填年報

Anmi2019

第一次填可能會覺得煩D, 用D時間慢慢消化吓, 明白咗填過, 下年就會易填啦:lovehkiva.orgss:

1. 其實去破署網頁佢有個指南教你點填 https://www.oro.gov.hk/pdf/cht/pforms/guide_on_completion.pdf , 另有年報#周年收入及取得的財產說明書(破產案)畀你自行下載https://www.oro.gov.hk/pdf/cht/p ... operty_acquired.pdf

2. 年報內說明書期間由?至? ~係寫頒令當日至下年頒令前1日. 如2020年10月10日頒令, 就要寫#2020年10月10日至2021年10月9日(可參考填年報指南). 幾時要交? 一般接受14日內到受託人手 ***最好問吓受託人.

3. 收入來源: 有就照寫, 無就寫無.
I. 如開頭失業之後搵到工/開頭有工返之後失業, 都要喺a(收入)#薪金及工資下面  寫#失業(由頒令日至幾時)/(由幾時至填年報期間當日) 可參考填年報指南.
II. 如有申領#政府現金發放1萬元計劃/#電子消費券5千元計劃/#經由申請得到嘅任何款項...... 申請時實質申請幾多錢, 如實寫去a(收入) 最底果項#從任何其他上文沒有提及……  如受託人要你嘔噃幾多錢畀佢, 就寫去b(支出) 最底果項#其他支出, 請註明下面  寫#退回??計劃~幾多錢.

4. 支出項目: 拎哂有關單據項目嘅單據出嚟先(租,水,電,煤,電話費,阿仔阿女學費單......), 無單據項目(膳食,交通,雜費......) 最後夾吓數先處理.
I. 租金, 差餉, 管理費, 水費, 電費, 煤氣費/石油氣費, 住宅電話費, 流動電話費, 寬頻上網 ~ 各項總額 按全期12個月內單據上個數, 相加後寫上.
II. 家庭膳食, 交通費, 家庭雜項開支~ 各項總額 如受託人有每項批個數, 就直接X12. 如無批, 就按實際數/填#每月收支表個數X12去填.
III. 學費, 學校雜費(書簿費、校服等), 強積金, 公積金, 稅款, 對破產產業作出的供款 ~ 如有相關支出, 就按實際數/單據去填. 如無相關支出, 各項總額寫無.
IV. 其他支出, 請註明 ~ 如受託人有批供養父母/配偶/子女/個人雜費...... 就喺下面 寫1. 供養?? 2. 供養?? 3. ...... 各項總額按受託人批個數, 直接X12.
***如受託人只畀咗個上繳數你, 無批其他項目, 咁所有支出有單跟單填, 無單就按實際數/填#每月收支表個數X12去填. 記得就住份人工去寫(合情合理D), 唔好作到太誇張.

5. 預計支出多過收入(要親戚朋友資助), 其實有兩個填法 ***最好問吓受託人.
I. (參考填年報指南) ~ 先寫哂b, 將b-a(計哂薪金,佣金......??計劃) 多出個數寫去a 最底果項#從任何其他上文……  ??計劃下面, 寫#親人財政資助, 咁樣寫完a-b盈餘就會=0.
II. (我外判教) ~ a b 如實填, a-b盈餘寫 (-幾多) 喺下面空白位置寫由親人XXX代支.

6. 如有盈餘要上繳噃畀受託人(我諗無咩同學會咁填啩)

7. 所有支出單據要問受託人需唔需要同年報一齊提供, 有D要畀埋銀行戶口記錄, 有D只要份年報 ***最好問吓受託人, 如佢話唔需要提供, 相關單據點都保留到畢業先好掉.

8. 年報填好後畀受託人前, 記得影印1份自己留底. 跟邊個記得寄/電郵畀噃邊個, 畀完受託人後, 自己預時間搵受託人確認收到. 佢哋睇完覺得有問題, 就會電話聯絡你, 教你點改噃.

