都唔知點算~

兒戲 · 发表于 7-7-2009 23:59:18

唉3個月啦.....d數拖左3個月4間都去左追數到.....
唉想做個破產又唔夠錢.....(3個月先儲左2千幾..屋企人d錢都捭我洗晒差唔多..老豆上排腎又有事係咁睇e西..要自己顧自己...e家差人8萬到)
....4間都有搵追數....花奇上門送信1次就在上來..1日3,4十個電話...屋企人係咁煩煩煩.....唉..
真係想番大陸避下......
我想問破產之前係咪一定要比8650同1045咁多錢?

gpo4074 · 发表于 8-7-2009 00:04:29

如果你自行搞破產,大約10-11k左右.仲要係比晒錢才可以正式開始申請程序.

返去大陸避吓都無坊,不過你d屋企人會仲煩!你第日返到來香港仲入吾入到門口?

兒戲 · 发表于 8-7-2009 00:28:32

原帖由 gpo4074 於 2009-7-8 00:04 發表
如果你自行搞破產,大約10-11k左右.仲要係比晒錢才可以正式開始申請程序.

返去大陸避吓都無坊,不過你d屋企人會仲煩!你第日返到來香港仲入吾入到門口? ...

我老豆係屋企,屋企安全方面我就唔驚啦..但最衰老豆又要番工成日得我細佬係到佢仲係13歲唔想嚇親佢.,佢2個月上左來一次捭左張信我細佬帶左4個人上來....但冇做咩野
之後我打番捭佢地叫佢地再來過啦我係樓下等佢地...之後唔夠膽再打來...岩岩今日佢呢邊又打來追但我冇聽到
我街童一名打死撚就.....唔番大陸最多下次佢來[admin刪]...唉

好煩e家

[admin:唔好意思。最後個句我真係要 cut 左佢。]

老柴 · 发表于 8-7-2009 00:30:08

煩都無用，無錢無得搞:kiss:

gpo4074 · 发表于 8-7-2009 00:32:09

如果你返大陸著草兼等候法庭頒令,先決條件係你有無錢搞破產?

如果你有錢,就趁暑假期間帶埋你細佬北上.

eggegg0109 · 发表于 8-7-2009 00:36:53

呢位兄弟,我諗你都唔駛咁衝動既...就算你真係打死人坐完出黎條數咪又係仲係到...於事無補唧...
如果真係攪唔掂..咪破左佢囉...避解決唔到既...一陣煩到屋企人咪仲衰...
不過其實8萬幾真係好似唔係好多..應該搵份正職+part time都可以好快還完丫..而且就算你真係要破都要錢啦..始終你都係要去搵錢丫..

兒戲 · 发表于 8-7-2009 00:45:22

原帖由 eggegg0109 於 2009-7-8 00:36 發表
呢位兄弟,我諗你都唔駛咁衝動既...就算你真係打死人坐完出黎條數咪又係仲係到...於事無補唧...
如果真係攪唔掂..咪破左佢囉...避解決唔到既...一陣煩到屋企人咪仲衰...
不過其實8萬幾真係好似唔係好多..應該搵份正職 ...

正職9千之前1個月有做夜晚折車果時1個月都9千加折車6千到...但差阿叔錢3個月捭佢呢條數走唔到...捭左2個月e家仲差7千....呢個月出糧捭埋要下個月先有錢多出來洗.....唉

兒戲 · 发表于 8-7-2009 01:00:30

我想問下我同追數佬傾果陣佢地有冇'綠'音?
佢上左來1次我打番捭佢地..係咁叫佢地上來又唔上....
X輝顧問.....好一間追數公司....岩岩10點半仲打來.冇聽留言話..."唔係要我入到來乙明同你傾數呀"...真係好撚怕佢呀點算
好似上次咁帶4條友上來呀笨....
訓啦各位
希望聽日好既開始啦大家~~~

[admin:唔好出徵全名。]

301 · 发表于 8-7-2009 14:08:37

轉貼舊Post..

有乜依郁就報警,

並剪存以下備用投訴,

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

有關放債人的投訴
可向以下部門提出投訴：

香港警務處牌照課放債人牌照組
地址:	香港灣仔軍器廠街1號警察總部警政大樓12樓
電話:	(852) 2860 3574
傳真:	(852) 2200 4514

公司註冊處放債人註冊小組
地址:	香港金鐘道66號金鐘道政府合署14樓
電話:	(852) 2867 2634
傳真:	(852) 2526 9495

關於不當追收債款活動方面的投訴，請到就近警署作出舉報。

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
其他財務機構
《銀行業條例》(第155章) 所指的認可機構(包括銀行、有限制牌照銀行及接受存款公司)是受香港金融管理局監管。

查詢
如欲查詢申請放債人牌照及有關的註冊事宜，請聯絡公司註冊處放債人註冊小組：

電話:	(852) 2867 2634
傳真:	(852) 2526 9495

http://www.cr.gov.hk/tc/public/moneylender.htm

http://www.hkiva.org/viewthread.php?tid=1531&extra=page%3D1

....................................................................................................................................................
舊Post..

