破產新丁疑難

Chiu · 发表于 7-3-2014 17:24:20

各位破產界嘅朋友，你們好!小弟剛剛加入咗破產大軍，已排期，準備下个月上庭。我喺一間叫盈X按揭咨詢中心度搞，係中介，連庭費收成四萬，俾咗首期12000，之後供2800，分十期，後來知道出面好多都係萬幾蚊搞掂，知道做咗水魚。依家想請教吓各位師兄師姐，小弟除咗任由佢宰割之外，仲有冇其他辦法?例如換委托人?…懇請各位解答。

Heihei · 发表于 8-3-2014 14:33:10

本帖最後由 Heihei 於 8-3-2014 14:37 編輯

Chiu 發表於 8-3-2014 12:45
咁應該點處理?

如果我係你我會斷供，當你入咗紙就唔好可以還錢比任何人，係犯法的。當然破署或受託人一定唔批你呢條數。你已家唔供款比佢地佢地除咗做d犯法嘢又真係咩都做唔到喎。你上庭你洗唔洗自己上？點解揾6c都係萬幾？你又願意40000揾唔專業嘅人去搞？佢一定會同你講佢地好有經驗，但點解咁有經驗而唔知一個破產嘅人入咗紙之後唔可以還錢比其他人？你可以睇下我嘅舊文，我上庭時法官都用咗超過半小時講以往有好多人用顧問搞破產，顧問公司無幫破產人士遞交年報，令破產年期延長。你已家都係比咗12000，同佢地講數完咗件事。

neelds2003 · 发表于 7-3-2014 22:10:39

我覺得呢....第一你應該同佢地簽哂文件無得講...除非你有証明佢地呃你(講証據)唔係就真係硬食...等於我之前係呢度講我個時問第一間佢就係好似你呢間咁話幫我攪又係兩三皮幫我借埋錢分期還比佢地等等...我緊係問多幾間點知大約萬三 ~ 四攪掂...自己諗諗你個間係咪律師個D(如果係我個時同我老婆講佢話律師係唔可以幫你做埋借錢的(犯法),又或是個時你問完佢地意見後佢地有無恐嚇成份(比如話唔理你你打黎問得就一定要你硬食)?

Heihei · 发表于 7-3-2014 23:55:28

嘩，四萬佢都真係好好賺.......我自己做連堂費都係10000左右.....但係你破左產仲可以分期比 $ 佢地咩???? 其實呢個問題幾有趣.....如果你唔比尾數佢佢係唔係吹你唔漲呢? 因為你已破產佢係唔可以追你數。{:6_335:}

EWB · 发表于 8-3-2014 00:03:02

要 $40000?? 唔係呱....:L:L 其實, 你都比左冇錢先要破產, 仲要比 $40000?? 有 $40000都用來還債啦~~~
咁佢既$40000 包你咩??? 包唔包你未來4年內要跟既野??? 包唔包幫你做埋解破文件呀??

hkstyle28 · 发表于 8-3-2014 00:55:01

你4萬都肯比, 其實你總負債係幾多??

清風 · 发表于 8-3-2014 09:50:45

咨詢下其他律師，睇下點樣申請取消破產排期先，了解清楚，如果可行，先同佢講數，供條毛比佢，同佢傾下，比多幾千佢，睇佢制唔制，就算轉過其他律師，比多皮幾，都未洗4皮咁多，唔制就算，唔好益佢，豬唔緊要，最緊要豬完唔好再豬

masaki · 发表于 8-3-2014 11:29:06

樓主你係咪上去做2按,3按果D~~ 所以最後俾人氹左做破產呀 ??

Chiu · 发表于 8-3-2014 11:42:38

masaki 發表於 8-3-2014 11:29
樓主你係咪上去做2按,3按果D~~ 所以最後俾人氹左做破產呀 ??

本人冇做任何按揭。

Chiu · 发表于 8-3-2014 11:46:52

EWB 發表於 8-3-2014 00:03
要 $40000?? 唔係呱.... 其實, 你都比左冇錢先要破產, 仲要比 $40000?? 有 $40000都用來還債啦~~~ ...

