戰爭開始了！

micson

24DEC 已經入紙2月17日 上法庭！
但今日已經收到迅達的追數！
今日佢打來家，我扮我阿爸聽了！

恐嚇如果唔還叫我(阿爸)新年就唔好係香港過，否則一定有好戲比我睇！
又話簽了合約就算破產佢地一樣可以追我數！

現在我打算搞大件事保護自己，(香港就是咁賤，唔搞大件事，死左都無人理！)
寫信比報紙同埋立法局議員！

題目為:    收數行為已經凌駕法律！
金融海嘯後將有更多人面對經濟問題，破產人數將會大升！
可是這門生意總是在挑戰法律邊緣，
如曾特首所言，最艱難的時候還未到！
將有更多人會面臨失業，
因追債 與 和家人不和的情況下輕生！
就算選擇一些合法的途徑希望重新做人，
例如債務重組&破產也不能重新起步！
這樣就會失去了破產的意義------讓人能絕處逢生！
到自殺數字急升時才檢討將會太遲了！


當然我會再加長好多的，加一些資料！
希望就算幫唔到我阿爸都可以讓香港正視這個即將引爆的問題！


阿爸除了迅達，還欠UA,大眾&一個超細型財務(泰裕)的錢！
大家覺得我現在應該點做？

micson

剛剛睇了『反收數』，原來好多人都面對著同一個問題！
好驚，唔唔開心！

angel1

原帖由 micson 於 2008-12-27 16:06 發表
剛剛睇了『反收數』，原來好多人都面對著同一個問題！
好驚，唔唔開心！

提心吊膽的生活真令人難過,我現時都面對緊這個問題,很多人會想不通而輕生,凡事都有解決的方法,見步行步,千萬不要迫得自己太緊要,大家一起努力啦

gpo4074

原帖由 micson 於 2008-12-27 14:53 發表
24DEC 已經入紙2月17日 上法庭！
但今日已經收到迅達的追數！
今日佢打來家，我扮我阿爸聽了！

恐嚇如果唔還叫我(阿爸)新年就唔好係香港過，否則一定有好戲比我睇！
又話簽了合約就算破產佢地一樣可以追我數！

現在我打算搞大件 ...

你要錄埋音及偷拍埋短片,放上youtube先至會受香港廣大市民及傳媒的關注.

我想當年直頭返左大陸住左三個月,係臨上庭前一日才返香港.

micson

大家去曬邊呀？
想找個人安慰下都無，好擔心呀！

去了『反收數』那邊！
d人勁唔友善！
又嚇我話阿爸的case 避得過追數都好多機會比人告詐騙！

micson

這就是我在另一討論區比人狂罵的post！
希望壇主不要介意！
如果介意，可以隨時delete！

[連結已刪除。]

[Admin] 修改以避免必要的麻煩。

roy

唉....老實講句,你要人地點安慰你呢?係度安慰左你,只帶來短暫的放鬆.但依個多月等頒領期間,你都係一樣要面對小型財務公司的收數行為.

其實係你申請破產前,你應該好清楚依類財務公司的收數行為,你應有心理準備吧.
而家無計架拿,努力忍耐住啦.

micson

初初預了最細的那間要還！
點知現在比較大形少少的『迅達』，一樣追！
所以預算就唔夠還了！

admin

原帖由 micson 於 2008-12-28 15:03 發表
大家去曬邊呀？
想找個人安慰下都無，好擔心呀！

去了『反收數』那邊！
d人勁唔友善！
又嚇我話阿爸的case 避得過追數都好多機會比人告詐騙！

我發現版友星期 6、日係唔出現架。我就通常好夜。

呢兩日有個 job 做。都無上過呢度。

我所知：
你要估計你欠幾多，小的話 (好似幾千)，D人只係會嚇下你。上門都唔會。多的就(幾個)，就上門，倒下紅油，寫下太字報。再多，你就要小心。同埋睇下邊間。有問題就要報警，同埋唔好太過寸。唔係就會幾大件事。我識D正經D的有關人，其實最好份窮，例如你將所有值錢野都羅走，無電視，乜都無，D 友仔想羅錢姐，見你真係無，又唔剃 so，頭又唔洗…就好快唔跟。所以如果你給錢，佢地會更惡。

