有冇重新開始嘅機會？

Karen1986

小妹從事NGO，每月收入穩定，體系跟公務員一樣有得跳point同年度調薪。現時未扣MPF嘅每月收入約$50000。
可惜一直理財不善又貪玩，早兩年沉迷網賭，輸咗80萬，搞到呢到借嗰到借… 2025年1月搵到小新做結餘轉戶清咗啲數，點知鬆咗兩個月左右，屋企人先後出現健康問題，再加上屋漏兼逢夜雨要裝修/維修，一時心急要錢處理，4月又再透支加借返40幾萬…

現在欠債情況簡述如下：
小新，已供5期（共48期），每期$21,000，剩餘總數$940,000未還
CrxFxt，已供3期（共6期），每期$5,500，剩餘總數$16,000未還
Graxxit，已供2期（共16期），每期$3,200，剩餘總數$45,000未還
安x信用卡，欠$126,000，近呢兩個月都係每月只找到$5,000
Ux信用卡，欠$114,000，近呢兩個月都係每月只找到$5,000
X錢包（循環貸款），欠$128,000，近呢兩個月都係每月只找到$5,000
另外有條遮仔會嘅數（不在TU/TE紀錄內），已供2期（共24期），每期$3,400，剩餘總數$75,000未還
總結欠約$1,444,000，月薪約30倍左右。

因為擔心屋企人，日常開支+負擔好大，再加上入不敷支只能找min pay，呢排都瞓唔安食唔落，情緒好困擾…
爬咗啲文，上星期試咗聯絡李x民律師行，問佢哋iva得唔得，佢哋話得，我個case大約收費6萬幾，可以分5期找，叫我上去傾詳情。
諗咗幾日又想試下idrp/drp先，早兩日落咗小新問，個職員叫我最好捱到上返TU H再申請結餘轉戶，我有能力供就盡量唔好去選擇drp。我梗係明啦，但係因為我有訂閱TU可以免費check report，停咗喺I grade好耐，唔升仲逐啲咁跌，根本睇唔到要等幾耐先可以上返H…於是我再打去問小新攞咗份drp form，佢叫我填好連文件send返去等同事跟進。

一路填份form，一路都好多疑問，想請教各位師兄師姐，可否解答我以下嘅問題：
(1) 有兩條數唔喺TU入面（Graxxit同遮仔會），係咪可以唔報俾小新，自己繼續順供？
(2) 安x、Ux同X錢包，其實可唔可以打去問有冇機會轉分期拉長咁供？
(3) 我係咪應該剩係問小新做唔做到idrp，如果佢覆我唔得先逐間問drp？定同步做？
(4) 填報每月支出時，係咪冇可能填埋還款俾朋友？因為除咗銀行/財務公司數之外，之前朋友用佢名義同銀行借咗$30萬俾我渡難關，定額分期每月還約$6,000。

我真心想還錢，十年八載都甘願，唔想逃避同冇咗份好工…
我自從上次輸咗咁多之後，冇再掂過賭，亦都唔會再掂！宜家節衣縮食，慳到幾多還幾多，同埋只係想屋企人平安健康冇事…

p.s. 一篇長文，又係失眠嘅一個晚上… 多謝各位師兄師姐花時間去睇我嘅case…

好好好

月供總額高達 **HK$54,100**（佔收入108%），嚴重入不敷出。  
   - 依賴最低還款導致利息滾雪球，TU評級停滯在I級，難以通過新貸款整合債務。  

**方案1：綜合債務舒緩計劃（IDRP）**  
- **適用性**：適合希望避免法律程序、與債權人直接協商的個案。  
- **優勢**：  
  ✅ 降低月供至可負擔水平（如HK$25,000-30,000/月）。  
  ✅ 可能減免部分利息或延長還款期（如5-8年）。  
  ✅ 保留TU評級修復空間（DRP記錄5年後刪除）。  

  1. **優先與小新協商**：作為最大債權人，其IDRP方案可能覆蓋其他機構債務。  。  

**方案2：個人自願安排（IVA）**  
- **適用性**：適合債務過高、需法律保護避免追討的個案。  
- **優勢**：  
  ✅ 固定還款5-6年，剩餘債務可豁免。  
  ✅ 法律凍結利息及追收行動。  

- **注意**：  
  ⚠️ 需通過律師/受託人辦理，費用約HK$6萬（可分5期支付）。  
  ⚠️ TU記錄保留至IVA完成後5年。  

假設債務總額 **HK$1,444,000**，分 **7年（84期）** 償還：  
- **月供**：約 **HK$22,500**（本息合計，佔收入45%）  

