如何解決問題,救救我

lok196305 · 发表于 12-9-2009 00:18:18

覺得佢個case有的似我,所以都盡量答佢,可能佢蝕既速度仲快過我一下無晒好難接受到,希望佢可以面對到啦!

bird5 · 发表于 12-9-2009 00:35:15

我覺得可先向你表姐傾下,相信一定有得商量的.
死亡係消極的解决方法,接受及面對現實才是正確方針.
雖然幾痛苦的,但生命一定是無價,有命可以將錢賺回來.
請從另一方面再分析你的問題及試與你表姐及家人講明你的處境,
可能有些幫助. 只係自己一個苦思左諗未必會好.
希你的困難能夠盡快有解决.

lok196305 · 发表于 12-9-2009 01:12:25

原帖由 bird5 於 2009-9-12 00:35 發表
我覺得可先向你表姐傾下,相信一定有得商量的.
死亡係消極的解决方法,接受及面對現實才是正確方針.
雖然幾痛苦的,但生命一定是無價,有命可以將錢賺回來.
請從另一方面再分析你的問題及試與你表姐及家人講明你的處境,
...

我都係後來諗通咗,人生太順景唔覺珍惜,遇上挫折先有機會反省,都係好事來的,好似我有個朋友97几乎破產由住山頂蝕到一無所有係朋友屋企訓廳,後來佢死捱而家最少几仟萬身家,因為佢经歷過97既痛,07年佢全都清貨離場,所以佢今日仲几掂,而我一直風平浪靜唔知死,又唔肯聽佢講咪蝕死,所以自己有今日都唔敢同佢講,希望今次教訓換下次既得着啦!捱得過今次將來一定會好運過依家既!

pppw · 发表于 12-9-2009 08:28:16

原帖由 lok196305 於 2009-9-12 01:12 發表

我都係後來諗通咗,人生太順景唔覺珍惜,遇上挫折先有機會反省,都係好事來的,好似我有個朋友97几乎破產由住山頂蝕到一無所有係朋友屋企訓廳,後來佢死捱而家最少几仟萬身家,因為佢经歷過97既痛,07年佢全都清貨離場,所 ...

捱得過今次，將來一定會好運過依家，好句好句。

jimpete2177 · 发表于 12-9-2009 08:38:10

你所欠的都係一球啫, 咁就想死.
可以的話先還咗比銀行先, 保住份工先.
之後再還比表姐啦...
死係解決唔到問題的.

豬公 · 发表于 12-9-2009 11:56:28

原帖由 juventus820 於 2009-9-11 14:21 發表
我欠下巨債,就算破產亦解決唔到問題,如何是好?

欠6間銀行總共大約50萬,每月要還成2萬幾.
欠表姐75萬,其中40萬係佢借俾我,35萬係私下動用她的
欠朋友及同事10萬
有一層樓同朋友聯名,自己果份值40萬度

份工係銀行工,月薪18000.如果破產或一還唔到錢俾銀行,
應該就會冇左.

而家賣緊層樓,想先還一部分俾表姐,但係又未必還到俾銀行
如果破產,表姐果筆數係先還定係遲還.

我真係諗唔到有咩解決方法,就算死都唔掂.

你個 case 都幾複雜，分析如下：

1) 你表姐借左 40 萬俾你，而你又私自動用左佢 35 萬，咁佢的經濟情況應該還不太差，欠佢個的可以遲的還。

2) 銀行個的一定要還，唔係會無左份工，所以不能破產。

基於上述原因，賣樓後得 40 萬，先還朋友同事 10 萬，其餘 30 萬還俾銀行 ( 還邊間先要睇實際情況 )，餘下欠銀行之 20 萬應該可以於 2 年內還清 ( 以每月還 1 萬計算 )，2 年後再開始還表姐個 75 萬 ( 應該都係 6 年左右 )。

當然現在即時要做的是同你表姐坦白說出一切，希望佢原諒你，但你都要有一個實際可行的方案 ( 例如幾時可開始還錢及每月還幾多 ) 才可說服她，自己想一想應該怎麼做吧。

豬公 · 发表于 12-9-2009 12:01:46

原帖由 juventus820 於 2009-9-11 16:50 發表
我覺得真係冇咩解決方法,自己搞到甘樣,真係好痛苦,生不如死...............亦連累了屋企.真係想一死了之..

死左就更加對唔住你的親戚朋友喇，惟有勇敢面對事情，解決事情才對得起他們。

juventus820 · 发表于 12-9-2009 12:46:03

其實都有諗過你地建議的方法,但都覺得好痛苦,加上份銀行工係做前綫,又擔心俾人炒....失業...一切好似沒得解決......

