我係咪要自己通知反銀行...我已經申破呢?

man3x

我全程都係自己攪..亦已經正式頒令..
尋日交文件時..職員有問我..有無通知反晒比所有銀行..
我話無...

其實我係咪要自己再通知一次銀行咖?
我既欠債係12年前.基本上..無銀行追緊我數...只係房署有追緊..我已經通知左房署..
咁我要唔要再一次通知我有欠既銀行呢?

301

係,
負債人申破後,
係有責任通知債權人,
(更何況係自己搞,非律師代辦)

更早免卻對方不必要之行動,
何樂不為呢 !:o

worldcat

理論上申破時已經要通知所有債權人，因為佢地有權反對你破產同埋頒令後要求開債權人會議。
雖然銀行另有途徑知道你破左產，但都係跟程序通知返好啲。

man3x

我之前無通知銀行的！咁我呢兩日都係通知返佢地先！

flypig

如果你事前上網查找資料﹐應該知道程序。

以前有個論壇叫做 9X 論壇﹐有一個THREAD
專講老破。呢兩個月執左。 :(
個版主自己又整個BLOG﹐亦經常去
yahoo.com.hk 個knowledge 解答問題。
佢唔係律師﹐偶然會錯。不過大致上都ok.

理論上﹐你應該通知所有債權人。
我就用 fax + e-mail. e-mail 其實唔係太 formal.
fax 號碼就係打電話去銀行問。我話我 老破ing,
應 fax 去邊。然後用電腦SCAN 個 封信﹐連埋
有個 老破 chok 個申請書﹐就用電腦 fax 了。