求有經驗師兄師姐幫手解答????????！！！

Kayong123 · 发表于 31-7-2026 20:45:18

各位師兄師姐，有小小長氣。有怪莫怪，小弟第一次舉手，小弟欠東亞私人貸款，中銀信用卡，渣打信用卡，aeon信用卡，dbs信用卡，中信信用卡，一共60萬，6月底舉手，7月中拿臨時令，而全部都一直順還款，只係7月所有賬單出之後就還唔到，因為失業➕臨時令已出，一個追數電話都冇收過。可能因為我全部一線？同埋時間夾得好？不過都唔重要了，因為我當時填失業。現在搵到工作。8月4號開工，8月11號出判令。現在有26頁同有顯示主任聯絡名電話。咩債權大會，上繳生活費。都唔係問題。現在問題係出糧係戶口轉賬。而我本身有中銀。東亞，渣打。三個戶口。渣打同東亞一定係綜合戶口，而中銀都係。不過ai答我中銀戶口屬於結論：這張中銀香港BOC銀聯卡對應的是標準綜合存款戶口，但屬最入門、無資產門檻的基礎類型，不等於高階理財戶，非常適合你破產申請保留出糧使用。而我唔知博唔博保留，因為樓下就有中銀方便d，但我爬左好多文，都話保留時間比另外開一張新戶口會耐好多。因為我8月4號開工，咁9月頭一定出糧。姐係我8月底之前一定要同公司講轉戶口，現在求其比一個戶口頂住先，唔想比公司知道我破產，好不容易搵到一份月薪工。雖然係倉，但都係費事，可以避就避，所以我11號判令出之後。拿工作合同馬上聯絡主任出信。定係11號之前聯絡？同時進行？定係點？爬文千萬種講法。哎，又話永隆要存款1萬，又話恆生無啦啦會凍結戶口，又話要預約，又話中環總行唔洗，我自己心裡就係打算，11號判令，10號聯絡主任話搵到工作，講話想快d開戶口出糧，就睇下11號或者12號盡量一日搞定。新工作唔想請假咁多，可唔可以一日時間去交26頁。之後馬上搵主任拿信，馬上中環恆生開戶口？而8月底之前又可唔可以拿到新戶口？咁我就可以比新戶口公司而公司又唔會知我破產，哎。到底邊間銀行可以做到，又驚主任唔可以即刻拿信？又話搵主任之前要自己係二維碼掃一掃填好申請戶口先？再等主任回復？定係填完之後直接打比主任即刻約見面拿信先？呢d全部都係11號判令後先可以做？11號中午？下午就可以做？定12號？屋企樓下只有恆生同中銀提款！????無有經驗人士同我一樣？求請教！????????！十分感謝！而我第一頁顯示判令後聯絡貝貝律師見面，第二頁顯示有破產主任名電話，所以我到底跟主任？跟貝貝？定未知？

泥菩薩過江 · 发表于 2-8-2026 00:15:36

主任叫咩名？

Kayong123 · 发表于 2-8-2026 07:41:57

泥菩薩過江發表於 2-8-2026 00:15
主任叫咩名？

徐安西

泥菩薩過江 · 发表于 2-8-2026 12:50:59

如無意外，你上述三個戶口都會好快凍結，中銀係最快凍結嗰個。開新戶口、或者保留戶口，要上庭（當日）之後咗之後先可以搞。網上申請，會下載落去你智方便裏便，用第二個手機將個二維碼影低，再用有智方便嘅手機掃描，就可以見到整封開戶信嘅內容，或者上庭之後，直接打俾徐主任，要求攞一封實體嘅開戶信，但要親自上金鐘搵佢。徐主任職銜屬於（快速個案處理），即係代表你個個案簡單，好大機會會跟佢，但最終要睇你啲債權人提唔體積反對，如提出反對，就要開大會跟外判。

泥菩薩過江 · 发表于 2-8-2026 12:54:45

如無意外，你上述三個戶口都會好快凍結，中銀係最快凍結嗰個。開新戶口、或者保留戶口，要上庭（當日）之後先可以搞。網上申請，會下載落去你智方便裏便，用第二個手機將個二維碼影低，再用有智方便嘅手機掃描，就可以見到整封開戶信嘅內容，或者上庭之後，直接打俾徐主任，要求攞一封實體嘅開戶信，但要親自上金鐘搵佢。徐主任職銜屬於（快速個案處理），即係代表你個個案簡單，好大機會會跟佢，但最終要睇你啲債權人會唔會提出反對，如提出反對，就要開大會跟外判。

泥菩薩過江 · 发表于 2-8-2026 12:56:20

本人當日去恒生，荃灣眾安街Walk in，攞住封實體信，即日開戶，即日有提款咭，e-Banking要等佢後台搞兩三日，OK之後都可以用

Kayong123 · 发表于 2-8-2026 13:17:48

泥菩薩過江發表於 2-8-2026 12:56
本人當日去恒生，荃灣眾安街Walk in，攞住封實體信，即日開戶，即日有提款咭，e-Banking要等佢後台搞兩三日 ...

我都打算去完金鐘拿開戶信之後，直接去中環恆生總行walk in開戶，希望順利

Kayong123 · 发表于 2-8-2026 13:20:56

泥菩薩過江發表於 2-8-2026 12:50
如無意外，你上述三個戶口都會好快凍結，中銀係最快凍結嗰個。開新戶口、或者保留戶口，要上庭（當日）之後 ...

感謝回復????????，因為我d數都好正常，全部一線，同埋從來都冇試過遲還款，最低還款都冇試過，我時間夾的好，所有數都未到最低還款日子，我已經拿到臨時令了，跟邊個無所謂，最主要係想知我係咪11號判令之後，就可以即刻聯絡主任申請開戶信，我上訴三個戶口已經凍結，而且全部都係綜合戶口不可以保留，所以我打算直接開恆生戶口令我9月可以順利出8月糧！

coffee8888 · 发表于 2-8-2026 22:28:45

你出左正令當日可以網上申請出信

coffee8888 · 发表于 2-8-2026 23:12:01

想問點check 主任職銜屬於咩？我見我個個係B 組

泥菩薩過江 · 发表于 3-8-2026 02:04:44

coffee8888 發表於 2-8-2026 23:12
想問點check 主任職銜屬於咩？我見我個個係B 組

師兄邊度交文件？
幾時上庭正令？
而家等消息？

coffee8888 · 发表于 3-8-2026 10:57:52

文件交晒去黃關喇，正令7月中已頒

		自动登录	找回密码
密码			註冊