非常焦慮 DRP/IDRP一問

watsonsbab

剛剛send埋email連埋一大埋文件去渣x，希望盡快有回覆吧！

timmoz

watsonsbab 發表於 18-2-2025 08:09
另外，我想問下hsbx同渣x申請drp既時候都會問咩原因需要做DRP，如果如實咁答投資失利/賭博，會唔會有咩影響 ...

負面影響，同你搞掂左呢次，下次咪又賭又投資，唔一定好大影響，考慮埋工作收入，工作穩定性，還款支出比例，外債比重。出邊2線財仔見到賭博就唔會借。

binolam123

其實多多少少都會影響，我直接講投資失利同賭博，其實都搵唔到其他藉口，因為去到交文件事會睇出入數，果排我出入數亂到七彩，有好多日一日有十單出入數，跟住主要被問入數原因係咩邊到，但有啲數係二三個月前，日日咁多數真係有時都醒唔起係咩

watsonsbab

binolam123 發表於 18-2-2025 20:28
其實多多少少都會影響，我直接講投資失利同賭博，其實都搵唔到其他藉口，因為去到交文件事會睇出入數，果排 ...

師兄，我想問係做idrp先要逐條數解釋？如果係drp會唔會簡化少少程序？

watsonsbab

timmoz 發表於 18-2-2025 17:04
負面影響，同你搞掂左呢次，下次咪又賭又投資，唔一定好大影響，考慮埋工作收入，工作穩定性，還款支出比 ...

多謝師兄回覆

binolam123

watsonsbab 發表於 18-2-2025 21:49
師兄，我想問係做idrp先要逐條數解釋？如果係drp會唔會簡化少少程序？

一定唔會 通常過千就要解釋，有啲小數但覺得有問題都會問，
做邊樣都好，流程都係一樣，即使入學都會問，
岩岩有個師兄講得好岩，真係要解釋到全裸先肯做，但啲數又唔係唔見得光
又唔洗驚解釋唔通

binolam123

牛熊我之前成日玩，遠近都好，後尾玩期貨期指仲要過左要入保證金去補倉，賭博都有
未玩前都知贏左粒糖輸左間廠既道理，但次次都係為左個執個幾格就輸返都係會想繼續玩，
輸咗就買大啲，槓桿大執幾格可以休息，但往往結果都係一個，
咁多年啦都係無咩贏過大錢輸就輸突埋，
我朋友講得幾岩，其實投資/賭博都唔適合你，你又無贏過大錢，輸又輸得多，呢啲真係唔啱你玩，
呢家我都係希望生生性性唔好去掂，我知道我自己成癮做IDRP前我一定要做既事，
賭博：我做IDRP前先終身取消左個狗會， 我記得個職員仲同我講係終身取消？我話係 （一世都無得申請返，申請返要解釋）
投資產品：因為之前爬過文申請邊樣計劃都好，都會CUT哂所有信用卡，講真你我都玩過證券行，我就玩平台多，多數係用信用卡入數去平台到，
CUT哂信用卡已經斬段哂我8成既入錢方法，仲有2成係過數但係本身都無咩錢就唔好諗，我本身想入學係因為入學我就一定可以戒癮
但係個枷鎖太大，所以要先里清自己適合咩計劃，我做IDRP一係想清自己啲數 二係想戒左個癮 唔想好似之前咁顛日日望住啲指數啲賠率，個人好似顛咗咁 朝早睇恆指夜晚睇道指 日日返工都無咩精神，
其實有時細細地都可以贏大錢 有時唔需要日日望住都可以贏大錢 唔完全賭就好難 呢家排隊買張六合彩都好開心了

binolam123

最後賭博都係一個結局，計落輸左好幾年無哂儲蓄，果到有數得計
最後我都係賭到儲蓄得返幾百蚊先收手，我有諗過想輕生，
覺得哂左好多年，女又溝唔到，因為要還錢唔敢去溝女，怕害左個女仔，試問邊個女仔肯接受，銀行仲要係負數既人
所以我10月尾諗左好多野，錢無左可以再搵，但係命就一世，安慰既說話都係咁講，
慶幸自己係呢家發生呢件事，如果再大啲先發生我都唔知點算，所以珍惜呢家既人事物，不如用筆錢去享受下人生唔好再日日望個啲數字

watsonsbab

binolam123 發表於 18-2-2025 23:09
牛熊我之前成日玩，遠近都好，後尾玩期貨期指仲要過左要入保證金去補倉，賭博都有
未玩前都知贏左粒糖輸左 ...