Karen1986

多謝師兄回覆。咁同小新傾，係咪TU以外嘅數都要全報俾佢？

好好好

TU 以外, 唔報啦

timmoz

grantxx 上tu架，陞陽佢中文名。遮仔會你唔報，自己諗後果啦…查到隱瞞假聲明刑事責任，俾人告到時工都無得返。有財仔唔使諗drp，一定唔會搞，批你個個都傻，你諗下drp完，財仔條數又唔細左還本比例又細。好多細既位，睇月結單都睇到，供款扣數，問到口啞啞有隱瞞都唔會批。逐間drp對你黎講無意思，一定要做idrp但你卡住哂係財仔位到，佢地唔會批。財仔一定要iva先會俾你拉長。

Karen1986

多謝timmoz師兄回覆。

Karen1986

Timmons師兄，TU冇見到Grantxx嘅紀錄喎，其實照報唔係問題，可唔可以同小新講Crexxt、Grants同遮仔會我可以自己照順供唔駛佢攬埋？

ccckeikei

樓主係咪掂左網上啲896,可以同你講呢啲真係令到你行入地獄既嘢嚟，曾經識人玩呢啲輸左幾百萬，可以講係100％徦，幫下自己唔好再玩

Karen1986

ccckeikei 發表於 21-6-2025 16:08
樓主係咪掂左網上啲896,可以同你講呢啲真係令到你行入地獄既嘢嚟，曾經識人玩呢啲輸左幾百萬，可以講係100 ...

類似呢啲啦…..曾經真係有贏過5x萬，提一半出嚟又輸返凸俾佢….都係自己衰貪心…發誓以後都唔會再掂！

ccckeikei

Karen1986 發表於 21-6-2025 20:37
類似呢啲啦…..曾經真係有贏過5x萬，提一半出嚟又輸返凸俾佢….都係自己衰貪心…發誓以後都唔會再掂！ ...

希望你做到啦，因為俾你覺得曾經贏過50幾個，一定周不時都會手痕覺得會有一定又贏到，又想玩

Karen1986

ccckeikei 發表於 21-6-2025 20:48
希望你做到啦，因為俾你覺得曾經贏過50幾個，一定周不時都會手痕覺得會有一定又贏到，又想玩 ...

一定要做到，捱過呢段就可以重新嚟過！

Ansonli1234

樓主有冇update ?

jackwonghk815

5皮野 一年60萬，咁多債務正正經經好快還曬，加油小妹

Karen1986

Ansonli1234 發表於 30-6-2025 15:18
樓主有冇update ?

上個星期send咗申請表去小新，第二日就有職員聯絡我話要供夠6期先可申請，叫我供埋今個月中嗰期再申請過。另外有日路過小新分行，職員建議我捱到H grade再同佢哋申請續借，話我個case唔駛去到drp咁worst喎。不過之前其他po有師兄講過，咁樣續借啲息又貴盞搞。所以宜家都係要等到月中供埋第6期再決定下一步點做……

Karen1986

jackwonghk815 發表於 5-7-2025 00:45
5皮野 一年60萬，咁多債務正正經經好快還曬，加油小妹

多謝師兄鼓勵????????‍♀️

Karen1986

Karen1986 發表於 7-7-2025 16:48
多謝師兄鼓勵????????‍♀️

多謝師兄鼓勵，我會努力！

Ansonli1234

加油啊，我都諗緊搵HSBC 定小生做牽頭，我小生係我最大債主，我係擔心小生息高

Karen1986

Ansonli1234 發表於 7-7-2025 18:23
加油啊，我都諗緊搵HSBC 定小生做牽頭，我小生係我最大債主，我係擔心小生息高 ...

我冇大貓數，只可以搵小新幫手。我爬文見其他師兄搵大貓做drp/idrp都好似成數幾高，你都可以試下先？大家都要加油，祝順利！

Kawaiii

唔好信SALES， 唔好續借～ 冇意思！ 吊住條命甘解，完全解決唔倒個根本問題～ 首選IDRP 問小新，但你大部份財仔數，佢地叫個息會高，有財仔CODE一般會叫到8-15%，會辛苦，但叫做有個番身機會，我冇記錯IDRP最長可以102期，你可以自己計下數， 另外IDRP 只包銀行同一線財，網銀網財一律唔包要順供～ 係爭成150萬，捱8年供斷去先解決倒問題，你續借只會有閒錢再賭～ ！ 第2方案 單獨同小新，安X，UX 傾DRP，其他順供，第3方案，IVA，最後如果唔影響份工，去老破入學，你爭成1.5個 ，破左去捱幾年，性價比好高！！！！！

Karen1986

Kawaiii 發表於 17-7-2025 15:32
唔好信SALES， 唔好續借～ 冇意思！ 吊住條命甘解，完全解決唔倒個根本問題～ 首選IDRP 問小新，但你大部份 ...

十分感謝Kawaiii師兄嘅指點！我幾日前啱啱供完小新第6期，已準備交表申請。我都唔諗住續借，希望佢哋會考慮我idrp或drp，因為真係唔想破。有消息再update！