如有任何錯漏, 希望其他同學提出, 以便更正

96年的迷途小子

多謝師姐分享 全靠你呢個post 剛剛填完第一年年報

Anmi2019

覺得有用，就喺第一頁右上角撳#收藏，之後想睇噃，可以喺版面撳#人頭公仔>揀#我的收藏，就會搵到。遲吓過咗30日無人留個言，就會石沉大海，推唔返上嚟

Anmi2019

覺得有用，就喺第一頁右上角撳#收藏，之後想睇噃，可以喺版面撳#人頭公仔>揀#我的收藏，就會搵到。遲吓過咗30日無人留個言，就會石沉大海，推唔返上嚟

Anmi2019

若果之後唔派消費券，會再寫個新版本畀大家參考吓

Anmi2019

覺得有用就喺第一頁撳收藏喇

Anmi2019

tigerkeung 發表於 15-12-2021 02:47
請問銀行月結單、水、電、煤同埋公屋係7仔單（keep唔到咁耐）係咪比副就可以？謝謝 ...

全部單畀副本就得，我電話費上網費經支付寶畀錢，我畀交易記錄無畀單。7仔交租單係感光紙keep唔得耐就用電話影相，好似上噃房署網可以睇噃下載噃。

Keng032003

你好有事相求我係新人11月3號填第一次年報跟主任冇做嘢失業批咗生活費五千蚊咁我應該點樣填唔該曬

kwan0726

前排先收到信 應該跟李周 加上依家等傾生活費

咁如果電頭髮要大概1500洗唔洗填入年報度

因為電頭髮都只是電一次 所以唔知要唔要填入去

kwan0726

頒令前 拎左解凍信 本身正常可以拎一個月嘅糧

但因為我私人貸款個邊仲差九千幾 之後銀行就扣左個九千幾蚊去還私人貸款
所以我個個月只拎到五千幾蚊

本身都問過律師 律師話會拎得返個九千幾蚊

我今年二月凍結戶口之後拎解凍信 3月5號先出正式破產令

Anmi2019

前路茫茫 發表於 8-6-2024 17:36
即係如果就算年尾我有獎金。我當時有同佢提過。佢只叫我到時有獎金就填埋上年報到就得。咁到時我係份年報 ...

年尾獎金=雙糧花紅，係需要上繳。照你前面講，全年每月津貼有6萬，平均每月有5千，年尾獎金應該有幾萬，唔好搏照填落去就算。到時真係收到年尾獎金，問吓駛唔駛上繳先。

前路茫茫

Anmi2019 發表於 8-6-2024 17:01
1. 傾好每月供3k，有無問埋外判每月津貼過幾多錢先要上繳？
2. 如果你無提過，就星期一問噃佢，到時睇吓 ...

即係如果就算年尾我有獎金。我當時有同佢提過。佢只叫我到時有獎金就填埋上年報到就得。咁到時我係份年報 砌到條數做0. 咪即係我可以唔需要點上交獎金？

Anmi2019

kwan0726 發表於 31-5-2024 02:07
想問下 人工萬七 但最近電腦壞左mon 唔打算整 叫屋企人幫我買 洗唔洗填入報表

如果想電一次頭髮 要不要寫 ...

1. 叫屋企人出錢幫你買新電腦，你會畀噃錢屋企人嗎？如唔會畀噃，錢又唔係你出，填落年報無意思喎。但如果你會畀噃而又想填落年報到(當支出)，咁你要先問受託人批唔批你去買先。批～你就可以填。唔批～無得填落去。

2. 你當初交#每月支出表時，有無加項#個人雜費(約1千)？如加咗，電髮/買衫褲鞋襪/睇醫生……已計哂落去，年報只需要係支出項目最底加#個人雜費~填個總數，當1千，X12=12000就可以。如無加，受託人批你幾多生活費？睇吓需唔要同佢提出想加噃。

3. 果九千幾蚊係你呈請後被銀行食咗？如你有欠佢錢，佢食咗係好正常喎。所以呈請前戶口最好清零，頒令前都唔好再用該戶口。如凍結咗(仲見到錢喺戶口度)就有機會問受託人拎解凍信拎噃，但都要一頒令就問，過咗時(可能個零兩個星期內)就無喇，你頒咗令幾耐呀？

Anmi2019

前路茫茫 發表於 8-6-2024 08:08
想請教師姐:
小弟剛入學。話說早幾日約左去討論生活費。 外判就依據我上一個月嘅人工去計算生活費。當日佢 ...

