意外受傷賠償問題

LALALALA

早幾日係商場跣低左入左醫院幾日 仲未番工有醫生紙
正常應該可以claim商場賠錢

有幾個問題想問下
第一:究竟係咪應該走去搵律師搞,因為有人倒瀉嘢飲，我跣低咗，唔係碰瓷，因為我係跟破產署主任，比較容易話為，係咪應該照申請呢？賠償究竟有冇得袋？例如佢每月生活費批3萬，我每月人工得2萬，其實每個月都小8千到1萬，咁真係有錢賠有無得幫補每個月小左果d

第二：我交左第一年報表，係上年6月到依家，一路都無主仼搵過我係咪就無問題，當中有10萬左右係公司保險賠俾我或小朋友嘅睇醫生同醫療開支，之前問過破產主任講^_^實報實銷，人工一路都無超過生活費，報表都寫得好清楚醫療開支11萬賠左10萬，當時批生活費，我有例出我每一項嘅需要，但最後我收到信係一個總數，又無講個總數係點分配，個數同我要求嘅差不多。

第三:本身有好嚴重情緒病，剛破產時3個月內已經上去解釋左大部分錢嘅去向，都超過一年，主任當時仲教我點樣寫，咁果一part係咪應該就無問題

第四：本身同老人家住緊公屋，老人家買左綠置居，每月供8千幾，之前主仼批左交公屋租金係生活費一部分，我電郵通知左轉地址，又無人搵過我，係咪就唔使理。綠置居我無名，連公屋我本身都無名，離婚後同小朋友搬番去同兩老住，綠置居嘅錢全部都係老人家俾。同埋電郵通知其實係咪就ok，佢又無仼何回音俾我。係咪其實仼何嘢都係電郵通知就ok?我有send出紀錄keep住

多謝各位師兄解答

jasonchan2026

一，可以照申請，不過主任會照行照做，充公多過生活費既部分還債，實際要等批准通知確定二，都係等主任出信確定
三，寫左信唔代表無問題，，只代表說明情況，主任上級覺得有問題自然會做野，可以出信收數，有情緒病唔關事
四，如果查到層樓你用錢供，就會好大鑊，要提供證明係老人供，唔係就會問到頭暈，交一堆銀行資產證明

LALALALA

供樓都真係唔係我供，老人家之前已經幫左我過百萬

LALALALA

基本上我每個月出糧，所有錢係户口係係現金拎出嚟，無轉數紀錄，老人家依家仲有幾十萬現金，無做嘢