應該好多財仔得閒上網也有看本網,
財仔你聽住,
無聊又無得益既滋擾,
祇有令破產管理處列你入"黑名單",
到四年後有錢派都唔到你,知味!

bb_q_888 · 发表于 8-7-2009 21:48:28

你到底一個月有幾錢收入?有幾支出?

你儲極都係得$2000?

咁你之前點生活?

我睇你講咁耐,你係無錢破產....比收數煩.

你想我地點幫你? (聲援?)

你不如同阿叔相糧...你攪左破產先,好過而家咁唔上唔落,

你亞爸有病...你唔好攪到佢咁擔心,腎又有事可大可小.

你都大個...唔係細路,諗d行得通辦法,打人又有咩用?

一怒殺龍手 · 发表于 8-7-2009 22:30:43

原帖由兒戲於 2009-7-8 00:28 發表

我老豆係屋企,屋企安全方面我就唔驚啦..但最衰老豆又要番工成日得我細佬係到佢仲係13歲唔想嚇親佢.,佢2個月上左來一次捭左張信我細佬帶左4個人上來....但冇做咩野
之後我打番捭佢地叫佢地再來過啦我係樓下等佢地.. ...

做得好喎  有種咪黎囉

唔好怕D柒X 佢地得把死人聲  最叻就係打電黎或者響電話留言爆下粗咁

所謂叻D咪以為有幾個人好勁上黎你屋企大聲嘈下你嘈住你隔離左右貼下大字報咁

不過佢地全部都係智障既  每次你問佢幫邊間追佢地都話唔關你事欠債還錢天公地道等等既說話

我都小過佢地唔關我事黎搵我做乜? 同呢種智障唔需要多講  不停引佢跌落你既陷井啦

好好玩架  記得唔好咁快吹雞  等你報左警差人抄晒佢地身份證之後響樓下一個都唔好比佢地走

唔駛開佢地拖既千祇唔好打佢地  圍下佢地唔比佢地走不停小X佢地

到果時你會見到所謂收數既真面目  同佢上黎果時判若兩人  無論有幾多人上黎你都會見到佢地既騰雞樣

到果時佢地會成個月都唔敢上黎  當然電話英雄唔會唔打比你啦

假如你真係無錢搞破產唯有用呢個方法只要唔係黑財大都唔敢點亂黎

到佢地試得幾次就會掉返條數比銀行唔追架啦只要你夠硬爭得閒打開度門磨下刀揮下棍

如果係黑財咁你就吹定雞見一個搞一個唔好手軟隨時準備硬拼囉  無乜好驚

響你地方你都驚過佢的話去到邊你都死梗  你做得好好  無錢還之嘛駛死咩死收數佬講惡你地未夠班

[ 本帖最後由一怒殺龍手於 2009-7-8 22:38 編輯 ]

pppw · 发表于 8-7-2009 23:22:24

收數佬用咩方法收數
我就唔知
但係今時唔同往日
佢地都有好多制肘架

所以樓上龍哥講既方法
都應該 work 既

兒戲 · 发表于 9-7-2009 00:00:51

原帖由 一怒殺龍手 於 2009-7-8 22:30 發表

做得好喎  有種咪黎囉

唔好怕D柒X 佢地得把死人聲  最叻就係打電黎或者響電話留言爆下粗咁

所謂叻D咪以為有幾個人好勁上黎你屋企大聲嘈下你嘈住你隔離左右貼下大字報咁

不過佢地全部都係智障既  每次你 ...

同路人...哈哈我冇咁多心機呀....恆身搵左個洛小姐來收數今日...我番左工我老豆對女仔好dd...
佢咪捭左張信屋企就走左.....之後電話同我講搵人搞大佢.......好7驚呀小姐.....
星期6我放假呀開住大門等你地......
我會幫佢地大大聲咁講你地有邊個唔識張xx呀我差人錢冇錢還呀搞到捭人追上門.....(再冇面d野自己都做過啦唔差再.....)
我14歲出來玩....9唔信你入到來吵既話仲可以好地地出到去....
因為我fd之前差卡數同貸款15k到.....衰左入去2年幾...出番來3年呢3年都冇人上過門最多有d信同電話....

兒戲 · 发表于 9-7-2009 00:31:01

原帖由 bb_q_888 於 2009-7-8 21:48 發表
你到底一個月有幾錢收入?有幾支出?

你儲極都係得$2000?

咁你之前點生活?

我睇你講咁耐,你係無錢破產....比收數煩.

你想我地點幫你? (聲援?)

你不如同阿叔相糧...你攪左破產先,好過而家咁唔上唔落,

你亞爸有病. ...

