二線有正令仲追

lamlky

咁多位師兄師姐，小弟有小小野想問
我今年新入學，4月1已正式頒令，上個星期左右都已經收到正式令
但有一間二線（百x信用社）唔理照叫收數追，仲揚言騷擾屋企人，搞到我兄弟姊妹工都無得做，小小恐嚇成份
我有上公司註冊處查過，佢地係有放債人牌照
我應該可以點做有無師兄師姐們可以比啲意見小弟
唔該曬！！

補充內容 (5-6-2025 22:52):
同埋報警，牌照科個啲有無用，有無有經驗既師兄師姐可以分享下

thornganbylaven

首先, 你破產入紙申請有無填埋呢間公司先? 第二, 當你有正式令收到後佢地繼續騷擾你, 你有無話佢地知巳正式破產, 又或者fax左破產令比佢地?
如果上述既情況你都巳做過了, 你可以不用太擔心, 其實佢係心理上令到你產生恐懼, 佢地不會上門的, 因為你巳頒令, 你可以隨時報警處理。

lamlky

thornganbylaven 發表於 6-6-2025 09:26
首先, 你破產入紙申請有無填埋呢間公司先? 第二, 當你有正式令收到後佢地繼續騷擾你, 你有無話佢地知巳正式 ...

個陣我報26頁既時候漏咗報呢間，但我之後已經同破產官申報返破產官都接受左跟住話會岀返信比佢地，我已經通知左佢地亦都電郵咗過去，但係佢哋一直都同我講話收唔到文件，一直叫我上佢地公司傾…
佢地應該都係想傾每個月還小小，真心我有錢洗鬼破咩…
岩岩收數既又打黎，應該點做先可以停到…唉

我想問多小小如果我報警應該點同警察講？因為佢地未對我做啲咩我怕警察唔理我…

Reborn818

既然正式頒咗令嚟，而你又有上報的話，接直投訴。
香港警務處牌照課放債人牌照組
地址:        香港灣仔軍器廠街1號警察總部警政大樓12樓
電話:        (852) 2860 3574
傳真:        (852) 2200 4514
公司註冊處放債人註冊辦事處
地址:        香港金鐘道66號金鐘道政府合署13樓
電話:        (852) 2867 2634
電郵:        [email protected]
傳真:        (852) 2530 9001

lamlky

Reborn818 發表於 6-6-2025 11:34
既然正式頒咗令嚟，而你又有上報的話，接直投訴。
香港警務處牌照課放債人牌照組
地址:        香港灣仔軍器廠街1 ...

收到
但係我都仲想問但係佢地會唔會仲激進？
畢竟佢哋係二線我始終有少少怕
（第一次入學好多野唔識，唔該師兄！）

Reborn818

頒左令唔使驚佢啦，分分鐘係收數佬自己搏大霧。有無信寄黎？佢打嚟你有冇錄音？你要投訴要檢舉最好有證據。
其實根本連電話都唔使聽佢啦，將有關電話通通block晒，佢哋唔夠膽做啲咩喎，犯法要成本的。
某間我頒令後兩星期打黎，話破咗都要俾文件佢哋睇，我大大聲話破產署會通知你公司㗎啦，你咪撚再打嚟，之後咪收哂檔。

lamlky

Reborn818 發表於 6-6-2025 13:45
頒左令唔使驚佢啦，分分鐘係收數佬自己搏大霧。有無信寄黎？佢打嚟你有冇錄音？你要投訴要檢舉最好有證據。 ...

收數未有行動，佢地係前日先開始打黎，諗住同佢地講完會算，所以無錄音同未有其他證據。
係我未有證據既前提下我投訴檢舉係咪一般唔受理？
我就係怕我唔聽電話，佢地就轟炸我屋企人，雖然我屋企人知道我破咗，但係都唔想搞到佢哋

Reborn818

甘當然有證據，再去投訴有力得多，甘又唔會唔受理的，只係冇咁大阻嚇力。
咪俾我睇死，多數只係啲二打六害群之馬想搏大霧，睇下R唔R到。屋企人係諮詢人嗎？正式老破佢哋一般唔會玩咁大。如果滋擾你屋企人就正式去差館報案話佢哋滋擾。
佢再打嚟，你就錄佢音，iPhone一撳對方都會知道你錄緊（android 機我唔知），基本上佢一知道你錄音都唔夠膽亂噏嘢。其實就係因為佢知道你驚所以先嚟搞你。（你不停重複話我已經正式破產，文件破產署會直接俾你公司，你唔好再打嚟騷擾我）

lamlky

Reborn818 發表於 6-6-2025 14:37
甘當然有證據，再去投訴有力得多，甘又唔會唔受理的，只係冇咁大阻嚇力。
咪俾我睇死，多數只係啲二打六害 ...

我會試下師兄既做法，唔該曬！
個陣要我填8個人，話搵我唔到就會打電話搵佢地咁樣係咪即係諮詢人？
個收數好大聲架佢仲教我點氹嗰間二線叫我自己同百x信用個邊約返時間上去佢地公司傾返條數點還每個月幾千幾百點都好。。。
話我合作既就吾踢我倉，仲話知道我我屋企人返咩工吾合作到時就搞到佢哋工都無埋。。。
講真，我有錢還都唔會行到呢條路，更何況冇錢，仲要比破產管理處監管緊，如果到時查到我犯法我咪仲死。

Reborn818

似渾水摸魚多囉。
其實真係唔使再聽佢電話㗎啦，嗱嗱聲寫封電郵去牌照報先，如果佢真係滋擾你諮詢人，就直接去差館報警

lamlky

Reborn818 發表於 6-6-2025 16:32
似渾水摸魚多囉。
其實真係唔使再聽佢電話㗎啦，嗱嗱聲寫封電郵去牌照報先，如果佢真係滋擾你諮詢人，就直 ...

牌照部講緊嘅係警察嗰邊定公司註冊處嗰邊？
岩岩收數又打黎又問而家點搞…唉
正式破左都要比收數煩…

Reborn818

警察放債人牌照組，其實佢接到後都係掟返去你嘅環頭。所以你可以直接去差館報警話佢哋滋擾你。
而另外嗰個就係放債人牌照署，你電郵上去啦記住俾埋佢哋嘅交債人號碼，同你破產號碼，嗰邊會直接聯絡債權人，睇吓佢究竟咩料。
佢呢邊答又要權力又會扣分，你睇吓有咩消息反饋者喺主板度再開主題。