Iva經驗分享

Yuyuyuu

Iva經驗分享，我22年申請iva，當時債主全是一線，tu唔算太差，keep住還min pay，律師都話成數高，應該無問題。

後來開會，proposal係寫5里，其中一個債主要求8里就通過。另外一間銀行就直接拒絕，而且無提供原因，之後既第二，三次會都一樣，唔還價，直接reject兼無講原因。

最後當然iva失敗左，浪費左大半年時間（呢半年時間照疊息），兼幾萬蚊iva申請費。

後來唯有自己逐個債主drp，最大數既三位債主都傾到，而且個rate圍返只係6,7里到。假如當初iva捆綁式通過就要8里。細數既就失敗晒，要求一次還清，好在細數既唔算好多，問家人借一次還清了。

所以總結，做到drp就自己做左drp先。我當初就係因為嫌太多間，以為做iva一次方便而申請。Iva真係要因為有2線財做唔到drp，你想要捆綁式通過逼佢攤長還款先做。但iva真係無路捉，我當初都無諗過有原因會失敗，而且費用高，時間耐，個段日子壓力仲大。

學會放下

好多銀行 / 財務 都唔接受DRP, 加上如果債權人數目多, 用整合還款方法比較適合
我吾清楚你之前搵左邊間律師樓申請, 所以唔評論啦
債務重組最好委託會計師, 同埋要有足夠經驗, 對申請先有保障

Yuyuyuu

我既經驗係，初時我都係問左某d銀行/財務有無drp，佢地話無。但原來最後佢地都有，只不過佢地自己內部唔係叫drp，其實點都有得同佢地傾攤長還款。xxxx xxxx 最後，我想帶出既係，除非有2線唔肯做分期，否則唔好見債主多，怕煩，一定要自己逐間去r到底，一線既9成都有得傾，只不過可能一開始佢地答你無，想逼你還。 Iva個利率你只可以硬食，而drp個利率親自傾，由最初offer我 11里，最好成功傾到5里返黎，平過iva好多。 反正drp 0成本，所以想叫大家不妨試左先，真係唔得先去Iva。

admin: 我唔明點解要寫呢D。除非你係好朋友。

yin12019

Yuyuyuu 發表於 17-5-2023 14:45
我既經驗係，初時我都係問左某d銀行/財務有無drp，佢地話無。但原來最後佢地都有，只不過佢地自己內部唔係 ...

樓主請問可以分享下有邊幾間銀行嗎？

我都申請緊IVA，一樣全部一線銀行，我都好怕唔批

Peter1314

Yuyuyuu 發表於 17-5-2023 14:45
我既經驗係，初時我都係問左某d銀行/財務有無drp，佢地話無。但原來最後佢地都有，只不過佢地自己內部唔係 ...

師兄你用咩方法去同他傾減息？由11減到5%周旋左幾耐？係未他第一次個建議%就已經岀聲？

Peter1314

同埋師兄可唔可以分享下邊幾間傾掂左drp ,等我可以參考下

Dobbyisfree

想問係全部銀行數 定係有d大行？

Yuyuyuu

等我總結下我有邊幾間

Yuyuyuu

我最初iva propose 5%, 恆身批，中國批，渣唔批，賤設批但要求8%，e on唔批，假設通過左都係會變成8%。不過最後都係唔夠票。 轉drp，恆唔批，追數部就搵我，但我同佢講實在無辦法，主要問佢分期得唔得。最後佢俾左我免息分期12個月。 中國就drp開我10%，我話太貴，佢都問返我想點，我話按iva 5%得唔得，佢直接就ok。 渣drp直接批左8%，我又係嫌太貴，話還唔起，佢問我每月可以還幾多，佢就幫我計，計完之後就6%左右。 賤返drp企到好硬，唔肯傾，8%。 E on都係唔肯傾drp，但肯俾我分期6個月。

Yuyuyuu

Peter1314 發表於 21-5-2023 23:39
師兄你用咩方法去同他傾減息？由11減到5%周旋左幾耐？係未他第一次個建議%就已經岀聲？ ...

一般你申請時，你會講左每月還到幾多俾佢，例如96期每月還10000，到佢俾offer時一般都會講多左。然後問你接唔接受，你話計過真係還唔到，佢會問咁你想幾多，你話想按返申請時講個數，傾傾下佢就會ok。所以你申請時填個數好重要，證明到俾佢睇你真係每月岩岩好夠還，還完就無錢剩。

Peter1314

感謝樓主回答

Peter1314

估唔到Iva 百貨公司唔批你，條數新？有無講咩要求？我都有百貨公司驚緊

Peter1314

我一個月前申請左idrp小新，成功失敗財仔都會叫我全數清

Yuyuyuu

Peter1314 發表於 22-5-2023 20:16
估唔到Iva 百貨公司唔批你，條數新？有無講咩要求？我都有百貨公司驚緊

都無得驚架啦，佢地都唔會講原因，不過我估佢都係想我一筆清，覺得我有能力還俾佢地，覺得我濫用左iva掛。因為我爭佢好細數，一個月月薪到。不過我大數係爭40個月月薪。

失落街坊客

師兄， 但係aeon爭咁少都影響左個批核票數！？

失落街坊客

我佔最大係aeon 擔心

xxyyzz

想問吓樓主你Iva失敗咗之後, 咪繼續疊息既, 想知道你嘅債主即時追你數?

Yuyuyuu

xxyyzz 發表於 29-5-2023 11:11
想問吓樓主你Iva失敗咗之後, 咪繼續疊息既, 想知道你嘅債主即時追你數?

無即時，因為各債主未知iva失敗左，要直到律師幫你出信俾各債主通知iva結果佢地先知，我十月開債權人會議，開左三次直到十一月，律師拖到一月先幫我通知各債主iva失敗。跟住一兩個月先開始收到債主追數，同時我都申請埋drp。

xxyyzz

Yuyuyuu 發表於 29-5-2023 15:47
無即時，因為各債主未知iva失敗左，要直到律師幫你出信俾各債主通知iva結果佢地先知，我十月開債權人會議 ...

明白，唔該晒你呀，不過我同你嘅case有少少唔同，我係直頭開唔成債權人會議，因為係開會之前失左業，所以根本直頭IVA條路行唔到，我就係怕喺做其他嘢之前佢哋已經追

Hung12345

師兄介唔介意講下有幾多數 月入 同埋啲債權人係邊啲 想比較下我搵銀行傾drp可唔可行 傾drp有咩要準備