舉手了

WingBabe

我9月頭宣誓，跟住俾左臨令UB，收過幾次電話，收到2nd Reminder，再收到終止戶口通知書(哩封寄左屋企同公司)，內文係話如果5日內唔還，就會有法律行動/委託收數公司，打左去UB問，佢話信係電腦出，叫我暫時唔洗理。。我問咁會唔會有人上門，之前就答我唔會。。前2日收到終止戶口信，我再打去問，佢就答我信就暫時唔洗理，其他就要睇公司點處理

konate1985

小白新生 發表於 22-10-2025 20:19
佢地知你未有正令，越近尾期越追得急。上屋企公司少不了。鬥智鬥力，可以問下三姓即刻改自己申請。即日上庭 ...

咁撚搞笑, 跟跟下律師樓搞同佢講我唔經你搞喇我自己搞番, 仲要即日上庭即日有正令, 你當餐廳食飯訂位打去改晏兩個鐘食咁FREE? ;P

respectable_man

多謝咁多位師兄，响我最唔安心既時候分享左咁多意見同經驗。我屋企有小朋友唔想嚇親佢。我又唔可以無左份工，因為我咁既年紀再加上市道唔好，响出面真係搵唔返咁既人工同福利。我知道欠債還錢天經地義，但我已經嘗試自己頂左好耐，到自己晚晚都訓唔到，影響工作表現，先發覺自己都搞唔掂，最後都係揀左同屋企人坦白舉手。我好後悔，曾經諗過一下跳左就算，但我好唔想屋企人擔心，唔想佢哋唔開心，但我唔想咁唔負責任，唔想帶俾佢哋麻煩。希望一切都順順利利到頒令果日。

respectable_man

WingBabe 發表於 22-10-2025 23:29
我9月頭宣誓，跟住俾左臨令UB，收過幾次電話，收到2nd Reminder，再收到終止戶口通知書(哩封寄左屋企同公司 ...

師兄，你頒左正令未？

WingBabe

respectable_man 發表於 23-10-2025 07:30
師兄，你頒左正令未？

下星期

respectable_man

WingBabe 發表於 23-10-2025 08:07
下星期

師兄，你搵邊個律師搞？加油，一切順利

WingBabe

konate1985 發表於 22-10-2025 23:26
俾個參考師兄， 我由得到臨令(5月)有CASE NO後基本上無接聽過一二線既電話/無覆過二線既電話 WHATSAPP ME ...

師兄。。啱啱又再收到UB打黎，因為我28號就頒正令，佢問我係咪真係唔轉做重組，之前計過可以每個月供5千零蚊，我話我真係搞唔掂，因為屋企有事。。佢話你啲數都係供左幾期咋喎，就申請破產，好似呃錢咁囉。。我話我計過真係未必得。。佢話你再諗下諗清楚啦，唉，係咁啦，就好大力cut我線。。咁由於我之前收到破處封信，內文大約係：法院於聆訊當日頒佈破產令，本人會以暫行受托人身份另行委任兩名私營機構從業員為暫行受託人管理。。咁佢會唔會要我轉開債權人大會架？

nothingmore

WingBabe 發表於 23-10-2025 17:06
師兄。。啱啱又再收到UB打黎，因為我28號就頒正令，佢問我係咪真係唔轉做重組，之前計過可以每個月供5千 ...

屋企有事都係藉口黎姐，佢地咁講應該交左去法務部處理懷疑詐騙既情況，兩個受託人代表直接外判左，好大機會開大會搵殺手跟，因為債主睇唔過眼，唔會咁順攤。

WingBabe

nothingmore 發表於 23-10-2025 18:09
屋企有事都係藉口黎姐，佢地咁講應該交左去法務部處理懷疑詐騙既情況，兩個受託人代表直接外判左，好大機 ...

即係直接外判左都仲要開大會？

nothingmore

WingBabe 發表於 23-10-2025 18:47
即係直接外判左都仲要開大會？

直接外判就唔係殺手，開大會就係指定兩大殺手...

