我就話係依啲係律師費，問佢係咪佢合約費用已經包晒，佢就話包晒不過如果有啲需要另外要俾嘅話就會另外通知你，真係越諗越唔妥。（直頭問佢係咪有一筆萬幾蚊嘅法庭費用或者包咗入邊佢都唔答我）
到9月尾，當然之前問佢嘢全部都冇覆過啦，咁我就同佢講問佢係咪可以取消，佢就同我講可以取消，不過第一期就一定唔會俾返。
錢就攞唔返㗎啦，唯有起碼取消同埋唔會再另外啲附加乜嘢費用，到時如果又再追我交錢我又冇錢俾嘅話就好似變咗係我嘅問題我最怕呢樣嘢到時取消我取消唔到，同埋其實銀行數下個月又要再交，感覺上佢只係會一路拖住你。
當日上咗去佢有另外一位見我，佢就話係依間負責人，簽咗份取消合約，我見暫時睇取消嗰份嘢都冇問題，真係當自己買個教訓。
自己乜都唔識，冇睇清楚固然蠢，但係佢個收費完全不清晰（事後我見人哋通常都會列明有份價目表律師費，庭費同埋各樣嘢都寫得好清楚唯獨是佢冇），或者之後點樣處理都係一個問號，所以大家小心啲。
結果就係自己白白浪費咗時間又唔見咗錢又冇解決到自己任何嘢。

timmoz

取消合約有無話會再追你數或手續費，中介之類有張野話如取消要懲罰幾多，睇清楚好

karais

timmoz 發表於 4-10-2024 23:19
取消合約有無話會再追你數或手續費，中介之類有張野話如取消要懲罰幾多，睇清楚好 ...

最驚就係呢樣嘢，不過睇落張野就寫取消晒佢手頭上嘅嘢唔會再跟我呢單case咁樣，而我嘅資料亦都會喺90日後銷毁（佢係咁講）
同埋我亦都問咗好多次嗰位自稱負責人係咪冇其他$，佢話係
希望就咁就完
但對於我嘅債務舒緩一啲都冇舒緩過，而家又唔見錢，唔係蠢係咩…