想問我個CASE做唔做到DRP/IDRP

jacksonpun

想請教我的個案做唔做到DRP/IDRP?

月入平均約3萬1, 未扣MPF (頭2個月, 27000/月, 每第3個月, 出多12000, 即39,000)
我欠債如下:-
渣X : 2張信用卡, 內含信用卡分期, 總數約250K
恆X : 2張信用卡, 內含信用卡分期, 總數約127K
星X : P.LOAN, 分48期, 還左17期, 總數約326K
Aexn : 1張信用卡分期, 分24期, 還左12期, 總數約10K
大X : 1張信用卡, 總數5K

剛新做的信用卡分期:
中X : 分48期, 總數45K
星X : 分36期, 總數35K

總欠債: 約800K, 月薪26倍 (其餘有D每月信用卡AUTO PAY, 約2K/月, 月月清)
我大X, 同Aexn可以自己還到, 但都係細數, 大數果D仲有冇得做DRP??

我有諗過自己做DRP/IDRP, 但又怕失敗左, 銀行要我即刻還錢, 但又真係唔想搞破產
我可以做到每月還13K, 分6年以上還, 唔知成功率高唔高

admin

找中介呀！你聽中介就包你死多幾成！

jacksonpun

admin 發表於 27-6-2016 20:31
找中介呀！你聽中介就包你死多幾成！

唔係呀, 我想搵正經的, 知道有好多中介呃人, 所以想搵律師行
同埋, 我明係可以自己做, 我有爬文, 但你地的例子全部都係HSXC
你見我D數都冇獅子銀行, 怕自己有野做得唔好/做錯會搞到一獲粥

jacksonpun

先更新一下我的情況, 星期六日心緒不寧, 坐立不安, 睇晒呢度的個案, 加係出面睇到的資料, 成功做idrp都係獅子銀行, 我d數偏偏無獅子
我本意希望係做idrp, 對家我對一個, 其他由牽頭果間銀行搞, 想自己搵銀行做idrp, 又怕行錯左一步, 搞到我個情況越整越衰

參考左其中網友的情況, 終於琴日鼓起勇氣搵3姓律師免費咨詢我的情況
我可以講, 佢地做野係要穩陣, 你邊d數有機會唔得, 有咩情況唔得會直接同我講

好似我新做的分期, 佢地一睇已經講有問題, 太新, 中x佔我總債務少, 其實係唔得, 但可以唔使理, 75%債權人同意問題
而星x有機會因為我條新數, 未必肯同我做drp, 而佢佔我總債務最多

於是佢建議都係由恆x做idrp, 佢會咁樣幫我處理我的個案
跟住我再請教佢, 我其他銀行做唔到idrp? 星x先係我最大債權人
佢話唔係間間銀行有idrp, 我d數黎講, 得大x 同 恆x 先有 idrp (呢點真係希望分享出黎俾人, 好多人包括我都有呢個疑問), 咁我的個案就應該由恆x做

之後我同佢傾d新數, 佢叫我處理星x條新數, 少樣障礙, 批都易批d

同佢傾完, 坦白講, 唔可以話無用, 只可以講佢地好穩陣, 佢叫我清星x新數, 要仲有現錢的人先可以做
對於一d走投無路的人, 你上去佢真係幫唔到你, 因為會同你講呢樣唔得, 果樣唔得, 可能自己問銀行博一博會好d

事實上我都唔夠錢做, 最後都係要同屋企人講我出左問題, 當然令佢地好難過啦, 我好唔安落......
已經幫過我一次了, 但以前衰左果一次, 數太大, 唔敢同佢地講咁多, 只請佢地幫部分, 自己數冚數以為可以慢慢處理
但呢個方法係超錯...... 所以我想留呢件事係度做紀錄, 提醒自己, 提醒後來的人
真係要正確解決問題, 拖落去只會越整越衰

屋企人肯幫我處理星x, 甚至中x新數, 佢地想幫我清左先, 其餘會請律師留番做idrp, 即係3間銀行(星x, 渣x, 恆x)
現在先清理大x, aexn數, 等星x, 中x確認我申請提早清還後, 再清左呢2條, 之後再請律師幫我搞

比起律師同自己搵銀行傾, 我選擇俾錢律師做, 我信佢地應該識得點樣砌我個情況俾銀行易批d, 始終恆x出名怕死....怕佢地認為我個案風險太大, 唔肯做

我之後會再更新我的情況, 希望恆x肯幫我搞idrp, 其他2間銀行同意......

