IDRP 紀錄

Dcp123

各位好，小弟出身基層，一直希望投機致富，但因無紀律，心雄，貪勝不知輸，越玩越大，以致負債累累。希望立帖為證，一方面紀錄自己申請IDRP過程，一方面誠實對面自己，希望引以為戒。另外，因為不想家人擔心，希望可以靠自己面對，所以希望在此有一宣洩途徑，找到同路人的支持。

目前外債如下：

卡數
Cxb 36
Mxx 28 (不在名單，須自行聯絡處理）
dxs 29
Cxti 25
大貓 25
西亞 15
HS 12
AE 12
小新 10

分期貸款
大貓 69
WeL 15 (不在名單，須自行聯絡處理）

TU Report F 總數約2.8M

月入約11，鐵飯碗

13.1.2025 致電大貓債務重組部申請IDRP，有前線作初步登記，會問大致欠債，每月支出等。已告知有兩間不在IDRP名單，須自行聯絡商議。

17.1.2025 收到信貨重組部電話確認接到申請，一周內會再回覆須要提交的文件。

有幾點希望有前人可以指點一下：

1. 以小弟情況，申請成功的機會大嗎？我應該爭取怎樣的期數和月平息會比較合理和大機會成功？

2. 以大家的經驗，由提出申請，到交齊文件，簽約，開始第一期還款，每個環節大概需時多久？

3.. 因為近年關，家中有一定支出，想請問如果提出申請後有否說到哪一個時間點開始可以要求暫緩還款？

4. 關於對數，每間銀行的欠款總數一般時截至何時？如果信用卡一類還款在申請期間真的暫時還不了min pay會否在對數時越滾越大？

會持續更新，希望日後亦都幫到有需要嘅同學仔。










補充內容 (22-1-2025 14:33):
22.1.2025 收到電話電郵要求交文件

補充內容 (5-2-2025 17:52):
24.1.2024 自己打上去問幾時有後上去辦手續，約咗年後5/2

補充內容 (5-2-2025 17:58):
5.2.2024 上了大貓中心核對已提交文件，就住有疑問的出入數提供聲明，職員算幫得手，其他不用簽名的文件都後都可email後補。預計應該一周內開始出信俾其他銀行，最理想2月底有初步結果

binolam123

唔好意思 我想睇問清楚啲 月入11 ? 人工既20倍(2.8M) ,定係280K

補充內容 (18-1-2025 22:54):
200倍（2.8M）

binolam123

同學仔，
你1.13申請，17交文件，批改文件差唔多要兩個星期，跟住債權人大會投票兩個星期，先預2月尾批，因為又近新年假期
我計過數11K,欠債係280K,人工既28倍，但鐵飯碗有加分
同埋最大債權人係大貓，批既成功率幾高，但交文件果到要交齊佢要既文件，我第一次交都要後補，約上去再講解文件有無需要補充同埋解釋
成個文件期都用左2個星期直到話齊文件，還款計劃就係你心中條數想分幾年，而你又可以afford到
我果陣心目中就預左5年期，8厘，一個月還到14K左右就係目標，最終做到50幾期，7厘，一樣係14K交款額
所以好睇你上去見面時要寫幾多，唔係卡住係文件會拖得越遲，我建議係做6-7年，咁你生活費會好好多，同埋唔洗咁重負擔

3. 我諗1月份果期都要還，2月份果期真係還到就還，因為最慘遇著新年，銀行好多職員都放緊假，分分鐘2月中先開始跟返CASE，暫時還款信用卡都會收取LATE CHARGE費用，
如果真係交唔到都要做MIN又或者唔交住俾銀行收LATE CHARGE

4.一般截數期係文件期後上左債權人大會投票批左先會截數，我係大會前都係浮動，如果未批前我還左其他信用卡既數後，其他銀行都會交返資料俾大貓，但有一點係大貓信用卡會交完文件就截咗先
P LOAN係會維持，其他銀行都係維持，直到大會批先正式截數。如果未截前MIN對數時條數會越大，所以對文件時會預大條數，條數唔會可細但可以大，但最終條數係以其他銀行交返去條數作準

Dcp123

多謝師兄咁詳細分析同分享，我都有追你個post，見你成功簽約都登你開心。

Dcp123

請教多樣嘢，簽約時有冇話以後手鬆提早還款要連息一齊計算嗎？定只罰息2-3 percent?

