頒令前收到破署信，點樣分辨暫時主任/直接外判跟，佢哋跟有咩分別

Anmi2019

大半年前開過依個post，不過無推一排，推唔噃上嚟。依家收集各位師兄師姐嘅資料，整理後再重開，希望等梗頒令嘅新同學仔，收到信後大概知之後要點做，有心理準備。

A. 暫時主任跟 
1. 約頒令前1至2個星期會收到破署信(只得依封個)，信內會話頒令成功後5天內要聯絡XXX安排會面交文件(有齊XXX地址電話，其實XXX只係代主任收信，上去放低文件，對下個人資料就走得，因主任收到你嘅文件後會再聯絡你。

2. 拎開/解戶信~成功頒令後可即時打信左上面，主任電話預約拎信(有工作先可以開，事前最好問清楚主任要帶咩資料文件。另只可解凍普通銀行戶口，有牙齒印都解到，但綜合理財戶口解唔到，要開個新。每間銀行辦理時間唔同，事前自己問清楚/爬下舊文)，拎信後去破署附近總行開會好d。

3. 債權人大會(要睇債權人決定)~如果破署主任跟噃，一般交文件後好快會聯絡你。相反，將會喺交文件後個零月內收到破署主任電話/信件通知(開大會當日先知邊間外判跟。若當日請唔到假去，記得預早通知主任)

4. 傾生活費(有工作先會傾)
主任跟~收文件後好快會聯絡你上去傾。
外判跟~要等開完大會先知邊個跟，有d外判要等成年後先同你傾。
*** 記得喺收支申報表上(要填交果份文件)，除有單據証明外，其他費用都報多少少，主任跟會批得鬆手過外判，外判實會左減右減。

B. 直接外判(嚟梗4年有咩都係搵佢，破署主任唔會理)
1. 約頒令前1至2個星期收到破署第1封信，話委任兩名私營機構從業員為暫行受託人，無受託人詳細資料。要等到成功頒令後幾日，先會收到破署第2封信，有齊外判公司資料(名，地址，聯絡人電話)，聯絡外判報到先。
同日/遲幾日會收到直接外判公司信，信內會講明會面時需要帶咩証明文件。

2. 拎開/解戶信~會面交文件當日拎(注意事項，同上面A2一樣)。
3. 債權人大會~直接外判咗，唔須要開。
4. 傾生活費~會面交文件當日傾(注意事項，同上面A4一樣)。

補充內容 (19-12-2019 19:29):
所有要填嘅表格，自己印多份留底。之後俾人問，都知自己填過咩。

補充內容 (15-4-2020 04:24):
B. 直接外判會面流程~預1個鐘, 會先睇初步訊問表, 覺得解釋得唔清楚,會俾張白紙你再詳細寫過. 之後睇收支申報表跟手傾埋生活費.

補充內容 (15-4-2020 04:54):
之後睇存款/信用卡記錄(佢封信會講明要俾咩),你要先喺存款支出記錄旁邊書面交代d錢用途.如支出7千,可寫幾多錢還俾邊間銀行,餘下幾多錢生活費用.

補充內容 (15-4-2020 05:26):
由於會面時間緊迫, 無時間俾你更改自己留底果份初步訊問表&收支申報表, 你可以預先私下錄音/外判行開時手機影相, 返到屋企先慢慢改.

補充內容 (4-5-2020 19:28):
仲係唔識分別，可以留意下交文件時佢會俾埋4張年報你，問下佢年報交噃俾邊個，如佢話交俾破署=暫時主任跟，如交噃俾佢=佢就係你位外判喇。

補充內容 (19-5-2020 13:15):
如想睇B.直接外判嘅信，可跳去睇60# ＆ 61#

補充內容 (18-8-2020 23:19):
去下列破署網，輸入自己年份及編號，就會搵到依家負責你宗破產案嘅破署主任名同聯絡電話。
http://www.oro.gov.hk/cgi-bin/oro/search_c.cgi

補充內容 (5-5-2021 15:33):
如果到頒令前約個零兩個星期仲未收到破署信，先去破署網搵依家負責你宗破產案嘅破署主任資料，再電話同佢對吓你個通訊地址有無錯先

補充內容 (24-6-2021 08:36):
如果搵唔到破署主任資料，可以於星期一至五，上午8時30分至下午5時45分，打查詢熱線 2867 2448 問吓。

補充內容 (24-2-2022 05:36):
B. 直接外判: 外判封信內仲有頁成篇英文信叫Letter of Appointment，係經破署出俾外判，信內容都係話破署已交外判管理你嘅破產案。