1. 傾好每月供3k，有無問埋外判每月津貼過幾多錢先要上繳？
2. 如果你無提過，就星期一問噃佢，到時睇吓津貼每月要畀幾多，年報供款果度就要填每月上繳+每月津貼X12。
如果你有提過但佢無理，依然話每月上繳3k，咁年報供款只需要填3kX12。
3. 其實外判睇份每月開支表，只係方便去計你每月要上繳幾多錢，傾好上繳之後都唔會點再睇。
4. 佢無就每個支出項目去批實1個數，填年報時已經方便易填好多。有單跟單填咗先，將多出嘅錢平均合理咁填去無單據嘅項目到。總之填完收入-支出=0就可以喇。

square3207

前路茫茫 發表於 8-6-2024 10:33
但咁樣就會產生另外一個問題。 因為當初條數係佢批咗你到報時寫大啲上去會唔會佢唔批？ 同埋始終加上條數 ...

我最後果兩年 年報多左唔少。都照寫。同埋依到既九成人都會咁做。自己睇住黎汁啦。

前路茫茫

square3207 發表於 8-6-2024 09:53
係啲位分開寫大佢。膳食 交通果啲。

但咁樣就會產生另外一個問題。 因為當初條數係佢批咗你到報時寫大啲上去會唔會佢唔批？ 同埋始終加上條數都唔細(佢話獎金寫埋上年報)。 一個月要寫大多幾K.好似有啲難度

square3207

前路茫茫 發表於 8-6-2024 08:08
想請教師姐:
小弟剛入學。話說早幾日約左去討論生活費。 外判就依據我上一個月嘅人工去計算生活費。當日佢 ...

係啲位分開寫大佢。膳食 交通果啲。

前路茫茫

想請教師姐:
小弟剛入學。話說早幾日約左去討論生活費。 外判就依據我上一個月嘅人工去計算生活費。當日佢問我15％有無問題。(假設我上個月係20k)。 我覺得都合理於是就應承咗。而生活費就計寫左我月供3k. 即係呢一年我每個月都畀3k佢就可以。 但問題嚟喇。 因為我份糧每個月會有津貼但唔穩定既。 我睇返上年嘅總收入連獎金津貼假設係300k(如果20k x12 就240k).依家多左成60k 出黎。咁我填年報係應該做左返條數做到都係交15％。還是特左果60k要全部交曬出黎呢？

最後生還者

kwan0726 發表於 31-5-2024 02:07
想問下 人工萬七 但最近電腦壞左mon 唔打算整 叫屋企人幫我買 洗唔洗填入報表

如果想電一次頭髮 要不要寫 ...

好似可以claim

我_重新做人

呢個帖非常有用 幫助

kwan0726

想問下 人工萬七 但最近電腦壞左mon 唔打算整 叫屋企人幫我買 洗唔洗填入報表

如果想電一次頭髮 要不要寫入報表度

加上當初被銀行食左九千幾蚊 想問之後拎唔拎得返

Anmi2019

Lee1234 發表於 23-5-2024 08:49
如果有花紅果D點計,搵16000蚊,但生活開支19000蚊,但有份花紅16000幫補保下,甘又洗唔洗上繳份花紅 ...

人工萬6，受託人又點會批到萬9生活費畀你？總之收入多過生活費批個數就要上繳，收到花紅/雙糧/賠償(人工以外嘅得益)，可以書面問吓受託人可唔可以留部份畀你自用

Lee1234

如果有花紅果D點計,搵16000蚊,但生活開支19000蚊,但有份花紅16000幫補保下,甘又洗唔洗上繳份花紅

Anmi2019

ken1996222 發表於 14-5-2024 01:54
因為有幾個個未傾上繳，搞到多咗幾萬蚊
依幾萬佢計分期，咁要點填

多幾多萬？當4萬，4萬÷12，每個月都係多3千幾，就喺膳食，交通，屋企同個人雜費加大少少

ken1996222

ken1996222 發表於 14-5-2024 01:53
急問

因為有幾個個未傾上繳，搞到多咗幾萬蚊
依幾萬佢計分期，咁要點填

ken1996222

急問

Anmi2019

望看星空 發表於 30-4-2024 13:05
想問下
報年表
我有兩個家姐

有關家庭嘅支出(租，水電煤，家庭雜費……)寫÷3後個數，個人項目就唔需要÷，計自己1人就得