人情債點還?

flypig

欠銀行﹐財務可以申請破產。
如果無親人﹐欠大耳 loan 可以走路﹐搬屋等等。

但欠朋友又可以點?
人地借俾你時﹐你都未老破。
積埋積埋﹐到人地有急用﹐你又話破了﹐唔好意思了。
唉!! 未破產可以碌住卡先。
破了產就無得江湖救急。

人情緊過債。
希望大家唔好學我﹐掙扎到最後一刻﹐山窮水盡先老破。
唔欠親朋債﹐破產可以好有 pride

wexchau

坦白講,朋友係咩定義呢?我老破時都有欠朋友錢,我老破都係朋友,公司,同事幫我先有錢老破,其實真係朋友唔會睇住你死,只要努力去又改過,真正朋友係睇得到的,有時我會咁睇,我有錢的時候,朋友有困難必定幫忙,最緊要真係有須要,如果借左錢比真朋友,就預左有如潑出去的水,從來都未追過朋友,朋友在於坦白真誠,如果真正朋友,又點會介意,我記得當我老破時,同我鬼佬老闆講,佢不單止無話我,仲給我電郵讚我坦白....當然我相信有些事唔係一朝一夕的,平時點做人,身邊人一定會睇到的,以上只是我一些個人睇法...破產無問題...最緊要破產後,將來自己會點做人.....前路還有很多精彩的風景等大家去看....大家努力做人吧