師兄，牛熊嗰part我真係同你一模一樣情況。賭到而家咁既困局，我真係乜都醒晒。賭既係自己將來⋯未來仲要用返起碼7-8年，甚或10年來彌補自己既錯。

可唔可以問下你，你有冇將呢件事如實咁同另一半/屋企人講？因為呢件事真係困擾左我好耐，我亦都唔敢同另一半講，好驚見到佢哋失望⋯

watsonsbab

binolam123 發表於 18-2-2025 23:29
最後賭博都係一個結局，計落輸左好幾年無哂儲蓄，果到有數得計
最後我都係賭到儲蓄得返幾百蚊先收手，我有 ...

坦白講，我都有諗過一死了之⋯⋯⋯
見到自己輸左咁大筆錢，戶口居然得返幾百蚊，真係好想就咁死左去就算。有苦難言，一到左得自己一個既時候先敢唔開心、喊，真係唔知可以點樣為自己既錯去埋單。

但係我又諗，我唔可以死，死左兩個小朋友點算，仲要留低一大筆債比屋企人，我真係累人累物⋯唉

其實到而家呢一刻，我都仲未調節到自己心情。

binolam123

我呢個不孝子有同屋企人講（早期） 但拎到啲錢 都係繼續去玩，唔係細數目，有六位數
但我就無講拎左啲錢去左邊，一定唔係全數還，即使還左都可以套現
所以做IDRP我無同屋企人講，因為我再講真係受唔住刺激，
後尾知道我唔可以再敢做，如果我再借電影電視劇都有做，真係會賭到家破人亡

朋友要好熟既我先有講，但唔係個個都講，因為唔講我怕我會抑鬱，講出黎比唔比到意見都好，起碼我會更加明白我既思路

另一半，我唔敢去拍拖，因為我無錢，限制哂我所有行動，哈，拍拖既洗費都唔少

binolam123

其實你可以同老公講，我覺得又未必會諗到你諗咁大件事，
你可以選擇講或者唔講，但係你同你老公都係一家人，有咩野係唔講得，
明白踏出果一步係好難，但唔好好似我咁講完拎完啲錢繼續，借完拎完我都堅持一定唔會，最後都係忍唔住手，

講唔講出黎都係你既自由，
的確你個情況都唔算最差，起碼無二三線數，只可以做DRP/IDRP，唔可以入學，欠數係人工既26倍

watsonsbab

binolam123 發表於 18-2-2025 23:42
我呢個不孝子有同屋企人講（早期） 但拎到啲錢 都係繼續去玩，唔係細數目，有六位數
但我就無講拎左啲錢去 ...

明白。真係會家破人亡⋯⋯所以我都唔敢講。

好多謝呢個討論區，可以搵到同路人，大家有共鳴，總算可以搵到少少情緒出口。

watsonsbab

binolam123 發表於 19-2-2025 00:10
其實你可以同老公講，我覺得又未必會諗到你諗咁大件事，
你可以選擇講或者唔講，但係你同你老公都係一家人 ...