binolam123

呢個係個好deep既問題，我之前都無諗過諗住還哂50期就可以，係簽約一刻佢幫左條實數還款數我睇當係A數先，未計利息，好啦計埋利息就係另一個數當係B先，咁簽約果陣佢就會話每個月還幾多好似p loan咁，假設如果你30期果陣可以還哂，之後期數利息就唔洗還，只算還A既剩額就可以，A既剩額佢會幫佢表你參考

binolam123

我都想努力提早還款，咁樣真係有so，但我個計劃比較短，我問過多數做長，所以生活費會比較少，計過真係要提早還都要起碼2年後，不過又唔洗諗到咁長遠先，先做成功左先，呢個計劃真係利多於弊，我都好後悔咁遲先做，就係怕個息太貴，但係最後計落又唔算差好多，息蝕左就一定但起碼有返生活，唔洗個個月跑山，上年又投資又賭又借錢，好似變左另一個人，我係權衡利弊既選擇，我揀左重新做人，本身想入學但個枷鎖太大而我又唔想影響工作，所以idrp 係幾個既選擇，如果批左真係唔好諗，你280k唔算大，我記得我果個post都有人講如果批左真係要感恩直接去馬，呢家我真係明白

binolam123

過來人分享，我見你差唔多要入文件期，交完文件，職員會再約你上去傾計劃同後補文件，我補充文件都交左好多，同埋傾果時會問得好深入啲問題，我記得我幫我朋友autotoxx 交數（隧道費，我朋友出左事我幫佢交），我都比佢問到一度想放棄，因為真係好似審犯咁，同埋上年申請前銀行啲出入數亂到七彩，基本上都要一一列舉同解釋，如果唔合理要重新解釋，但係諗深一層真係為你好因為大會我地唔會接觸到，一切都係以你呈交上去既文件作決定，可能會因一兩張文件而影響成個結果，所以文件期同職員傾計我都會記低邊啲要解釋同需要咩補充文件，唔係講笑我真係被審到我一度想放棄直接入學

Dcp123

師兄你呢啲真係經驗之談！上去要傾幾次？同埋係咪主要係出糧戶口出入要解釋？咁多張信用卡消費都要解釋嗎？

binolam123

上去傾一次，信用卡消費就唔會點睇，係幾張銀行儲蓄會睇出入，好多數都要解釋，另外出糧戶口我有小小額外津貼都要解釋，我解釋完佢又唔接受，後尾直接報大咗人工

Dcp123

我都覺申請到要感恩！師兄你嘅分享都好有幫助，起碼知道程序係點，個心會定啲。我會盡力交齊文件，之後就交俾個天決定。決定。

Hopeless2024

師兄加油, 同你差唔多進度, 希望大家都過到

Dcp123

24.1.2024 自己打上去問幾時有得上去辦手續，約咗年後5/2

Dcp123

5.2.2024 上了大貓中心核對已提交文件，就住有疑問的出入數提供聲明，職員算幫得手，其他不用簽名的文件都後都可email後補。預計應該一周內開始出信俾其他債權人，最理想2月底有初步結果

Hopeless2024

師兄初步供款條件果到點??
同埋MOX 會點處理  

Dcp123

都差唔多要0.55% 50%入息，師兄呢？
Mox個邊成兩星期都無覆，都係要好似師兄咁要自簽聲明。

Hopeless2024

Dcp123 發表於 8-2-2025 17:54
都差唔多要0.55% 50%入息，師兄呢？
Mox個邊成兩星期都無覆，都係要好似師兄咁要自簽聲明。 ...

要供幾耐?
我要差唔多十年 ...... 都係人工一半左右 息唔記得左好似低少少。

binolam123

同學仔 加油 你應該係280k，2.8M係2球8，如果280k，按你現時做法成數都有6-7成，因為你扣左Mxx同wel條數應該欠237k 人工既23倍，我果陣都係出入數遇到問題，同埋個職員如果要求後補文件我都盡量即時補回，我怕遲交一兩日就會再遲一兩日先有結果

Dcp123

Hopeless2024 發表於 9-2-2025 07:55
要供幾耐?
我要差唔多十年 ...... 都係人工一半左右 息唔記得左好似低少少。 ...

未有詳細plan, 話可能60左右

Dcp123

binolam123 發表於 9-2-2025 22:13
同學仔 加油 你應該係280k，2.8M係2球8，如果280k，按你現時做法成數都有6-7成，因為你扣左Mxx同wel條數應 ...

係呀 都好彩師你哋俾咗意見我，我提前準備咗好多文件