Howard1995

我四月前做idrp獅子話要最小欠4間，同另請律師自己攪,

jacksonpun

Howard1995 發表於 1-7-2016 10:42
我四月前做idrp獅子話要最小欠4間，同另請律師自己攪,

多謝回覆
我打算清中X數時問過律師助手, 話我清完數會少左間, 佢話3間都可以叫恆X幫我做IDRP
我諗應該得掛, 佢唔會亂答我呀.....

另外我都有睇過你case,  你應該係自己搵獅子做idrp, 你有請律師搞?? 唔係好明, 請指教

Howard1995

我打錯字是不要請律師，律師只不過將銀行講的重覆一次

重新戰士

Howard1995 發表於 15-7-2016 09:28
我打錯字是不要請律師，律師只不過將銀行講的重覆一次

你係銀行到做家係律師事務所工作?咁清楚既??

重新戰士

jacksonpun 發表於 1-7-2016 10:46
多謝回覆
我打算清中X數時問過律師助手, 話我清完數會少左間, 佢話3間都可以叫恆X幫我做IDRP
我諗應該得掛 ...

你呢個情況，只會可以接受60-70期還款！
如果多過呢個期數你都找唔曬，即係可以睇到 DRP 唔會成功！
一後情況下 DRP / IDRP 都會有 D 利息。
月息為 0.3%-0.8%。
咁你自己加一下現在欠款再加上利息，你60期之內可唔可以完成還款。
我個人建議自己有返咁上下時間去自己搞咪自己 IDRP 囉！
冇時間就搵律師啦！
我之前已經提過，律師同你自己既申請比較 DRP 成功率一定高於 IDRP。
當然: 如果有人認為律師只係傳遞銀行信息，呢個屬於個別人仕睇法。
最後:自己所點行，希望樓主唔會比其他(包括我建議左右)我既意見唔係提供參考性資料！

Howard1995

重新戰士 發表於 16-7-2016 10:57
你係銀行到做家係律師事務所工作?咁清楚既??

因我曾透過律師行做iva，後再經獅子做idrp

jacksonpun

過左呢兩個星期, 我的事有了新方向處理
先多謝 重新戰士 同 Howard1995 的回覆
而我最後沒有做任何DRP/IDRP

因為家人避免我做完DRP/IDRP的債會再加多二, 三十萬息, 太不化算, 還都有排還
所以當我想找6C落實做DRP/IDRP前, 家人找了親戚借了三十萬, 還左我信用卡的大部分數
條件是所有信用卡全CUT, 等我先好好清還欠銀行的餘數, 再還番錢俾親戚同家人

現在要日日計息的債減輕了不少, 也可避免做DRP

多謝家人的幫忙, 我也決定在這留下紀錄, 我以後會回來看看這紀錄, 唔好再行差踏錯
再次勸大家, 有事一定要早解決, 最好同家人傾, 唔好再拖拖拖......之後變雪球就好麻煩 (對做敏感行業的我, 破產就冇得翻身)

其他要做DRP/IDRP的朋友, 希望上面我的分享可以幫到你地

如果做IDRP/DRP的, 我認為自己做前搵6C幫你分析下的確冇壊, 多個意見聽下, 再決定搵6C定自己做
沒有獅子數的朋友, 也好好考慮應唔應該自己搵銀行做IDRP, 唔係間間都有IDRP, 而且呢度冇其他銀行成功IDRP的例子

無論大家有冇破, 有冇DRP都好, 希望大家都有重新的一日 (包括我), 共勉之

301

jacksonpun 發表於 18-7-2016 14:23
過左呢兩個星期, 我的事有了新方向處理
先多謝 重新戰士 同 Howard1995 的回覆
而我最後沒有做任何DRP/IDRP ...

:lol
多謝樓主之分享,
祝 前程錦繡.

Howard1995

楼主不要再走回頭路，最緊要身体健康，得閒上來分享近况

jacksonpun

大家咁話, 大家都要順利過渡, 重新做人