Reborn818

WingBabe 發表於 23-10-2025 18:47
即係直接外判左都仲要開大會？

都直接外判咗仲開乜差嘢債權人大會？
上面嗰位新同學，又係嗰條廢柴T先生嘅分身，因為佢之前個Account又俾版主Ban左，條死唔斷氣，除咗嚇人乜都唔識，唔使理佢。
其實個個都講咗幾百次，我都唔明你仲聽U B電話做咩
要告你詐騙，差館已經搵咗你，唔使聽佢廢話

respectable_man

Reborn818 發表於 23-10-2025 19:09
都直接外判咗仲開乜差嘢債權人大會？
上面嗰位新同學，又係嗰條廢柴T先生嘅分身，因為佢之前個Account又 ...

師兄，我今日收到破產署既信。內容係話11月某日會進行聆訊，當頒令後要我立即致電佢所委任的行號預約初次會面。要响破產令後5個工作天內進行。
行號係尖咀的永X會計師事務所，聯絡: 姓劉 或 姓鐘
我想問係咪即係判左我俾外判？呢間辣唔辣？難唔難搞？

konate1985

respectable_man 發表於 23-10-2025 19:21
師兄，我今日收到破產署既信。內容係話11月某日會進行聆訊，當頒令後要我立即致電佢所委任的行號預約初次 ...

呢個似講緊法院頒令後 你要上去永聯文件姐

konate1985

nothingmore 發表於 23-10-2025 19:08
直接外判就唔係殺手，開大會就係指定兩大殺手...

如果一開波就話直接外判左 咁仲開咩大會

respectable_man

konate1985 發表於 23-10-2025 19:24
呢個似講緊法院頒令後 你要上去永聯文件姐

師兄，如果我無記錯你都係搵三姓搞。我想問三姓之前寄左28頁副本去屋企，仲有份支出表同問卷。而今日破產署又有份叫EA/B-7AB-C附表。
我想問律師樓果份支出表係咪唔洗填？淨係填問卷？EA/B-7AB-C附表要填？

Reborn818

respectable_man 發表於 23-10-2025 19:21
師兄，我今日收到破產署既信。內容係話11月某日會進行聆訊，當頒令後要我立即致電佢所委任的行號預約初次 ...

就正如K師兄所講，你只係搵永聯交文件，之後要睇吓使唔使開債權人大會先知道邊個跟你。

konate1985

respectable_man 發表於 23-10-2025 19:33
師兄，如果我無記錯你都係搵三姓搞。我想問三姓之前寄左28頁副本去屋企，仲有份支出表同問卷。而今日破產 ...

個份所謂26頁你最好花少少時間係屋企填左先, 最多上到永聯, 填得唔岩既地方佢心水佢會教你點填好D. 你地會成份野由頭到尾睇一次, 所以你唔填定個大概, 隨時搞你超過一粒鐘先落得樓

支出表都係自己填左先, 上去佢會幫你執下. 至於邊份文件係邊個編號我就唔記得了

WingBabe

nothingmore 發表於 23-10-2025 19:08
直接外判就唔係殺手，開大會就係指定兩大殺手...

兩個受託人代表直接外判左，好大機會開大會搵殺手。。。咁你哩句代表咩

WingBabe

Reborn818 發表於 23-10-2025 19:09
都直接外判咗仲開乜差嘢債權人大會？
上面嗰位新同學，又係嗰條廢柴T先生嘅分身，因為佢之前個Account又 ...

師兄，想問下你好似都係直接外判？當日你係咪上完庭頒左正令，直接聯絡主任問係跟邊間外判，定係等主任寄信俾你架？因為我之前已經收到信係直接外判左，聽日會上庭頒正令

Reborn818

WingBabe 發表於 27-10-2025 11:42
師兄，想問下你好似都係直接外判？當日你係咪上完庭頒左正令，直接聯絡主任問係跟邊間外判，定係等主任寄 ...

頒令後一般幾日到十日左右，會再有信寄俾你聽話俾知跟邊個。
我係直接外判，我頒令個日有打俾主任，問佢開銀行戶口事宜，因為當時有幾個Offer，我未決定簽邊間，所以未有僱傭合約，主任話過幾日就會有信，通知道跟邊個之後直接攞僱傭合約叫佢開俾你就得。
但佢所謂嘅好快，都等咗成個禮拜定唔知10日，如果你頒令後一個禮拜都收唔到信，咪打電話去問吓佢囉。