李周馬生傾生活費傾唔掂數

zitawong

今日老公去李周，跟個主任姓馬，21000收入，只批17000生活費，要供養老婆加一個細路，屋企公屋交租3148，細路學費1516，保姆車費950，我老公話個馬生要我地供3703每個月，但我老公唔接受，無簽到，佢只係叫我地今個星期五17號前回覆，想問大家傾唔掂數會點樣？可以點樣？可否打去同破產署破產官再傾？唉今次真濕濟，3703好過去搶官

endlessdark

tomomorashi 發表於 18-10-2025 18:51
未計衣食住行雜費：人工22k，無仔女，租16000（當同先生一半）,俾阿媽75歲6000,幫先生還1條數7000 ...

唔係要打沉你，同你先生還錢所謂既7000一定唔會批。供養阿媽，唔知有無兄弟姐妹要分擔，未見過會一個人批到6000供養，常見都係3000-4000。租金係計完一半16000定未計一半前係16000？佢地計法都係用人工比例計生活費，就咁睇又唔太差。

endlessdark

傾唔掂咪再傾，都係唔掂咪上法庭等官判，李周批生活費有佢地準則，上到去法庭唔代表你老公一定有著數，到時個判決全部人都要跟，假如個官判5000蚊咁，你原本3703，無得倒轉要返3703，你地自己考慮下個風險。唔係你講咩個官都老奉要批。

wclun

首先不足20%已經算好好..跟李周來講
你又唔想下你未破前每月要還幾多。
重有唔簽。基本上最後都是上庭

Reborn818

李周係債權人指定外判，佢哋接手破產處係唔會再理的，你老公試吓同佢再傾吓有冇得批多啲，如傾唔掂就要搵法官判，但問題你係法官面前要有證有據你先有得拗，同埋法官判咗個結果，無論好與壞你都要接受，無得返轉頭

Ommggg

每一項傾下，小朋友學費車費生活費應該可以傾高小小既

Yuyuyuu

雖然得萬七養家係吃力，但佢個數又未去到唔合理，我覺得低聲下氣求下俾多2千生活費，好過搞到上庭。同埋點解你唔返工幫補下？又或者你無返工，自己送小朋友返學都可以慳返校車錢。自己都要諗吓點開源節流。

幾球姐

可能要考慮番下parttime幫補下家庭，四年好快過，加油！

欠一百萬

同佢講，现在小朋友讀書冇左津貼，減少1000上繳應該得.

mirror0822

李周李+聲主任比我感化左，月入$12000，特登搵散工返五日搵少d，一蚊都唔駛上繳，嘻嘻。

wclun

其實大家可以好來好去..
基本上都會幫你

Toontoon

我11月6 見佢哋 有咩tips? 我single 同父母住公屋 兩老年過70

Ommggg

其實一係搵現金唔報稅既工，一係就接受，上繳3千就咁睇唔過份既，等官判有機會仲衰

zitawong

各位，傾掂數了，每月還款3000，另有300蚊作之前6期之分期供款，每月合共還3300元，多謝嘅各位嘅回覆

tony浸信會

三千蚊ok喎     我人工萬四都要供 $1300     睇嚟馬主任人很不錯呢！

tomomorashi

你好, 我都係剛剛個3月中頒左令都係俾左李周跟,我都想分享下我個CASE
6月尾收到信8月頭要去見主任, 但我8月岩岩轉左份9-6既工, 我先試同公司請NO PAY但公司唔批因為要証明, 咁我唔想公司知,所以就唔請假,決定打去同李周改期!!
打上去講晒我既問題之後RECEPTION姐姐同我講:跟你果位係張主任!!我就心諗PK啦, 之前睇過好多關於佢既勁野,
但主任要轉頭先覆返我可唔可以改..好過左20分鐘主任打黎, 一開始以為佢係正常人, 我一黎就問佢想改個日子可唔可以呢,佢:你寄晒啲文件上黎先, 我睇完先再打返俾你啦, 或者我抽時間星期六見一見你,完!!!
我即刻就COPY晒過去5,6,7月既開支水電媒租單同俾錢養阿媽既入數紙...寫埋點解想改期既信用SF送俾佢

