伴侶收入問題

重頭黎過

我上次同主任傾生活費果時 佢淨係理我老婆有冇做野 完全都唔會睇幾多人工
咁因為佢有做野 佢就話咁租金水電煤都一定要除2    又唔可以批到供養

我租金水電煤呢到如果除2,   加埋都起碼成皮野,   加埋如果佢無做野, 又可能批到幾千供養

如果佢根本唔理佢人工幾多只要有野做就唔批上面堆野, 咁假設我人工5萬左右 老婆人工得2萬左右,  咁其實咪不如佢唔好做野可以批返大個額都差唔多等於佢人工啦?  仲未計佢唔做野可以係屋企照顧小朋友又減輕到其它某d開支

有無師兄都面對緊呢個問題?

unhappygirl2024

其實都好合理，有咩問題？有手有腳有工返，憑咩要批供養先？正如有工開，會唔會又批綜援呢？有家庭開支，兩個人分都好正常，一般受託人都咁計法。供養最多咪人頭3000，唔明你有咩著數。你既假設太完美，現實上批生活費每樣野都有佢地既上限，當然佢地唔會講你知。用返你既假設，真係批足可能仲要自己倒貼小小。全部受託人都好死，唔會俾著數你，除非你肯上繳大數佢就咩都可以傾。

欠一百萬

自己衡量下邊樣著數， 但又睇下你老婆咩工 ，你老婆唔做野4年 ，4年後再做可能搵唔番。

重頭黎過

我唔係覺得要上繳唔合理 我只係覺得佢一刀切好奇怪 就係睇有做野/無做野
九龍區屋企有小朋友正常租金+水電煤 除2 呢part加埋都過萬  未計家庭開支
如果淨係話對方有做野就所有野都要除2  咁如果另一半搵萬5或以下真係叫人唔好做野架姐
我意思係搵萬5同搵 3,4萬, 咁都已經好唔同啦 咁樣一刀切好奇怪  想睇下有無師兄遇類似情況 係點同主任deal,  2大殺手就無得傾啦, 想睇下其它外判既, 係會點傾

金龍華

說服到我地無用，最緊要外判點睇

Yuyuyuu

雙方都有做野，共同承擔家庭開支係好合理，呢個係夫妻各自對家庭既責任黎，個個外判都係咁樣計。