佢哋話全程都会跟進。

Chiu · 发表于 8-3-2014 12:07:39

各位破產界嘅朋友，你哋好!小弟嘅債權人係城市銀行，小眾，易借易還，XX活絡通。請問各位有冇試過喺入咗紙，做哂fax嘅情況底下俾呢幾間追數?又甚至走上門?小弟依家就俾活絡通追，應該點應對?頒咗令的話仲会唔会追?懇請各位解答。

Heihei · 发表于 8-3-2014 12:34:15

Chiu 發表於 8-3-2014 11:46
佢哋話全程都会跟進。

佢話全程會跟？唔跟咁點？到時批咗生活費無多余錢供比佢地會點？你又會唔會填呢條數落張form到呢？

Chiu · 发表于 8-3-2014 12:45:20

Heihei 發表於 8-3-2014 12:34
佢話全程會跟？唔跟咁點？到時批咗生活費無多余錢供比佢地會點？你又會唔會填呢條數落張form到呢？ ...

咁應該點處理?

EWB · 发表于 8-3-2014 13:25:19

Heihei 發表於 8-3-2014 12:34
佢話全程會跟？唔跟咁點？到時批咗生活費無多余錢供比佢地會點？你又會唔會填呢條數落張form到呢？ ...

填得落 form 唔係等如唔洗還咩？

另外，唔係破產左就唔可以再還錢比人咩？

Heihei · 发表于 8-3-2014 14:34:30

本帖最後由 Heihei 於 8-3-2014 14:39 編輯

EWB 發表於 8-3-2014 13:25
填得落 form 唔係等如唔洗還咩？

另外，唔係破產左就唔可以再還錢比人咩？ ...

係呀，破咗產只可以還錢比破產。我同你都知，唔知點解顧問唔知？

Chiu · 发表于 8-3-2014 15:23:30

Heihei 發表於 8-3-2014 14:33
如果我係你我會斷供，當你入咗紙就唔好可以還錢比任何人，係犯法的。當然破署或受託人一定唔批你呢條數。 ...

我真係唔識，我只係諗住有中介搞方便啲，加上自己唔想俾人知，所以冇同人討論過呢个問題，亦冇諗過价錢会差咁遠，真係unlucky，but anyway,好多謝你哋嘅意見。

Chiu · 发表于 8-3-2014 15:23:42

Heihei 發表於 8-3-2014 14:33
如果我係你我會斷供，當你入咗紙就唔好可以還錢比任何人，係犯法的。當然破署或受託人一定唔批你呢條數。 ...

我真係唔識，我只係諗住有中介搞方便啲，加上自己唔想俾人知，所以冇同人討論過呢个問題，亦冇諗過价錢会差咁遠，真係unlucky，but anyway,好多謝你哋嘅意見。

Chiu · 发表于 8-3-2014 15:42:43

其實如果我依家揾律師搞，係咪又要重新排期?之後年報係咪要自己填?

Heihei · 发表于 8-3-2014 15:49:20

Chiu 發表於 8-3-2014 15:23
我真係唔識，我只係諗住有中介搞方便啲，加上自己唔想俾人知，所以冇同人討論過呢个問題，亦冇諗過价錢会 ...

所以得閒上黎來D，睇下舊文係真係好有忙助，我係因為無錢比6C我先自己搞。錢無左都算最怕係犯左法自己唔知，所以你可以打去同佢地講無錢再供。我地都係過來人無人想話比全世界知我破左產的，所以有咩問題都可以入黎問下大家交流意見。

Heihei · 发表于 8-3-2014 15:51:49

Chiu 發表於 8-3-2014 15:42
其實如果我依家揾律師搞，係咪又要重新排期?之後年報係咪要自己填?

有D6C有免費知詢的，你可能問下你個CASE係咁佢地有咩意見。

		自动登录	找回密码
密码			註冊

破產新丁疑難

相关帖子

浏览过的版块