|
各位巴打、絲打,大家好!
我因為衰投機股票衍生工具,依家欠債情況好嚴重,大概係月薪嘅30倍,主要係信用卡同私人貸款,分布係中銀(40%)、星展(24%)、匯豐(18%)、渣打(12%)、恒生(6%)。最近睇咗啲資料,想申請債務舒緩(DRP/IDRP),但唔知從邊度入手好。聽聞中銀作為最大債主,應該先搵佢做牽頭銀行,但又驚審批嚴格,成功率唔高? 定係搵匯豐做牽頭銀行, 聽聞好似容易批啲?
有冇巴打試過類似情況?成功嘅話,申請流程點?費用大約幾多?如果中銀fail咗,轉匯豐會唔會更難?又或者直接轉IVA好唔好?IVA會唔會影響搵工?(我最驚呢樣)
另外,我租金佔收入大約35%,總開支約50%。如果用50%人工還債,一般做IDRP成功既機會大嗎?
多謝晒大家分享經驗!如果有推薦機構或熱線,麻煩pm或post落黎。感激不盡!
|