我e家20歲啦...之前賭晒d錢真真正正還左1年多錢應該有12萬到...但上排4個月之前又賭2場波又輸左1萬問題就係咁來啦....
問下你地意見姐有咩話幫唔幫.....
我一到10歲大伯帶大....10歲到17歲來香港屋企人覺得對我唔住我咁對我唔多會出聲...14歲開始出來玩同做野.....
17歲我玩到冇野玩叫屋企人捭我去法國讀書.....識人搞居留又過左去....17歲就去左果邊..機票果陣半年2萬到..捭左十幾萬1學期錢上左十日到..唔上堂走番出來....
做左4個月野搵番2萬幾自己又番左來香港.....係咪好似講故呢?
人生有幾多個十年我就咁白過左2個啦
你知唔知細細個冇捭人重視關愛係咩野感覺???

到而家我咩野都知道晒..我唔會再拎呢個家d錢..我自己錯左冇錢破產咪一樣累到屋企.....係最多同屋企講番聲....對不起.....

[ 本帖最後由兒戲於 2009-7-9 00:32 編輯 ]

一怒殺龍手 · 发表于 9-7-2009 00:31:16

原帖由兒戲於 2009-7-9 00:00 發表

同路人...哈哈我冇咁多心機呀....恆身搵左個洛小姐來收數今日...我番左工我老豆對女仔好dd...
佢咪捭左張信屋企就走左.....之後電話同我講搵人搞大佢.......好7驚呀小姐.....
星期6我放假呀開住大門等你地......
我 ...

係呀我地真係好驚呀驚你地搞得唔夠大囉死收數佬得把死人口

有種就搞大佢  搞得大搵記者上黎影相同記者去區議員度  先再去報警

唔好怕麻煩  同班仆街玩要好有耐性  先從正途搞佢地班狗主先要金管局插手

記者同區議員會教你點做架啦等班收數賤狗上到黎用DV拍得班PK個樣

你DV一出佢地多數走都走唔切  記得一定要挑釁佢地唔好咁快吹雞

佢地得把死人聲最叻就係把聲專恰女人老弱不過一圍班PK 即時粒水

係上黎果下以為自己大晒唔知以為佢先係陀地  不過好快收皮得啖笑

佢之後再打黎我仲叫佢記得帶多D人黎唔係我唔驚唔驚邊度有錢還比你地

玩得兩個月我都有錢去老破囉  一出收數擺明唔還寧為玉碎不作瓦存

有都唔還出收數兇我地傻傻地

[ 本帖最後由一怒殺龍手於 2009-7-9 00:33 編輯 ]

一怒殺龍手 · 发表于 9-7-2009 00:44:16

原帖由兒戲於 2009-7-9 00:31 發表

我e家20歲啦...之前賭晒d錢真真正正還左1年多錢應該有12萬到...但上排4個月之前又賭2場波又輸左1萬問題就係咁來啦....
問下你地意見姐有咩話幫唔幫.....
我一到10歲大伯帶大....10歲到17歲來香港屋企人覺得對我唔住 ...

說話分開黎講  破唔破產會唔會累到人唔重要

重要既係你知道自己點解會搞成咁  唔好重滔覆轍

聽你咁講以我既愚見覺得你當前唔係要破產先係要戒賭先....

從細無比人重視可能果種感覺非筆墨所能形容  不過得罪講句

更多既理由都只係一個令自己安心既籍口啫  你先20歲前面重有大把路要行

人生又點會剩係荊棘滿途呢  未來全係未知之數  係睇你點行落去啫

gamester · 发表于 9-7-2009 01:05:22

欠幾萬蚊債就搞老破?好似濫用左D噃.

zbridgehead · 发表于 9-7-2009 01:27:44

龍哥：今晚咁有雅興寫咁多！收數佬有乜好驚，有好多傻仔成日驚收數攪而走去破產，本末倒置！

兒戲哥：你得二十歲，人生才剛開始，點會白過二十年呢！睇得多電影，無論叻人或壞人，死之前最放唔低就係屋企人，你年紀越大，的(親情) 就會慢慢滲出來架啦！後生仔有邊個唔係想搬出去住架！你老左時就會好珍惜同家人相處的時間，日子！

admin · 发表于 9-7-2009 01:30:21

我個人好讚成龍哥同頭哥的意見。樓主請再三考慮同認清問題所在。個人認為破產同你的真正問題所在的關係並不太大。

一怒殺龍手 · 发表于 9-7-2009 01:52:24

無乜原因寫咁多  因為我太僧收數佬

日煩夜煩都算啦  上到黎仲惡過我

我仲以為佢地有幾勁  原來廢柴兩件

幾呼跪地道歉先走咁你話對呢種得把口既廢物

有乜好驚  每次我睇到D人話點驚點驚都覺得好無奈

當你知道佢地廢地呢個地步擔心其實係多餘

		自动登录	找回密码
密码			註冊

都唔知點算~

回復 #7 兒戲的帖子

本帖子中包含更多资源

回復 #8 兒戲的帖子

评分

评分

都唔知點算~

回復 #7 兒戲 的帖子

本帖子中包含更多资源

回復 #8 兒戲 的帖子

评分

评分

回復 #7 兒戲的帖子

回復 #8 兒戲的帖子