micson

現在同親戚研究緊會否幫佢還，
其實40萬，話多唔多話少唔少！
要還都仲有辦法！

如果申請緊破產，之後取消返破產申請，銀行戶口大約幾時先可以解凍？

欠的是以下幾間公司，大家覺得我應該自己同佢地傾，還是比多幾千蚊找人幫手同佢地傾？

大眾財務有限公司
中國銀行
亞洲聯合財務有限公司
迅達財務有限公司
泰裕財務有限公司
HSBC

enjoylife

雖然家家有本難唸的經，感覺上你爸爸在此事上較被動，我認為他理應為自己既行為負責任。

你亦應為自己未來打算下，你不是要結婚嗎？

入了紙是可取消既，但個戶口我就唔知道了。

近日我朋友比人點錯相，大閘門鎖比人落AA超能膠，追數的人竟然摸錯門口．．．破了財換了鎖，又報了警，可惜警方也不能做甚麼，也只是備了案，始終法律上也有灰色地帶，嘆奈何！

無論點樣，你為人兒子的有責任照顧支持爸爸，有個錢既不如留返黎養他，借親戚的錢未一樣要還，人情債更難還吧？

micson

其實極大程度上是因為阿爸在破產期間要還的錢其實都唔少！
預計要還的錢都大約要28萬，現在一次過唔駛煩都只是3x萬左右！

另外撤消破產又要另外收多$3500 律師費..........
有無c兄知，可唔可以自己搞ga？

angel1

原帖由 micson 於 2008-12-28 23:48 發表
初初預了最細的那間要還！
點知現在比較大形少少的『迅達』，一樣追！
所以預算就唔夠還了！

聽聞迅X是黑社會開的.我申請破產果間律師樓的師爺都叫我通知朋友同事千萬唔好問呢間野借錢,好大(獲)的.

[Admin] 改了原文以避不必的麻煩。

micson

申請破產到現在3日！
其實都只是得迅達有追！

angel1

原帖由 micson 於 2008-12-29 20:36 發表
申請破產到現在3日！
其實都只是得迅達有追！

他們是上門追或是用追魂CALL?

micson

追魂CALL only
不過我選擇唔破產，而還錢是因為我地都大曬，
阿爸一個人的生活費唔多，所以要還的錢都唔少！！

micson

撤消破產又要另外收多$3500 律師費..........
有無c兄知，可唔可以自己搞ga？

angel1

原帖由 micson 於 2008-12-29 23:10 發表
撤消破產又要另外收多$3500 律師費..........
有無c兄知，可唔可以自己搞ga？

申請破產的手續都可以自行去搞,取消破產應該可以呱.

micson

有無c兄可以幫埋我最後這次呀？

撤消破產又要另外收多$3500 律師費！
有無c兄知，可唔可以自己搞ga？

另外還錢比財務公司，有咩一定要拿回？

micson

有一間超細的黑財，現在好煩！

佢已經轉了比收數！
借2萬，現在要還29xxx
收多成8400收數費！

如果唔還比佢又唔申請得   取消破產，
30萬都用了，都唔在乎那一萬！
但真係好唔服氣！
間pk公司在我地send了破產資料比佢之後
一次電話都無打過來就即係比收數！
仲要完全無數講，比少d都唔得！

又完全無任何文件，
就連叫佢白紙黑字寫d個實數等我地照住入都唔肯！


但我地又想快d搞好所有數！
其他所有債務，都講好了在1月5日當日逐間去還！
都好想過年之前快d搞好曬佢！
因為希望解凍返個戶口出糧過年！

現在真係好angry！
間黑財叫『泰裕』，仲要係『英利』轉介的，借2萬已經收了1千手續費！
即係借萬9，2個月唔夠要還3萬！
這個利息以2萬蚊計，都已經超過60厘！
係咪應該要報警？

阿爸真係唔死都無用！

[ 本帖最後由 micson 於 2008-12-31 00:08 編輯 ]