豬公 · 发表于 12-9-2009 13:07:54

原帖由 juventus820 於 2009-9-12 12:46 發表
其實都有諗過你地建議的方法,但都覺得好痛苦,加上份銀行工係做前綫,又擔心俾人炒....失業...一切好似沒得解決......

使錢時就痛快，還錢時就痛苦，無論以前做的是錯是對，人總要為自己所做的事情負責，問題總要解決，拖得越久問題越大。

盡力做好自己的本份，真係俾人炒左都無辦法，咪再去搵工囉，最緊要自己盡左力，起碼對得起自己及親戚朋友，天無絕人之路，任何事情總有辦法解決的，你唔去解決問題，始於不能專心工作，更加容易被炒。

tinwa · 发表于 12-9-2009 13:38:43

我的case 同你都差唔多...
借錢炒期指 / Warrant / 牛熊, 炒到最後輸晒..
另外仲爭親戚100k...

講真, 爭親戚錢點都要諗下點樣還返俾佢地.. 誠意道歉同埋話番俾佢聽之後的還款計劃..
就算佢唔原諒你, 你自己都要對得住自己還番d.

lok196305 兄, 當年你玩期指期權輸左後破產? 有無要你解釋近2 年的投機損失?

對破產人的初步訊問 page 7
http://www.oro.gov.hk/cht/pforms/pdf/B-11.pdf

小弟想係10月破產

bb_q_888 · 发表于 12-9-2009 14:15:49

你咁問架~

佢都蝕哂成付身家....佢都好唔開心,

佢d數好清楚,同交代到.

你係想破產,但我地個個已破產....私人野唔洗講比你聽掛?

juventus820 · 发表于 12-9-2009 17:54:15

真係好痛苦,唔知如何過日子.....

juventus820 · 发表于 12-9-2009 19:55:32

有時就係控制唔到自己的諗法.唔知點過渡,亦成日諗埋冇謂野,如離家出走,到內地生活,覺得呢世都玩完,唔會有自己的家庭,下一代,亦覺得自己企唔返起身.總之,一切負面,諗到自己都驚,亦疑自己係唔係有精神病.

juventus820 · 发表于 12-9-2009 20:23:34

五年前其實都有抑鬱,之後好返,不過今次真係唔知係埋.最主要問題係我覺得解決唔到問題,成個人好,提唔起勁,成日係床度,想訓,唔想起身,唔想去諗,一諗就好痛苦..我想唔想令愛護我嘅人失望,,影響了家人,都好心痛..但都唔知可做咩..

lok196305 · 发表于 12-9-2009 21:16:54

原帖由 juventus820 於 2009-9-12 20:23 發表
五年前其實都有抑鬱,之後好返,不過今次真係唔知係埋.最主要問題係我覺得解決唔到問題,成個人好,提唔起勁,成日係床度,想訓,唔想起身,唔想去諗,一諗就好痛苦..我想唔想令愛護我嘅人失望,,影響了家人,都好心痛..但都唔 ...

其實唔錯都錯咗,及早同家人商量解决方法先係正路,唔好似我咁拖成年先面對,機會係唔會等人架,盡快面對啦!

301 · 发表于 12-9-2009 22:04:20

原帖由 lok196305 於 2009-9-11 16:55 發表

唉!....同你一樣....好慘.....有排療傷呀!

即使玩假既,咪一樣輸,

頭條網有模擬玩,
http://www.hkiva.org/viewthread.php?tid=1425&extra=page%3D2

開幾個名acct.來玩,

有一半都輸,

賭乜鬼丫.

lok196305 · 发表于 12-9-2009 22:14:57

原帖由 301 於 2009-9-12 22:04 發表

即使玩假既,咪一樣輸,

頭條網有模擬玩,
http://www.hkiva.org/viewthread.php?tid=1425&extra=page%3D2

開幾個名acct.來玩,

有一半都輸,

賭乜鬼丫.

我未玩過模擬呀!覺得浪費時間...一係唔買一定玩真既.牛熊最揾笨.

juventus820 · 发表于 19-9-2009 16:19:52

有份工,又冇返,真係變成失業,而家都唔知返咩工,大學畢業,諗緊做侍應,洗碗..

gpo4074 · 发表于 19-9-2009 16:23:01

你去深水埗元洲街北行線,油站對面,近南昌街口,果度有一間日式食肆,請星期五至日的洗碗兼職.
日薪有250元一日.

lok196305 · 发表于 19-9-2009 16:25:09

原帖由 juventus820 於 2009-9-19 16:19 發表
有份工,又冇返,真係變成失業,而家都唔知返咩工,大學畢業,諗緊做侍應,洗碗..

大學畢業唔使咁悲觀既,個市都好番的一定可以揾過份工的,你係讀邊科架?

		自动登录	找回密码
密码			註冊

如何解決問題,救救我

回復 #31 tinwa 的帖子

浏览过的版块