其實上年我有輕輕同老公講過(早期覺得自己就黎爆煲)，老公有幫過我幾萬蚊生活開支。但我真係犯賤，啲錢用黎找完卡數，我又draw返出嚟再去買牛熊，因為唔甘心同埋想追番輸左既錢。最後結果就係而家咁泥足深陷。

所以我唔敢同老公，甚至屋企人講。如果講左出嚟，就算頭家唔散，佢哋對我既信任應該都會無晒。而家我真係發誓唔會再比自己錯落去，亦都好想好想可以面對同解決當前既問題。同你一樣，我覺得如果成功做左drp，每個月還款減少左，我都想嘗試自己解決先。

不過還債之路好唔容易，我都唔知點樣可以唔比佢哋發現我而家乜都要死慳死抵，節衣縮食。其實唔講，屋企人又會唔會都發現有野唔妥？

binolam123

10月尾除左里清自己行邊條路同戒癮，都有同你同一諗法，就係點樣去平衡，我計過條數係欠款630k左右，係人工既21-22倍左右，因為idrp係自行去計劃個還款計劃，我就將還款總*0.08(均厘)*幾年/期數就等於一個月大概係還幾多錢，最後銀行報比我條數係細左啲，同埋利息比均息細我可以接受，但一般會先以均厘去計算，先講點平衡自己生活既方式，我人工30k，最後批左條數同我計劃一樣14k，16k係生活費，64比例我覺得算係最好，當然我仲有啲朋友數要還，但係有咁既生活費，已經好過之前跑山數冚數，生活談唔上好咗開頭點都要捱半年至一年苦，跟住果幾年會開始有返啲儲蓄，談唔上豐衣足食但起碼維持到正常生活我已經自足了

補充內容 (19-2-2025 01:40):
還款期數及利率都係同計劃差唔多，係批左既期數同利息係低過我心目中，計劃係60期,7~8厘，批左係55期(接近7厘)

Yuyuyuu

watsonsbab 發表於 19-2-2025 00:49
其實上年我有輕輕同老公講過(早期覺得自己就黎爆煲)，老公有幫過我幾萬蚊生活開支。但我真係犯賤，啲錢用 ...

大家都係過來人所以我都明白，但drp講緊無十年都八年，真係瞞到咁多年？你呢幾年承受既壓力都會好大。兩公婆假如唔係背叛對方，而你只係一時貪心迷失咗自己，應該唔會去到離婚呢步掛。我自己會父母唔講，但另一半講會好啲，一齊生活，仲要還咁多年錢，好易會被對方發現架。

binolam123

真係唔好介意人地點睇先，最緊要搞掂左呢家先，之前大魚大肉唯有清茶淡飯，其實又未至於，近排我屋企人叫我整個水龍頭因為舊同埋漏水，我就係拍賣平台買個二手150自己換個新 ，加埋配件150計埋都要300，但如果係全新要750未計換，正常之前我買個新叫c fu換，計劃批左後開源節流就一定要，但只要相信捱埋幾年生活就好啲，之前都係咁捱日捱夜捱去賭錢去投資，都係咁捱就無左幾年，同埋果陣一樣都係死慳死抵，無乜點對自己好啲，呢家既捱就唔同為左屋企人又好，為左將來又好，起碼你望到希望，望到將來先

watsonsbab

好多謝大家比我既意見。其實我自己都覺得需要啲時間去比自己消化、沉澱一下目前的困境。

watsonsbab

希望同兩間銀行傾完還款計劃會明朗化啲，之後再諗下點樣同老公坦白。起碼我想比佢見到我有正面咁面對自己既債務，亦唔係要攤大手板問佢攞，話比佢知我盡量唔比債務影響到家庭。

Hopeless2024

watsonsbab 發表於 18-2-2025 08:09
另外，我想問下hsbx同渣x申請drp既時候都會問咩原因需要做DRP，如果如實咁答投資失利/賭博，會唔會有咩影響 ...

你好師姐, 我都搞緊DRP。
佢都係循例問下。 佢地都知上得去緊係有困難。我都係答佢投資失利+ 洗大左。
最緊要自己真係還得起 生活到。
佢地始終都有錢賺, 都係多同少問題 , 好過收唔番。
信用卡 戶口,佢同我講會全CUT 。 我都好亂, 宜家開始轉變緊生活習慣。 準備去開張debit卡用, 方便有時無帶錢。