補充內容 (4-11-2022 13:56):
A2. 拎開/解戶信~至22年起暫時/已跟破署主任, 可經破署網預約申請 https://www.oro.gov.hk/cht/our_s ... ervices/app_ba.html

Anmi2019

另外，喺依個網站嘅第一頁《聯盟論壇》同《聯盟討論區》，喺《聯盟討論區》㩒入去《破產需知》喺旁邊有個下箭咀，㩒入去就有《破產之前》《申請破產》《破產期間》…… 一共12個主題，收錄咗好多之前師兄師姐有用嘅分享。

自己花d時間睇吓，你就會了解多d有關破產須要注意事項。

Anmi2019

重新改過 發表於 19-12-2019 00:17
好詳細多謝晒你呀

睇清楚你收封信屬A定B

Anmi2019

Zeroes 發表於 19-12-2019 19:24
死火囉.. 收到信1月24號開債權人大會外判出去又要煩傾生活費好地地主任跟未好囉 ...

其實好少人4年都主任跟，我自己覺得直接外判最好，咩都1早傾好搞點哂

Anmi2019

欠一百萬 發表於 19-12-2019 23:34
邊到話好少人跟主任
跟主任個D人, 少上來問, 因為無咁多騎呢野.

咁又係，問得仲多都係石仔(黃+石)同小李(李周)，唔知仲以為淨係得依2間外判

Anmi2019

睇過嘅麻煩覆隻字，如果沉咗底低d新同學就睇唔到喇^^

Anmi2019

欠一百萬 發表於 30-12-2019 15:35
覆咩字

你咪覆咗囉

Anmi2019

係時候要推一推

Anmi2019

kktiger 發表於 7-1-2020 11:48
勁呀你，大多問題你都答，哈哈

Tiger 師兄，唔好笑我啦。初入學時好多嘢都唔清楚，如果有人解答到，個人會定好多㗎^^

Anmi2019

kktiger 發表於 7-1-2020 17:15
咁又係，哈哈，講講下月中要比左份雙糧人，下個月交年報啦

算啦，雙糧1年1次，點都好過以前每月還到仆街。
好快又1年，都唔知想時間過得快定慢好@@

Anmi2019

kktiger 發表於 7-1-2020 17:29
我都唔知時間過得快定慢好，生活費都未傾，錢都留唔到~_~

唔好咁大駛啦，交年報前會唔會問佢幾時傾

Anmi2019

kktiger 發表於 7-1-2020 17:52
開資真係好大，前妻加個囡，現任加個女，2個都要補要補呢到都去左6千蚊，阿媽，未計其他，我諗唔會問佢幾 ...

好，尊重你決定，記得保重身體 ^^

Anmi2019

kktiger 發表於 7-1-2020 17:53
係要補習，1個女仲要係我家姐到住，都要比火食

家姐都要用錢嘛，唔通幫你養女咩。阿嫂有無返工，幫輕吓生活費先

Anmi2019

窮到窿 發表於 8-1-2020 08:59
想問下，我做嘢全部收現金，咁我報生活費點寫好呢？

份糧出現金呀，公司有無幫你報稅/mpf?
有，咪照寫幾錢人工，租金，水電煤，飯錢，車錢…… (有關屋企嘅駛費，要除噃有收入嘅人頭)
無，咪報失業(但無得申請銀行戶口)，租金，水電煤，飯錢，車錢…… 都可以照寫。但一般主任/外判都會等你有工作(有收入)，先安排同你傾生活費。

Anmi2019

睇完麻煩留隻字，唔好俾佢沉底呀^^

Anmi2019

Carman1216 發表於 22-1-2020 11:59
記得曾有人問過，入咗學後提早交清上繳最好就乜都唔攪等4年，，，因為提早解除個領個費用都好貴 ...

師姐，你無記錯。

Anmi2019

Anmi2019 發表於 22-1-2020 13:35
師姐，你無記錯。

http://hkiva.org/forum.php?mod=v ... =18331&mobile=2
依個post講過

Anmi2019

準備頒令嘅同學仔，有時間睇吓

Anmi2019

又係時候推噃上嚟，等新同學睇吓，有個心理準備

Anmi2019

欠一百萬 發表於 8-3-2020 15:03
不適用於疫情期間。

開得庭入紙就知幾時頒令，之後d程序，政府幾十年不變啦