過左幾日佢打黎啦,我一聽電話,佢就講:拿我睇過你呟資料同文件架啦,你每個月淨係可以用17000架姐,你下個月開始每個月俾5000啦,我同你係HSBC開個戶口,你入錢落去啦..我就講啦,阿主任想問下係咪無得商量架呢?
17000我真係唔夠用,屋企所有開支基本上都係我俾晒, 我老公係負責交租,佢有條數都係我幫佢交!因為我而家份工係2年合約,2年之後點?
主任:咁我唔會理你幫邊個俾錢幫邊個還錢架, 你黎緊3個月又上唔到黎,我而家就係話你知每個月只可用17000,2年約咪2年後再傾囉....
我開始著火因為我無講過3個月上唔到去, 我就話:主任其實你係聽唔明人話定回?你而家屈我話自己黎唔到,講野仲咁無人情味,你驚唔驚報應呀?唔怪得網上面咁多人講你啦! 同埋你話可以安排星期六見面...然後主任:我唔會咁講囉,星期六公司無冷氣架,我唔會約人黎見面, 跟住我話我電話有錄音問佢想唔想聽,佢先係靜左幾秒就再講我就算有講都係講下姐,你交唔交錢呀而家?我睇你都係無誠意還錢架啦!!
我同佢講我無誠意還就唔會同你改期,唔會浪費時間寄信同COPY晒文件開支俾你, 而家係你無誠意同我傾, 係你老人痴呆唔認自己講過咩, 你要我入錢俾你,我有簽名確認咩?
佢:咁我叫你公司出糧俾我, 我問佢請問係咩意思?係咪恐嚇咁解? 佢:咁你唔還錢呀嘛...我:仲唔係恐嚇?你無屋企人架?你無人性架喎,個人又冷血又無同理心,我唔想俾你跟,同埋我會投訴你
佢:你鐘意點就點啦, 之後CUT我線!!!

我再打去同RECEPTION講依件事, 佢又叫我寫信啦, 我果晚就寫左1封8張紙既信,COPY埋一封俾李周一封俾破署,然後打去李周問,姐姐話會再覆我, 破署就話跟進下

到今日18/10 啦, 都未有任何消息, 不過8,9月我照舊我寄我啲開支RECORD俾佢, 佢次次都話收到啦THANK YOU....咁我係咪要再打去追問呢...其實係開始左個破產期未呢?

konate1985

zitawong 發表於 17-10-2025 18:53
各位，傾掂數了，每月還款3000，另有300蚊作之前6期之分期供款，每月合共還3300元，多謝嘅各位嘅回覆 ...

即係加左一千蚊生活費俾你？恭喜恭喜

endlessdark

tomomorashi 發表於 18-10-2025 10:10
你好, 我都係剛剛個3月中頒左令都係俾左李周跟,我都想分享下我個CASE
6月尾收到信8月頭要去見主任, 但我8月 ...

破產期由你入學計已經開始，人工扣左生活費後必須上繳。可以繼續追，睇樣似係hea你拖延你，有可能打哂龍通，破處一般唔會干預外判點做，最後你地自己傾唔掂就上法庭，最終點判無人知，輸左就請你接受結果同埋付出巨大訟費。你話外判恐嚇你？就咁睇可能只係語氣差。面對外判幕後勢力，你可以做既野有限，傾掂佢或上庭，無其他。

補充內容 (18-10-2025 17:50):
外判絕對有權力凍結戶口同通知老闆，正常只會係欠上繳情況下咁做，其他唔合理既情況就係濫權。

tomomorashi

佢唔係可以不開始令我？

tomomorashi

我係咪應該繼續打去問佢轉到主任未？？

konate1985

tomomorashi 發表於 18-10-2025 10:10
你好, 我都係剛剛個3月中頒左令都係俾左李周跟,我都想分享下我個CASE
6月尾收到信8月頭要去見主任, 但我8月 ...

介唔介意分享多少少你既情況，例如月入 家庭狀況啊 有無仔女 租金 父母有無工作夠65歲未等等，等我地幫你睇下17000生活費合唔合理

破產期係由法院頒令個日開始計，呢層唔洗擔心